Joel 2:11 - Uwumbɔr aagbaŋ

¹¹ Uwumbɔr tar ke utaal na ki tuk waatɔb aajab baah ga ŋa pu na. Waajab bi kii tii waamɔb na wiir ki kpa mpɔɔn. Uwumbɔr aawiin ngbaan daal kan, ubaa aan li wii aan uŋeen aatɔ ka laa. Ubaa aan ŋmar nwiin ngbaan daal.

Joel 2:11 Iomraidhean Croise

Ilahn 18:14

U nan too waapiin, le waadim yaa; u nan cha utaal moor, le bi san.

Ilahn 46:6

Ijawaan chur ŋitimbol, le nnaan mɔmɔk jii; Uwumbɔr tar, le kitiŋ bunn doo.

Ilahn 68:18

U joo binaagbiib pam ki chaa paacham; u gaal ipiin binib bi yii waamɔb na chee. Tidindaan Uwumbɔr le ga li bi nima.

Aisaya 13:4

Li pel kifuuk ŋijoo ngbaan pu man, ni ye kinipaak sakpeŋ aafuuk; kifuuk ngbaan ye ŋitimbol ni nnaan aanib le bi kuuni tɔb chee. Uwumbɔr Mpɔɔnsakpiindaan le bi gor bijab ke bi buen butɔb.

Aisaya 42:13

Uwumbɔr ga jan ke upobidaan na; u gor ki jek ban butɔb la. U faa nkuun, nkuun mu ye butɔb aakuun na, u mɔk waadim waapɔɔn.

Aisaya 7:18

“N‑yoonn ngbaan yaa nan fuu ni kan, Uwumbɔr ga foo ifoo le ki mɔk Ijipt yaab ke bi fii ni ke tisibir na ki nyan ni Nail aamɔɔpan mɔmɔk; le Asiria yaab mu ga fii nyan ni baatim ni ke inangbee na ki dan.

Jeremia 25:30

“Sin Jeremia, di maah len pu na mɔmɔk moon. Aa bui binib bee ke, ‘Uwumbɔr ga ŋuun ni paacham, ki teen ke utaal na paachapaacham. U ga ŋuun waanib pu; u ga li tar ke uja u bi tai ŋisubil, aan nnyun nya pu na la. Unii umɔk bi kitiŋ do na ga ŋun u pu,

Jeremia 30:7

Ijawaan sakpiin aawiin mubaa choo; nwiin ngbaan aaŋeen aatɔ aan li bi, maanib aapombiin aayoonn le bi na, bi mu tee ga ŋmar.”

Jeremia 50:34

Le u ga gaa bi lii na kpa mpɔɔn, waayimbil le ye Uwumbɔr Mpɔɔnsakpiindaan. Uma ubaa le ga gaa baabɔr, ki cha nsuudoon dan kitiŋ kee pu, le Babiloŋ aanib ma kpa tibɔbir.”

Esekiel 22:14

Aa dak ke m yaa doo saabɔr kan, aa ga ki li kpa ntaakpab pɔɔn bee mpɔɔn mubaa gur ki di yoor aaŋaal paacham aa? Min Uwumbɔr le len, ki ŋani maah len pu na.

Joel 1:15

Uwumbɔr aawiin peen ni a; nwiin mundaal Mpɔɔnsakpiindaan ga bii tiwan mɔmɔk doo na peen ni a. Ba aajawaan aaboln aan kina aawiin ga joo ni.

Joel 1:6

Itoon dan ki wiir pam ki nan gob timi aatiŋ a; i kpa mpɔɔn ki wiir ke litambol na; le yaanyin ka ke uchinn aanyin na.

Joel 2:1

Pii kakaan man; faa nkuun Sionn aajool li ye Uwumbɔr aajool ki bi chain na paab. Juda aatiŋ aanib, cha niwon li gbaa man. Uwumbɔr aawiin peen ni a.

