Ilahn 99:6 - Uwumbɔr aagbaŋ

⁶ Moses ni Aaronn le nan ye waatotoorb, le Samuel nan ye unii u mee u na; bi nan yin Uwumbɔr, le u kii baayim ngbaan.

Ilahn 99:6 Iomraidhean Croise

Nnyam 14:15

Uwumbɔr nan bui Moses ke, “Ba ŋa ni wii ki ban nterm? Tuk binib ngbaan ke bi li chuun.

Nnyam 15:25

Le Moses mee Uwumbɔr mbamɔm, le Uwumbɔr mɔk u ndɔ mubaa, le u di mu mee lii nnyun ngbaan ponn ni, le nnyun na mɔɔk, bi nyu. Nima chee le Uwumbɔr tii bi ikaal ke bi li joo i, le u ki toŋ bi nima chee mu.

Nnyam 17:4

Le Moses mee Uwumbɔr mbamɔm le ki bui u ke, “M ga ŋa binib bee kinye? Bi gor ke bi mae mi ŋitakpal la.”

Nnyam 32:30

Naah woln kitaak na, le Moses bui binib ngbaan ke, “Ni tun titunwanbir pam. Tɔ, m ga ki gir buen lijool ngbaan paab Uwumbɔr chee; nibaakan, ni ga kan chapinn nimi aatunwanbir pu.”

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.