Joel 2:1 - Uwumbɔr aagbaŋ

¹ Pii kakaan man; faa nkuun Sionn aajool li ye Uwumbɔr aajool ki bi chain na paab. Juda aatiŋ aanib, cha niwon li gbaa man. Uwumbɔr aawiin peen ni a.

Joel 2:1 Iomraidhean Croise

1 Bibɔrb Aabɔr 15:28

Kina le Israel yaab mɔmɔk nan di Nkaal Aadakaa ngbaan buen Jerusalem ponn ni, ki tar mpopiin pu, ki pii kakaan, ni ikpiin, ki yak ichayakrtuun, ki gbaa tibar.

Ilahn 119:120

M san sin le ijawaan; saakaal pu le ijawaan joo mi.

Ilahn 87:1

Uwumbɔr maa waatiŋ ligongoln li bi chain na pu la.

Nnyam 10:14

I nan dii ni ŋiker ŋiker, le ki nan gbiin kitiŋ ngbaan ni. I nan wiir ki ti nyaŋ, ubaa aa kee kan itoon kina, le ubaa mu aan ki kan itoon kina aaboln.

Aisaya 13:6

Li wii man iween pu. Uwumbɔr aawiin duun ni a, bundaal uma Mpɔɔnsakpiindaan ga joo ni libiil na duun ni a.

Aisaya 13:9

Uwumbɔr aawiin choo, nwiin mu ga joo ni libiil, ni liŋuusakpeln, ni libiil li wu ke mmii na choo. Kitiŋ kee ga kpaln kitiŋ ki kaa kpa nibaa ki pu na la, le titunwanbirdam mɔmɔk ga doo.

Aisaya 2:12

Liyaadaal ngbaan Uwumbɔr Mpɔɔnsakpiindaan ga sunn mpɔɔndam, ni kalmbaanidam, ni kigaadam mɔmɔk taab.

Aisaya 66:2

Min mbaa le nan naan dulnyaa wee mɔmɔk. Nsui piin binib bi sunn bibaa taab aan bisui bii baatunwanbir pu, ki san mi ki kii maamɔb na pu.

Aisaya 66:5

Nimi bi san Uwumbɔr ki kii waamɔb na, li pel man waah len pu na: “Naah gaa mi ki kii pu na, nimi aanib bibaa nan nimi, kaa ban bi kpaan ni chee. Bi laa nimi ki len ke, ‘Cha Uwumbɔr mɔk waapɔɔn ki gaa nimi lii, aan ti kan naah ga li mɔɔni pu na.’ Le bima bibaa le ga ji inimɔɔn.

Jeremia 16:10

“Aa yaa tuk bi timina mɔmɔk kan, bi ga baa si ke ba ŋa m ŋa kina aalandak ke m daa bitafal sakpen kina. Bi ga baa ke ba aatimbiil aan bi bii, ki baa ke ba aatunwanbir aan bi tun Bidindaan Uwumbɔr.

Jeremia 16:7

Ubaa aan kal uken chee u ji ki nyu ndaan, ki sɔŋ usui, ke baah gee unii u na yaa kpo kan, bi ŋani pu na. Ubaa aan san uken kinimbaak, ni yaa ye udaan ngbaan aate, bee una le yaa kpo kan, ubaa aan gar u.

Jeremia 4:5

Pii ikpiin kitiŋ kee mɔmɔk pu man. Teen mpɔɔn pu aan unii mɔmɔk ŋun. Tuk Juda ni Jerusalem aanib libiil li choo Juda pu na ke bi san buen ntim mu bi maa ŋigon gob mu na ni.

Jeremia 5:22

Min le ye Uwumbɔr; ba ŋa naa san mi? Ba ŋa naa jii nnimbiin ni? M di litambol le bil kiir nnyusakpem, ke mu aanaanmɔk le na n‑yoonn mɔmɔk. Nnyusakpem aanyun ga fii too paacham, mu mu aan ŋmaa jer mu aanaanmɔk, le tinyunkpenn ga ŋmaa fii ti lir ni kifuuk, ti mu aan ŋmaa jer buen nibaa.

Esekiel 12:23

Tɔ, tuk bi min Bidindaan Uwumbɔr aah kpa pu ki joo cha kina wɔb na. M ga cha kina aayataŋakl doo. Ubaa aan ki ŋakl li Israel aatiŋ pu daalbaadaal. Tuk bi ke: N‑yoonn fuu ni, le tibɔnabrkaan bi gbiini.

Esekiel 21:12

Unibɔn, wii mpɔɔn pu; Kijaak aajuk kimina ga ku maanib Israel yaab aasalolm mɔmɔk la. Ki ga ku maanib ni baasalolm mɔmɔk. Li gbaa aabiŋ mpombiin pu.