Joel 2:2

Nwiin ngbaan daal ga li bɔɔn ki bi timm, mu ga li bɔɔn ki kpa ntaalangbam pam. Kitoonpaak ngbaan choo ki naahn mbɔmbɔɔn sakpiin mubaa le aah biini ŋijoo paab na. Tiwan nimina aaboln aa kee ŋa, kaan ki ŋa daalbaadaal.

Joel 2:25

M ga giin itoon aah di nimi aajikaar ti mɔmɔk ŋman ŋibin ŋi jer na ki ki di tii nimi. Min le nan tun ni itoon i wiir sakpen ngbaan na.

Joel 2:31

Nwiin ga bɔln, le uŋmal mann ke nsin na waahr aan Uwumbɔr aawiin daal nin fuu ni. Mu ga li ye nwiin sakpiin mu kpa ijawaan na la.

Joel 3:14

Binib ŋichur ŋichur le gbii Libɔjil Aafataŋ ngbaan ni. Nima chee le Uwumbɔr aawiin ngbaan ga gbeen fuu ni mala.

Joel 3:16

Uwumbɔr tar ke uchinn na Sionn aajool pu; uneel nyan ni Jerusalem aatiŋ ni, ke utaal aah tar pu na; le kitiŋ ni kitaapaak jii. U mu tee ga li kii waanib.

Amos 1:2

Le Amos len ke, “Uwumbɔr ŋuun ni Sionn Aajool paab ke uchinn na; uneel tar mpɔɔn pu ke utaal le aah gbeer na, ki nyan ni Jerusalem aatiŋ ni. Inaa aah ŋmɔ timoor nin chee na mɔmɔk kuur a, le Kamel Aajool paab kuur ki mann ke lipeel aamoor na.”

Amos 5:18

Naan nan li ŋan tii nimi bi kii Uwumbɔr aawiin ngbaan na. Nwiin ngbaan daal aan nan joo ni tiwan nibaa ni ŋan. Ba pu? mu ga nan li ye libɔmbɔln ŋmeen kaan li kpa nwiihn.

Amos 5:20

Uwumbɔr aawiin ngbaan daal ga joo ni libɔmbɔln ŋmeen la, naan li ye nwiihn; mu ga li ye nwiin mu bɔɔn timm kaan li wiin kpala na la.

Obadia 1:15

“Nwiin ngbaan peen ni, bundaal aan min Uwumbɔr ga ji ŋitimbol mɔmɔk tibɔr na peen ni. Edom yaab, naah ŋa pu na, kina le ni ga kan. Naah tii pu na, kina le bi ga giin tii nimi.

Nahum 1:6

Uwumbɔr aaŋuul yaa fii kan, ŋma ga ŋmar? Ŋma ga ŋmar waaŋuusakpeln ni? U cha waaŋuul puu nyan ni ke mmiigaal na la; ŋitakpal wur unimbiin ni ki kpaln titan la.

Malakai 3:2

Tɔ, ŋma ga ŋmaa sil kina aawiin chee? U yaa nan fuu ni kan, ŋma ga ŋmar? U ga nan li bi ke bukiib bu pɔɔ na la, ki bi ke mmii mu wu nyani tijɔŋ tikur ni na la.

Nkahm 24:23

Balaam le nan ki nabr tibɔr timina: “Binib ngbaan nyan ni la chee, ki bi kuuni ŋŋangan wɔb?

1 Tesalonika 4:16

Ba pu? Tidindaan ubaa ga nyan ni paacham ki sunn ni. U yaa sunn ni kan, le ti ga ŋun nneel sakpiin, ni Uwumbɔr aatuuntiib aaninkpel aaneel, ni Uwumbɔr aakakaan aawiil.

Tibɔkpiirkaan 18:8

Nima pu le falaa ga pii kitiŋ ngbaan liwinbaal. Iweenbir, ni mpombiin, ni nkon ga lir ki pu. Le mmii ga gaa kitiŋ ngbaan mɔmɔk; ba pu? Tidindaan Uwumbɔr u dar kitafal na kpa mpɔɔn sakpen.”

Tibɔkpiirkaan 6:17

ba pu? baaŋuul aawiin sakpiin daal fuu ni a. Ŋma ga ŋmaa sil?”