Joel 2:13 - Uwumbɔr aagbaŋ

¹³ Cha nimi aasuugar mɔk nimi aapombiin, naa ye ke ni daa kar nimi aawanpeenkaan baanja.” Gir ni Nidindaan Uwumbɔr chee man. U kpa tiŋann ki ye unimbaasaln daan la; u kpa limɔr ki ŋmaa joo waah puu tipuur ti na; n‑yoonn mɔmɔk kan, u gor ki kii ke u di cha pinn binib. Waa ban ke u daa bitafal.

Joel 2:13 Iomraidhean Croise

Mpiin 37:29

Tɔ, Rubenn nan dan nnyunbun ngbaan chee ki lik, kaa kan Josef mu ponn ni, le u chuu waawanpeenkaan daa kar mpombiin pu,

Mpiin 37:34

Le Jakob aasui bii, le u chuu waawanpeenkaan daa kar mpombiin pu, le ki di tiwanpeenkaan ni saak kuub na di peen. U nan wii waabo ngbaan aakun pu ni yunn pam.

2 Samuel 1:11

Mpombiin pu le David daa kar waawanpeenkaan, le waajab mu ŋa kina.

1 Bibɔrb 21:27

Elaija aah nan len doo na, le Ahab daa kar kar waawanpeenkaan, ki chuu peer ni, le ki di tiwan ni saak kuub na peen, ki yii tijikaar, ki doo tiwanpeenkaan ngbaan ni, le usui bii, le u chuun lik gbilngbiln.

2 Bibɔrb 22:11

Ubɔr aah ŋun kigbaŋ ngbaan aaponn ni aabɔr na, le u daa kar waawanpeenkaan ijawaan ni itaakpayɔl pu,

2 Bibɔrb 22:19

le ki kpeln saabimbin ki sunn aabaa taab nnimbiin ni, ki daa kar saawanpeenkaan ki wii buyoonn aa ŋun maah nyan sil ke m daa Jerusalem ni kaanib aatafal pu na. M ga cha nima chee kpaln ijawaan sakpiin aabuul ni, le binib ga li joo nima aayimbil puuni lir biken pu. Tɔ, m ŋun saameel,

2 Bibɔrb 5:7

Israel yaab aabɔr aah karn kigbaŋ na, le usui bii, le u daa kar waawanpeenkaan ki teen mpɔɔn pu ke, “Siria aatiŋ aabɔr ban ke m ŋa kinye aan ki cha uja wee pɔɔk? U dak ke m ye Uwumbɔr u kpa limɔfal ni nkun aapɔɔn na la aa? Nimina dɔ mpaan pu ke u ban u tak mi la.”

2 Bibɔrb 6:30

Ubɔr aah ŋun kina na, le u daa kar kar waawanpeenkaan mpombiin pu, le binib bi nan bi duun ligoln ngbaan na kan ke u nan pee tiwan ni saak kuub na taab.

2 Bibɔrb Aabɔr 6:27

saah bi paacham na, pel baameel ki di cha pinn saatutum Israel aanib, ki mɔk bi ni ŋan ke bi tun na, ki cha utaal nu saatiŋ ki aa di tii saanib ke ki li ye biyaan na pu.

Nehemia 9:17

Bi nan yii, kaa kii tii si; bi nan suln saah ŋa tiwan nimɔk na; bi nan suln saah ŋa iwaan aawan nimɔk na. Baanimpoo ni, bi nan nyan uyidaan ubaa ke u di bi giin tinaagbiir ponn ni, Ijipt aatiŋ ni. Le aa ye Uwumbɔr u joo cha pinni titunwanbir na; aa ŋan ti nyaŋ, ki gee binib, le saaŋuul aa fii mala mala. Saanimbaasaln aah nyaŋ sakpen pu na, le saa nan yii bi.

Job Aagbaŋ 1:20

Le Job fii sil, ki daa kar waawanpeenkaan nsuugar pu. U nan kuu uyil, le ki lir lichichikr,

Ilahn 103:8

Uwumbɔr ye unimbaasaln la, le ki gee timi, waaŋuul aa fiir woween, le u gee timi sakpen.

Ilahn 106:45

Bima pu le u teer waah nan puu tipuur ti na, le waageehm sakpem pu, u sɔŋ usui.

Ilahn 34:18

Uwumbɔr bi duun binib bi aataakpab yɔl na la; le ki gaal binib bi kaa ki kpa limakl libaa na lir.

Ilahn 51:17

Uwumbɔr, saatork ki aa gee na le ye nsui mu sunn mubaa taab ki ŋmaa kpiir mu aatunwanbir na.

