Joel 2:10 - Uwumbɔr aagbaŋ

¹⁰ I yaa choo kan, kitiŋ deŋni la, le kitaapaak jii. Nwiin ni uŋmal mɔmɔk bɔnn chirm, le iŋmabi aa ki wiin.

Joel 2:10 Iomraidhean Croise

Ilahn 114:7

Kitiŋ, li jii; ba pu? Uwumbɔr choo, Uwumbɔr u tiyaaja Jakob mu nan dii u na,

Ilahn 18:7

Le kitiŋ dam ki deŋ; ŋijoo aah baa nin chee na dam ki jii, ba pu? Uwumbɔr aaŋuul le nan fii.

Aisaya 13:10

Iŋmabi mɔmɔk aan ki li wiin, le nwiin ga bɔln kaan ki li wiin, le uŋmal mu aan ki li wiin.

Aisaya 34:4

Nwiin, ni uŋmal, ni iŋmabi mɔmɔk ga ker lir ni kitiŋ ki kpaln titan. Kitaapaak ga kpab buen ke baah kpab nkan pu na, le iŋmabi ker lir ni ke ŋikakan aafar ti kuur na aah ker lir ni kitiŋ pu na.

Aisaya 5:30

Nwiin ngbaan daal yaa nan fuu ni kan, bi ga nan ŋuun labr Israel aatiŋ pu ke nnyusakpem aah fu pu na. Lik man litimbol limina. Ni ye mbɔmbɔɔn ni nsuubiin ŋmeen la. Mbɔmbɔɔn di nwiihn mɔmɔk mu nan bi nima na di nab a.

Jeremia 4:23

M nan lik kitiŋ, le ki kan ke ki nan ye kitikuun ŋmeen la. M nan waan lik paacham, le kaa waa nwiihn.

Joel 2:2

Nwiin ngbaan daal ga li bɔɔn ki bi timm, mu ga li bɔɔn ki kpa ntaalangbam pam. Kitoonpaak ngbaan choo ki naahn mbɔmbɔɔn sakpiin mubaa le aah biini ŋijoo paab na. Tiwan nimina aaboln aa kee ŋa, kaan ki ŋa daalbaadaal.

Joel 2:31

Nwiin ga bɔln, le uŋmal mann ke nsin na waahr aan Uwumbɔr aawiin daal nin fuu ni. Mu ga li ye nwiin sakpiin mu kpa ijawaan na la.

Joel 3:4

“Taya, ni Saidonn, ni ntim mumɔk bi Filistia aatingbaan na, ba le ni ban ke ni ŋa mi? Ni pɔɔni nibaa ke ni pa mi lipɔln la aa? Kina le yaa ye nimi aalandak kan, m ga giin pa nimi mala.

Amos 5:8

Uwumbɔr le naan iŋmabi, ni paacham aawan mɔmɔk. U kpeln mbɔmbɔɔn ki di ŋa nwiihn, ki di nwiin pu mu kpeln ŋa kinyeek. Uma le yin nnyusakpem aanyun, ki joo kpir kitiŋ pu. Waayimbil le ye Uwumbɔr.

Nahum 1:5

Ŋijoo jii Uwumbɔr aanimbiin ni la; le ŋigongon donn unimbiin ni. Kitiŋ yaa kan Uwumbɔr kan, ki deŋni la; dulnyaa, ni binib bi mɔmɔk bi u pu na aawon gbaa la.

Matiu 24:29

“N‑yoonn ngbaan aafalaa aapuwɔb, le paacham aawan aan ki li bi mbamɔm. Nwiin ga bɔln. Uŋmal mu aan ki li wiin. Iŋmabi mu ga lir.

Matiu 27:51

N‑yoonn ngbaan, le likekeln li yakr Uwumbɔr aadiik ni nfum mulee na chuu kar paacham ki ti saa kitiŋ. Le kitiŋ deŋ, le ŋitakpasakpiin chuu war.

Lituln 2:20

nwiin ga bɔln, le uŋmal mann ke nsin na, waahr aan Uwumbɔr aawiin daal nin fuu ni. Mu ga li ye nwiin sakpiin mu kpa liyimbil na.

Tibɔkpiirkaan 20:11

Le m kan libɔrjal pipiln sakpeln, ni u ka li pu na. Le kitiŋ ni paacham san nyan u chee, kaa ki bi.

Tibɔkpiirkaan 6:12

Le m kan Upihbo ngbaan ki chuu dabr ndam loloob. Le kitiŋ deŋ sakpen. Le nwiin bɔln ke likekebɔln na. Le uŋmal mann ke nsin na.

Tibɔkpiirkaan 8:12

Le Uwumbɔr aatuun nanar mu pii waakakaan. Le nwiin ligetatar chuu gii ki bɔln. Uŋmal ligetatar, ni iŋmabi ligetatar mu chuu gii ki bɔln. Le nwiin ligetatar aa wiin. Kinyeek ligetatar mu aa wiin.

Tibɔkpiirkaan 9:2

Le li chuu lakr libuul ngbaan aajaaleŋ. Le iŋmanyuu nyan li ponn ni ki fii paacham, ki naahn mmii mu gaal sakpen na aaŋmanyuu, ki bɔln nwiin timm.