Joel 1:4 - Uwumbɔr aagbaŋ

⁴ Itoon pam dan ki nan lir tijikaar pu. Itoon ibaa aah ŋman gur ni na, itoon iken nan di ŋman.

Joel 1:4 Iomraidhean Croise

1 Bibɔrb 8:37

“Nkon yaa lir kitiŋ kee pu, bee iweenlirkee yaa lir, bee libuln li ton na, bee itoon le yaa bii tijikaar, bee saanib aadim le yaa nan tak bi, bee iween le yaa bi bikaasisik ni kan,

2 Bibɔrb Aabɔr 6:28

“Nkon yaa lir kitiŋ kee pu, bee iweenlirkee yaa lir, bee libuln li ton na, bee itoon le yaa bii tijikaar, bee saanib aadim le yaa nan tak bi, bee iween le yaa bi bikaasisik ni kan,

2 Bibɔrb Aabɔr 7:13

N‑yoonn mumɔk m chuu utaal, bee m cha itoon dan nan di tijikaar ŋman, bee m yaa cha iween lir maanib pu,

Ilahn 105:34

U nan di waamɔb le len, le itoon churbakaa u kaa kpa nkahm na dan.

Ilahn 78:46

U cha itoon dan nan di baajikaar ŋman ki bii baakpaakon doo.

Nnyam 10:4

Aa yaa beenin kii maanib ngbaan ke bi taa buen kan, fen m ga fe cha itoon lir kitiŋ kee pu.

Nnyam 10:5

I ga li wiir sakpen a, le ki ga ŋmɔ tiwan ni mɔmɔk ŋitaatakpal aa nan bii na, ni isui mɔmɔk mu, ki biin kitiŋ mɔmɔk pu.

Aisaya 33:4

Le ti san ti gaa baawangol.

Jeremia 51:14

Uwumbɔr Mpɔɔnsakpiindaan puu ubaa aamɔfal pu ke u ga cha bijab bi wiir ke itoon na nan tak Babiloŋ, ki ga nyaŋ ki, ki teen mpɔɔn pu.

Jeremia 51:27

“Tii limɔkl ke bi ti tak. Pii ukpiin ki cha ŋitimbol ŋun. Gor ŋitimbol ngbaan ke ŋi ti to Babiloŋ butɔb. Bui Ararat, ni Minni, ni Askenas aanaan ni yaab ke bi ti tak. Ban uninkpel u ga loln bi pu nsan na. Cha itaan dan ke kitoonpaak na.

Joel 2:25

M ga giin itoon aah di nimi aajikaar ti mɔmɔk ŋman ŋibin ŋi jer na ki ki di tii nimi. Min le nan tun ni itoon i wiir sakpen ngbaan na.

Amos 4:9

“M nan tun ni libuln li ton sakpen na ke li nan kuur nimi aajikaar. Le itoon dan nan di nimi aasar mɔmɔk ŋman, ki ŋman nimi aawanyukaan aasui, ni ŋisubil, ni nkpan aasui mu. Nee mu aapuwɔb na, naa ki gir ni m chee.

Amos 7:1

Tidindaan Uwumbɔr le kpiir tiwan nimina mɔk mi tidaŋ ponn ni. Tidaŋ ngbaan ponn ni m nan kan u naan itoon buyoonn bi chee ubɔrkpaan aamoor ki doo aan timopɔln ki bi tukni na.

Malakai 3:11

Maan cha tiwayukaan bii nimi aajikaar, le nimi aasubil aasui ga lu sakpen.

Ikaal 28:38

“Ni ga ko tisar pam, le ki mu ga nan chee siib la, ba pu? itoon ga dan ki nan ŋmɔ nimi aajikaar ngbaan.

Ikaal 28:42

Le itoon ga di nimi aasui ni tijikaar ŋmɔ kookoo.