Joel 1:9 - Uwumbɔr aagbaŋ

⁹ Njikaabim ni ndaan aa bi ti di tii ipiin Uwumbɔr Aadichal ni; Uwumbɔr aatotoorb aa kan nibaa bi di toor kitork tii Uwumbɔr, le ki wii ikpowiil.

Joel 1:9 Iomraidhean Croise

2 Bibɔrb Aabɔr 13:10

“Le tima beenin dii Tidindaan Uwumbɔr, kaa yii u. Aaronn aayaabitiib bi ye bitotoorb na beenin tun baatun, le Liifai yaab ter bi.

Nnyam 28:1

“Kuun aakpel Aaronn ni ujapɔtiib, Nadab, ni Abihu, ni Eleasar, ni Itamar. Yakr bi Israel yaab biken chee, nima kan, bi ga li tun kitork aatuln tii mi.

Aisaya 61:6

Le binib ga li nyi nimi, ke ni ye Uwumbɔr aatotoorb, timi Aawumbɔr aatutum. Ni ga ji ŋitimbol ŋiken aawangol, ki li mak ke ni ye nimi yaan la.

Inandalahn 1:16

Kina pu le tinyunyunn nya nnimbil ni ki puu lir. Ubaa aan ŋmaa sɔŋ nsui, ubaa aan ŋmaa pɔɔk ntaakpab. Bidim nyaŋ mi, bi yoor maanib aawan mɔmɔk a.

Inandalahn 1:4

Ubaa aa ki koo Uwumbɔr Aadichal ni ke u nan doon Uwumbɔr njim daal. Bisapɔm bi nan gaa ilahn nima na ji falaa la, le bitotoorb ker idun ŋmeen la. Kitiŋ aagoln aabisamɔi ni gur ye nkuun la, le Sionn aatiŋ aanib bi iween sakpen ni.

Hosea 9:4

Baan ti ŋmaa tii Uwumbɔr ndaan aapiin, biwɔwɔm aatim ngbaan ni, kaan ŋmaa di baatork buen unimbiin ni. Biwɔwɔm ngbaan aajikaar ga bii umɔk jin ti na, ke baah jin likpuul ponn ni aajikaar pu na la. Bi ga li ji ti ke ti lee baakon la; ti ponn ni tibaa aan ŋmaa koo Uwumbɔr Aadichal ni ki ye ipiin tii u.

Joel 1:13

Nimi bitotoorb bi dooni Uwumbɔr waatork aabimbiln taab na, peen tiwan ni saak kuub na ki li wii man. Li cha Uwumbɔr Aadichal ni ki ti li wii ikpowiil, ki taa geen man. Njikaabim ni ndaan aa bi ni di toor kitork tii nimi Aawumbɔr.

Joel 1:16

Ti si lik kaa kpa nterm mubaa, le timi aajikaar mɔmɔk bii doo. Mpopiin mubaa aa bi timi Aawumbɔr Aadichal ni.

Joel 2:14

Nibaakan, Nidindaan Uwumbɔr ga kpeln waalandak, ki ga ŋa waanyoor ŋa ni pu aan ni kan tijikaar sakpen. Le ni ga ŋmaa tii u njikaabim ni ndaan aapiin.

Joel 2:17

Bitotoorb bi tun Uwumbɔr aatuln, waatork aabimbiln ni Waadichal aabisamɔb aakaasisik ni na; ni li mee Uwumbɔr ni tinyunyunn ke: “Uwumbɔr, san saanib kinimbaak. Taa cha ŋinibol ŋiken lik timi fam ki ŋa timi mbɔnyun ki len ke, ‘Nimi Aawumbɔr ngbaan bi la?’”