Ilahn 99:3 - Uwumbɔr aagbaŋ

³ Unii mɔmɔk ga pak waayimbikpaan li kpa ijawaan na. U bi chain la.

Ilahn 99:3 Iomraidhean Croise

Nehemia 1:5

“Uwumbɔr u ye Paacham Aadindaan na, aa ye unikpaan la, le ti san si ijawaan. Binib bi gee si ki ŋani saakaal aah len pu na, aa joo saah puu tipuur ti tii bi na mbamɔm.

Nehemia 4:14

M nan kan ke ilandak le joo maanib; le m bui bi ni baayidam, ni baaninkpiib ke, “Taa san man timi aadim ijawaan. Teer Uwumbɔr aah pɔɔ ki kpa ijawaan pu na, ki jan man nimi aanib ni nimi aabim, ni nipuutiib, ni nimi aadichal pu.”

Nehemia 9:32

Uwumbɔr, timi Aawumbɔr, saapɔɔn wiir sakpen; Unii mɔk san si ijawaan, le saapɔɔn ti nyaŋ. Aa joo saah nan puu tipuur ti na mbamɔm. Ki nyan buyoonn Asiria aatiŋ aabɔrb nan muk timi na, hali ki nan saa din, taah jin falaa u na nyaŋ a. Timi aabɔrb, ni timi aayidam, ni timi aatotoorb, ni saabɔnabtiib, ni tiyaajatiib, ni timi aanib mɔmɔk jin falaa la. Teer taah jin falaa sakpen pu na.

Nehemia 9:5

Liifai yaab bimina le nan bui binib ngbaan ke bi doon Uwumbɔr: bima le ye Jesua, ni Kadmiel, ni Bani, ni Hasabneya, ni Serebia, ni Hodia, ni Sebania, ni Petahia. Bi nan len ke: “Fii sil man ki pak Nidindaan Uwumbɔr. Pak u ki ti saa n‑yoonn mu kaa kpa ndoon na man. Cha unii mɔmɔk pak waayimbil li kpa kipak na, unibɔn mu aapak aa tee nyuun ki ga ŋeer u.”

Ilahn 100:4

Di idoon jer waadichal aabisamɔi ni, di kipak koo waachiln ni. Doon u ki pak u man.

Ilahn 103:1

M joo nsui mɔmɔk pak Uwumbɔr la. M joo nwon mɔmɔk pak waayimbil li bi chain na la.

Ilahn 111:9

U gaa waanib lii ki puu tipuur ti kaa kpa ndoon na tii bi. U bi chain le ki kpa mpɔɔn.

Ilahn 145:17

Uwumbɔr aah tun pu na mɔmɔk ŋan, u san kinimbaak waatuln mɔmɔk ni.

Ilahn 66:3

Bui Uwumbɔr ke, “Saah ŋa tiwan ni na nyaŋ a. Saapɔɔn nyaŋ, le saadim san ijawaan ki gbaani aanimbiin ni.

Ilahn 76:1

Juda aatiŋ yaab mɔmɔk nyi Uwumbɔr bɔr; Israel yaab nyuŋni waayimbil.

Ilahn 76:12

u sunn biyidam bi kpa kigaak na taab ki cha bibɔrkpaam san u ijawaan sakpen.

Aisaya 6:3

Ni nan wii ki yin tɔb ki len ke: “Chain, chain, chain, Uwumbɔr Mpɔɔnsakpiindaan bi chain. Waapak gbiin dulnyaa mɔmɔk.”

Jeremia 20:11

Uwumbɔr, le si ma si mpuwɔb, ki kpa mpɔɔn ni linyaŋ, le binib bi muk mi na ga lir. Baah kaan kan baah ban pu na, le ga cha bi kpaln binimɔɔnib ki ti saa n‑yoonn mu kaa kpa ndoon na.

Jɔnn 17:11

Dandana, m choo aa chee la. Maan ki li bi dulnyaa ni; bima le ga li bi dulnyaa ni. Nte Uwumbɔr u ye chain na, aa tii mi saayimbil. Cha liyimbil ngbaan aapɔɔn li lik bi, bi li ye unibaan ke m ni si aah ye unibaan pu na.

Ikaal 28:58

“Ni yaa kaa joo mmɔkm mumɔk bi waagbaŋ ni na mbamɔm, ki yaa kaa pak Nidindaan Uwumbɔr aayimbil li kpa kipak ni ijawaan na kan,

Ikaal 7:21

Nima pu na, ni taa li san binib ngbaan ijawaan. Nidindaan Uwumbɔr bi ni chee. U ye Uwumbɔr sakpiin la, le ni ŋan ke ni li san u ijawaan.

Josua 24:19

Le Josua bui binib ngbaan ke, “Naan ŋmaa dii Uwumbɔr, ba pu? Uwumbɔr ye chain la, kaan di cha nimi aatunwanbir pinn nimi. U ye lipiipoln Aawumbɔr la,

Tibɔkpiirkaan 4:8

Ni mɔmɔk nan kpa ifeen iloloob, ki mu nan kpa ŋinimbil tiwon mɔmɔk pu. Nwiin pu ni kinyeek mɔmɔk, naa fuur; n‑yoonn mɔmɔk ni len ke, “Chain, chain, Tidindaan Uwumbɔr u yeh mpɔɔn mɔmɔk na ye chain la. U nan bi, ki beenin bi, ki ga li bi n‑yoonn mu kaa kpa ndoon na.”

1 Samuel 2:2

Ubaa aa bi chain ke Uwumbɔr na; ubaa aa bi ke uma na, ukikiir ubaa aa bi ke timi Aawumbɔr na.