Jeremia 4:3 - Uwumbɔr aagbaŋ

³ Uwumbɔr bui Juda ni Jerusalem aanib ke, “Kpar nimi aasikpil ŋi kaa kpar na; taa di nimi aajikaabim bu ŋmal ikokon ponn ni man.

Jeremia 4:3 Iomraidhean Croise

Mpiin 3:18

Kitiŋ ga pa ikokon ni ichakpeejagar; le aa ga li ji timoor ni aasufar.

Nnyam 23:11

Libilolole ni kan, ni taa ko tisar, ki cha kitiŋ ngbaan doon ki gir nkpaatan, ki taa chee ŋidileen ni tijikaar ti mɔmɔk punn ti ponn ni na. Bigiim mu ga ŋmaa chee ti ki ji, le ipeel mu ŋmɔ ti gur na. Ni ŋa nimi aasubil aasar, ni olif aakpan aasui aasar mu kina.

Hosea 10:12

Le m bui ke, ‘Ko nkpaakopɔɔn tii nibaa man, di mbimbinyaan bu, ki nan chee naah di nibaa tii mi pu na aanyoor. Ni ŋeer ke ni fenn gir ni min Uwumbɔr chee, le m ga dan ki nan di tinyoor gbiin nimi.’

Matiu 13:22

Binib ngem mu bi ke njikaabim mu lir ikokon ponn ni na la. Bi ŋun tibɔr ngbaan la. Le bitafal bi baabimbin ni, ni liwankpal ni. Nima le ku tibɔr ngbaan bisui ni, le taa mar.

Matiu 13:7

Le mubaa mu lir ikokon ponn ni. Le ikokon muun le ki ku mu.

Tibɔnyaan ti Mak ŋmee ti na 4:7

Le mubaa mu lir ikokon ponn ni. Le ikokon muun, le ki ku mu, le mu aa mar.

Tibɔnyaan ti Luk ŋmee ti na 8:14

Mu lir ikokon ponn ni na le ye binib bi ŋun Uwumbɔr aabɔr aan ki cha bitafal bi liwankpal ni, ni dulnyaa ni aawan ni mɔ na ni, ni baabimbin aabɔr ni na. Nima le ku tibɔr ngbaan bisui ni. Le taa mar.

Tibɔnyaan ti Luk ŋmee ti na 8:7

Le mubaa mu lir ikokon ponn ni. Le mu ni ikokon kpaan muun. Le ikokon ku mu.