Esekiel 30:3

Nwiin mundaal Uwumbɔr ga fii sil na duun ni a, mu ga li ye ntaalangbam ni tibɔbir aawiin le ki tii ŋitimbol.

Esekiel 33:3

U yaa kan ke bidim choo kan, le u faa nkuun ke unii mɔmɔk bee.

Esekiel 33:6

Tɔ, ni yaa ye ke ukikiir na kan bidim aah choo pu na kaa faa nkuun kan, bidim ngbaan ga dan ki nan ku titunwanbirdam ngbaan, le m ga chuu ukikiir ngbaan taani baakun pu.

Esekiel 7:10

Israel yaab aabɔbir aawiin choo.

Esekiel 7:12

N‑yoonn ngbaan choo. N‑yoonn peen ni, le kitiirk aan nan ki li kpa ŋitaa; ba pu? Uwumbɔr aah ga nan daa unii mɔmɔk aatafal pu na ga li ye mbaa la.

Daniel 6:26

Min le len ke maanaan mɔmɔk ni, binib mɔmɔk li san ki pak Daniel Aawumbɔr. U ye Uwumbɔr u kpa limɔfal na la, le u ga li joo dulnyaa ki ti saa n‑yoonn mu kaa kpa ndoon na. Ubaa aan ŋmaa bii waanaan, le waapɔɔn mu aan ŋmaa doo.

Daniel 9:16

Sin le nan kii timi n‑yoonn mu jer na, kina pu na, taa ki gee Jerusalem aatiŋ pu liŋuul. Ki ye saatiŋ ki bi chain na la. Binib bi mɔmɔk bi itingbaan mɔmɔk ni na lik seen Jerusalem aatiŋ, ni saanib, timi aatunwanbir, ni tiyaajatiib aatunwanbir pu.

Daniel 9:20

M nan beenin mee Uwumbɔr, ki kpiir maatunwanbir ni maanib Israel yaab aatunwanbir, ki gaŋni Ndindaan Uwumbɔr ke u ki gir maa Waadichal li bi chain na.

Hosea 5:8

Pii butɔb aakpiin Gibea aatiŋ ni man. Faa nkuun Rama aatiŋ ni man. Faa butɔb aakuun Bef Afenn aatiŋ ni. Benjaminn aajab, fii buen butɔb ni man.

Hosea 8:1

Uwumbɔr bui ke, “Faa nkuun man. Bidim boon nan lir maatiŋ pu ke ŋikaagii na la. Maanib bii tipuur ti m nan puu tii bi na, le ki yii maamɔkm.

Joel 1:15

Uwumbɔr aawiin peen ni a; nwiin mundaal Mpɔɔnsakpiindaan ga bii tiwan mɔmɔk doo na peen ni a. Ba aajawaan aaboln aan kina aawiin ga joo ni.

Joel 2:11

Uwumbɔr tar ke utaal na ki tuk waatɔb aajab baah ga ŋa pu na. Waajab bi kii tii waamɔb na wiir ki kpa mpɔɔn. Uwumbɔr aawiin ngbaan daal kan, ubaa aan li wii aan uŋeen aatɔ ka laa. Ubaa aan ŋmar nwiin ngbaan daal.

Joel 2:15

Pii kakaan Sionn aajool paab man; cha binib mɔmɔk lul bumɔb ki kuun bi mɔmɔk kpaan.

Joel 2:31

Nwiin ga bɔln, le uŋmal mann ke nsin na waahr aan Uwumbɔr aawiin daal nin fuu ni. Mu ga li ye nwiin sakpiin mu kpa ijawaan na la.

Joel 3:14

Binib ŋichur ŋichur le gbii Libɔjil Aafataŋ ngbaan ni. Nima chee le Uwumbɔr aawiin ngbaan ga gbeen fuu ni mala.

Joel 3:17

“N‑yoonn ngbaan, le nimi Israel yaab ga bee ke min le ye Nidindaan Uwumbɔr. M bi Sionn, maajool li bi chain na pu la; Jerusalem ga li ye kitiŋ ki bi chain na la; le kaadim aan ki ŋmaa nyaŋ ki daalbaadaal.

Amos 3:6

Ukpiin yaa wii kitiŋ ni kan, ijawaan chur binib mɔmɔk la. Tibɔbir aan ŋmaa koo ni kitisakpeŋ ni kaa nyan ni Uwumbɔr chee.

