Joel 1:10 - Uwumbɔr aagbaŋ

¹⁰ Nibaa aa bi ikpaakon ponn ni; le kitiŋ wii ikpowiil, ba pu? njikaabim mɔmɔk bii doo a, ŋisubil mɔmɔk kuur ki bii, le olif aakpan aasui yak doo.

Joel 1:10 Iomraidhean Croise

Mpiin 4:12

Le aa yaa ki ko kan, kitiŋ aan ŋa tijikaar mbamɔm ki tii si, le aa ga li gonni, ni kookoo, ki ga li ye uchayiin dulnyaa wee ni.”

Aisaya 15:6

Nnyun mu nan bi Nimrim aabun ni na foor a, timoor ti si mbun aagbaan na mɔmɔk yɔl a, le tiwasɔnn nibaa aa gur ki si.

Aisaya 24:11

Ndaan aah kaa ki bi na, le binib tar kitiŋ ponn ni. Mpopiin doo kookoo a; mu doo kitiŋ kee pu a.

Aisaya 24:7

Ŋisubil ŋi bi joo ŋani ndaan na aasui yɔl a, le ndaan aabɔr pɔɔk. Unii umɔk nan kpa mpopiin na aasui bii dandana,

Jeremia 12:11

Bi cha ki kpaln kipɔɔk la; ki gur dɔ nkuun la. Kitiŋ ngbaan mɔmɔk kpaln nteersakpiin, le ubaa aatafal aa ki bi ki ponn ni.

Jeremia 12:4

Timi aatiŋ ga li kuun kina ki ti saa bayoonn? Timoor ti bi ikpaakon ni na mu yɔl yɔl. Tiwakor ni inyoon kpoi timi aanib aatunwanbir pu la; bima le len ke, ‘Uwumbɔr aa kani taah tun pu na.’”

Jeremia 48:33

Mmɔɔn ni mpopiin doo Moab aatiŋ ki kpa tijikaar sakpen na pu. M cha ndaan doo baah ŋaa ndaan nin chee na; ubaa aa ki bi ke u ŋaa ndaan ki faa mpopiin aafuuk.

Hosea 4:3

Kina pu le kitiŋ ga kuur, le tiwan nimɔk bi ki pu na ga kpoi. Tiwakor, ni inyoon, ni ijan mu ga kpoi.”

Hosea 9:2

Tɔ, naan yunn le nimi aajikaar, ni olif aakpan aan ki ŋeer nimi, le ndaan mu ga doo.

Joel 1:12

Ndaan aasubil aasui ni ŋikakan mɔmɔk bii doo a; le ŋisubil aasui mɔmɔk yɔl ki kpoi doo. Binib mɔmɔk aasuupiin doo a.

Joel 1:5

Finn ki li wii man, nimi bidagbiib; nimi bi ye bidanyurb na, li wii man; ŋisubil ŋi bi joo ŋaa ndapɔm na mɔmɔk bii doo a.

Joel 2:19

U kii baameel ki len ke: “Dandana wee m ban m tii nimi tijikaar ni ndaan, ni olif aakpan, aan ni mɔɔr nimi. Ŋinibol ŋiken aan ki lik seen nimi.

Liifai Yaab 26:20

Le naah ga li pɔɔni nibaa ki tun sakpen pu na, naan ter nimi, ba pu? nimi aatiŋ aan ki ŋa tijikaar, le nimi aasui mu aan ki lu ŋisubil.

Habakuk 3:17

Ŋikakan yaa kaa ŋeen, le ndaan aasubil mu yaa kaa baa isui pu, olif aakpan aasui mu yaa yii kaa lun, le tijikaar mu yaa kaa ŋa ikpaakon ni, ipiih mu yaa kaa bi kibɔkpuk ni, le inaa mu yaa kaa bi tinaabar ni kan,

Hagai 1:11

Min le cha nweel dan kitiŋ ngbaan pu, ni ŋigongon, ni njikaabim aasar pu, ni ndaan aasubil aasui aasar pu, ni olif aakpan aasui aasar pu, ni tijikaar ti kitiŋ ga ŋmaa cha ti ŋa na pu, ni binib ni tiwakor pu. Mu dan tiwan ni mɔmɔk ni pɔɔn nibaa ke ni ko na pu.”

Malakai 2:3

M ga daa nimi aabim aatafal, ki di naah kɔr tiwakor ti na aapor boon ninimbil wɔb, aan bi ga di nimi buen litapuln pu.