Jeremia 10:4 - Uwumbɔr aagbaŋ

⁴ le bi di tikunabr ni salmaa ŋaŋ bu, le ki di ikupiin kpaa chuu bu aan bu taa ŋmaa lir kitiŋ.

Jeremia 10:4 Iomraidhean Croise

Aisaya 46:7

Bi ga yoor li ki di buŋ bibɔgbin pu, ki ti di li siin, le li si nima, kaan ŋmaa chuun buen nibaa chee. Unii yaa mee li kan, laan ŋmaa kii, kaan ŋmaa nyan u tibɔbir ni.

Aisaya 44:12

Uchaa ga yoor tikur le ki di pu mmii ni, le ki di uŋaal mu pɔɔ na yoor lichaaŋmiln ki di gbaa ti ŋa waah ban tiwan ni na. Buyoonn u bi tun kina na, nkon ni nnyunyuu chur u, le u ti bak.

Ilahn 135:15

Ŋitimbol ŋi kaa nyi Uwumbɔr na di tikunabr ni salmaa le naan ŋiwaa; unibɔn aaŋaal le naan ŋi.

Ilahn 115:4

Bima kan, bi di tikunabr ni salmaa le naan baawaa, unibɔn aaŋaal le naan ŋi.

Aisaya 46:6

Binib piir baamombil aataakɔr ki nyan salmaa; bi ŋaŋni tikunabr aanyunyuun. Bi ga ban uchaa aan u mɔɔ bi liwaal; le ki gbaan ki doon li.

Hosea 13:2

Baah beenin naani tikur aawan ki dooni ni na, le bi beenin tun titunwanbir, bi dooni tikunabr aawaa ŋi unibɔn di waalan naan ŋi uyil ni, ki di uŋaal ŋa ŋi na. Le bi bui ke, “Toor kitork tii ŋi man.” Binib ga ŋa kinye ki moor ŋiwaa ŋi bi naan ŋi ke inaaja na?

Habakuk 2:19

Saamɔfal junn a; ba pu? aa bui lidɔgeln ke, “Finn ngeen pu,” le ki ki bui litakpal li kaa kpa kifuurk na ke, “Finn ngeen pu.” Liwaal ga ŋmaa kpiir tiwan nibaa tuk si ii? Bi ga di salmaa ni tikunabr le boon li, le li mu aa tee kpa kifuurk.