Amos 5:18

Naan nan li ŋan tii nimi bi kii Uwumbɔr aawiin ngbaan na. Nwiin ngbaan daal aan nan joo ni tiwan nibaa ni ŋan. Ba pu? mu ga nan li ye libɔmbɔln ŋmeen kaan li kpa nwiihn.

Amos 8:2

Le Uwumbɔr bui mi ke, “Buyoonn maanib Israel yaab ga doo na ŋeer le na; maan ki kpeln maalandak ke maan daa bitafal.

Obadia 1:15

“Nwiin ngbaan peen ni, bundaal aan min Uwumbɔr ga ji ŋitimbol mɔmɔk tibɔr na peen ni. Edom yaab, naah ŋa pu na, kina le ni ga kan. Naah tii pu na, kina le bi ga giin tii nimi.

Sefania 1:14

Uwumbɔr aawinkpaan ngbaan peen ni, mu peen ni ki choo mala mala. Mu ga li ye mpombiin daal la, hali bijab bi kaar na ga wii itaakpayɔl pu.

Sefania 1:16

mu ga li ye nwiin mundaal bijab ga pii butɔb aakpiin, ki faa butɔb aakuun, ki tak ntim mu bi maa tidifɔfɔŋ ni ŋigon kiir mu na la.

Sefania 1:7

Uwumbɔr aawiin peen ni a, nwiin mundaal Uwumbɔr ga ji binib tibɔr na peen ni a, kina pu na, li ŋmin suuna man. Uwumbɔr gor ke u kɔr waanib ke kitork aawakor na la, le ki yin baadim ke bi nan yoor baawan.

Sefania 3:11

N‑yoonn ngbaan na, nimi maanib aan ki san inimɔɔn ke ni nan nyan mpuwɔb. M ga nyan binib bi mɔmɔk kpa kigaak ni kipupuk na ni ponn ni, le naan ki li kpa kalimbaani maagongoln li bi chain na pu daalbaadaal.

Sekaria 14:1

Nwiin mundaal Uwumbɔr ga kal ki ji binib tibɔr na peen ni a. Le bi ga yoor Jerusalem aawan mpɔɔn buen, ki ga yakr tiwan ngbaan ninimbil ni.

Sekaria 8:3

M ga gir ni Jerusalem aatiŋ pu. Kima le ye maatiŋ ki bi chain na, le m ga li koo ki ponn ni. Kaayimbil le ga li ye ke kitiŋ ki dii min Uwumbɔr mbamɔm na, le min Uwumbɔr Mpɔɔnsakpiindaan na aagongoln aayimbil ga li ye ke ligongoln li kaa kpa tijɔŋ na.

Malakai 4:1

Uwumbɔr Mpɔɔnsakpiindaan bui ke, “Nwiin mubaa choo le bigaadam ni titunwanbirdam ga wu ke mmii le aah wu timokuun na. Liyaadaal ngbaan kan, mmii ga wu bi, le biwon nibaa chee aan gur kaa wun.

Nkahm 10:2

“Di baah di ligagaar gbaa tikunabr ti na ŋa kakaan tiib bilee, ki li joo pii yin maanib bi kuuni, ki fiini bi baah ka nin chee na mu.

Nkahm 10:3

N‑yoonn mu bi ti ŋun kakaan bilee ngbaan wii ni yunn na kan, binib ngbaan mɔmɔk kuun ni aa chee, Maabool aabisamɔb chee.

1 Korenti 14:8

Unii yaa pii ukpiin, kaa pii mbamɔm kan, baan kuun tɔb chee ke bi ti to butɔb.

Filipi 2:12

Nima pu na, nnaabitiib bi m gee bi na, maah kaa bi ni chee na, m ban ke ni kii maamɔb ki jer naah nan kii maamɔb buyoonn m nan bi ni chee pu na. Naah ŋmar pu na, ni li tun Uwumbɔr aatuln ke binib bi ŋmar na aah ba ga tun pu na, ki li san Uwumbɔr n‑yoonn mɔmɔk;

1 Tesalonika 5:2

Ba pu? nimi nibaa nyi mbamɔm ke Tidindaan aawiindaal ga fuu ni ke unaayuk aah fuur ni kinyeek pu na la.

Jemisi 5:8

Ni mu li kpa limɔr man, ki pɔɔk nitaakpab; ba pu? buyoonn Tidindaan ga gir ni na peeni.

1 Piita 4:7

Tɔ, ni gur siib le tiwan mɔmɔk ga doo. Nima pu na, ni li kpa laasaab, ki chur nibaa, ki mee Uwumbɔr.

Tibɔkpiirkaan 6:17

ba pu? baaŋuul aawiin sakpiin daal fuu ni a. Ŋma ga ŋmaa sil?”