Joel 1:18 - Uwumbɔr aagbaŋ

¹⁸ Inaa aah kaa kan timoor i ŋmɔ na, le i wii ni mpombiin; le ipiih mɔmɔk ji falaa.

Joel 1:18 Iomraidhean Croise

1 Bibɔrb 18:5

Ahab nan bui Obadia ke, “Cha ti chuun kitiŋ kee pu aanyunbun, ni ŋimɔɔ mɔmɔk aabufan ponn ni ki lik ke ti ga kan timoor ti ga nan ŋeer itaan, ni tiwakor tiken aan ti taa kpo na, aan taan kan. Nibaakan taan ku timi aawakor.”

1 Bibɔrb 8:5

Ubɔr Solomonn, ni Israel aanib ngbaan mɔmɔk nan kuun sil Uwumbɔr Aakaal Aadakaa ngbaan aanimbiin ni, ki di ipiih ni inaa i wiir ti nyaŋ na toor kitork.

Jeremia 12:4

Timi aatiŋ ga li kuun kina ki ti saa bayoonn? Timoor ti bi ikpaakon ni na mu yɔl yɔl. Tiwakor ni inyoon kpoi timi aanib aatunwanbir pu la; bima le len ke, ‘Uwumbɔr aa kani taah tun pu na.’”

Hosea 4:3

Kina pu le kitiŋ ga kuur, le tiwan nimɔk bi ki pu na ga kpoi. Tiwakor, ni inyoon, ni ijan mu ga kpoi.”

Joel 1:20

Hali timoor ni aawakor wii mpɔɔn pu ki yin si la, ba pu? ibun mɔmɔk foor a.

Amos 1:2

Le Amos len ke, “Uwumbɔr ŋuun ni Sionn Aajool paab ke uchinn na; uneel tar mpɔɔn pu ke utaal le aah gbeer na, ki nyan ni Jerusalem aatiŋ ni. Inaa aah ŋmɔ timoor nin chee na mɔmɔk kuur a, le Kamel Aajool paab kuur ki mann ke lipeel aamoor na.”

Habakuk 3:17

Ŋikakan yaa kaa ŋeen, le ndaan aasubil mu yaa kaa baa isui pu, olif aakpan aasui mu yaa yii kaa lun, le tijikaar mu yaa kaa ŋa ikpaakon ni, ipiih mu yaa kaa bi kibɔkpuk ni, le inaa mu yaa kaa bi tinaabar ni kan,

Hagai 1:10

Kina pu le utaal aa bi, le tijikaar mu aa ŋmaa ŋa.

Rom Yaab 8:22

Ti nyi ke Uwumbɔr aah naan tiwan nimɔk na wu ke imalween aah wu pu na, ki du ki nan saa dandana.