Ilahn 86:15

Uwumbɔr, le aa ma ye Uwumbɔr u san kinimbaak ki kpa ngeehm na, ki kpa suklaa ni tiŋann, ki ŋani saah puu ke aa ga ŋa pu na n‑yoonn mɔmɔk.

Ilahn 86:5

Aa kpa ti pu tiŋann le ki joo cha pinni timi aatunwanbir; saageehm mu bi n‑yoonn mɔmɔk na bi binib bi mee si na chee.

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 58:5

Ni yaa lul bumɔb kan, le ni muk nibaa, le ki tiin niyil ke kimook ki yɔl na, ki di tiwan ni saak kuub na aakekeln yar, ki di nfatan yɔk yɔk ŋi pu, ki doon paan. Nimina le ni yin bumɔb aalulm aa? Ni dak ke nima ngbaan ga piir nsui ii?

Aisaya 66:2

Min mbaa le nan naan dulnyaa wee mɔmɔk. Nsui piin binib bi sunn bibaa taab aan bisui bii baatunwanbir pu, ki san mi ki kii maamɔb na pu.

Jeremia 36:7

Nibaakan bi ga mee Uwumbɔr ki fenn bipuwɔb tii baatunwanbir, ba pu? Uwumbɔr aaŋuusakpeln ni, le u puu ke u ga daa bitafal pam.”

Jeremia 41:5

bijab imonko inaa nan nyan ni Sekem, ni Silo, ni Samaria. Bi nan kuu bilangban, ki kar kar baawanpeenkaan, ki kpa tidaan biwon pu. Bi nan joo ni tijikaar ni tulalee aayon ke bi nan tii ipiin Uwumbɔr Aadichal ni.

Jeremia 42:10

‘Ni yaa ban ke ni li beenin bi kitiŋ kimina pu kan, m ga maa nimi ŋidichal ki taa bii nimi, m ga cha ni moo chɔbaan ki taa ki kpokl lir. Maah nan cha libiil li dan ni pu na tii mi mpombiin pam.

Esekiel 9:4

“Koo Jerusalem aatiŋ ponn ni, ki daan unii umɔk aasui bii aan ni muk u baah tun ŋitun ŋi sukr ponn ni kitiŋ ngbaan ponn ni na aayigbeer pu kidaan.”

Hosea 14:1

Nimi Israel aanib, gir ni Nidindaan Uwumbɔr chee. Nimi aatunwanbir le cha ni gbeer ki lir.

Jona 3:9

Nibaakan, Uwumbɔr ga kpeln waalandak aan waaŋuul ga sɔŋ, le ti taa kpo.”

Jona 4:2

Le u mee Uwumbɔr ke, “Uwumbɔr, maah nan laa bi linampal na, m nan len ke kina le aa ga ŋa. Kina pu le m nan pɔɔn mbaa ke m san mala ki buen Speenn aatiŋ ni. M nyi ke aa ye Uwumbɔr u gee binib ki san bi kinimbaak na la, aa kpa limɔr n‑yoonn mɔmɔk, ki kpa tiŋann n‑yoonn mɔmɔk, ki ŋmaa kpelni saalandak kaa dar binib aatafal.

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Nahum 1:3

Uwumbɔr aaŋuul aa fiir mala mala, le u tee kpa mpɔɔn sakpen, le ki dar binib bi aabɔr aa ŋan na aatafal, kaa joo cha pinni bi. Kitaabuŋ fii nin chee Uwumbɔr chuun na la; utaa aatangbaak le ye ntaalangbam.

Nkahm 14:18

‘Min le ye Uwumbɔr, maaŋuul aa fii yɔl yɔl, le m mɔk maah kpa ngeehm sakpen pu, ki ŋani maah puu ke m ga ŋa pu na, le ki cha pinni titunwanbir, ni binib bi yii maamɔb na. Mbamɔn, maan di cha ke maan daa tetiib aabim, ni biyaabitiib, ni biyaabisɔsɔk aatafal, ki ti saa nfum munaa pu, bitetiib aatunwanbir pu.’

Rom Yaab 2:4

U ŋa si tibulchinn sakpen, ki kpa limɔr ni suklaa aa pu. Ba ŋa aa lik u fam? Saa nyi ke Uwumbɔr ban ke aa kpeln saabimbin aa? Nima le cha u ŋa si tibulchinn.

Efesusi 2:4

Tɔ, Uwumbɔr mu kpa linimbaasaln sakpen, ki gee timi sakpen.

1 Timoti 4:8

Unii yaa san ke uwon yabr kan, ni kpa tinyoor siib la. Unii yaa chuu ubaa ki bae Uwumbɔr aasan kan, nima le ye tinyoor sakpen ki tii u. Ba pu? Uwumbɔr puu tipuur ke nima le ga tii binib limɔfanyaan dandana wee, ni n‑yoonn mu choo na.