Ilahn 7:12 - Uwumbɔr aagbaŋ

¹² Bi yaa kaa kpeln baabimbin kan, Uwumbɔr luun waajaak aajuk. U pel waatɔm ki gor bu kiir;

Ilahn 7:12 Iomraidhean Croise

Mpiin 18:25

Mbamɔn, saan kpaan ki ku bininyaam ni titunwanbirdam kina. Sin Uwumbɔr aa kee ŋa kina, kaan kii ŋa kina mu. Aa yaa ŋa kina kan, bininyaam mu ga ji falaa titunwanbirdam chee. Saan kii ki ŋa kina. Sin Uwumbɔr u ye dulnyaa wee mɔmɔk aabɔjir na ga sil ŋa tiwan mɔmɔk ibamɔn ponn ni.”

Ilahn 129:4

Le Uwumbɔr u ŋan na nan nyan mi tinaagbiir ni.”

Ilahn 85:4

Uwumbɔr u gaal timi lir na, giin ni timi aabaa chee, ki cha aasui li piin ti pu.

Ilahn 9:5

Aa bii binib bi kaa nyi si na, le ki ku door bibiindam; ubaa aan ki teer bibɔr daalbaadaal.

Aisaya 27:1

Nwiin ngbaan daal kan, Uwumbɔr ga di waajaak aajuk ki pɔɔ ki ku na, ki di daa kipeewanbiik Lefiatann ki mur guŋ kina ki bi nnyusakpem ni na aatafal, ki ku ki.

Aisaya 34:5

Uwumbɔr toor waajaak aajuk paacham, le dandana ki ga gaa Edom yaab, binib bi u bui ke bi ga doo na.

Esekiel 18:30

“Tɔ, min Nidindaan Uwumbɔr le tuk nimi Israel yaab ke m ga ji ni mɔmɔk tibɔr udaan aah tun pu na la. Fenn nipuwɔb tii nimi aatunwanbir ti mɔmɔk ni tun na ki taa cha nimi aatunwanbir kuln nimi.

Esekiel 21:23

Jerusalem yaab aah ŋa kimɔbaan ŋitimbol ŋiken chee pu na, baan dakl ke kina ga ŋmaa ŋa. Tɔ, tibɔr timina ga teer bi baatunwanbir pu, le ki sak bi ke bidim ga chur bi tinaagbiir.

Esekiel 33:11

Tuk bi ke min Bidindaan Uwumbɔr aah ye Uwumbɔr u bi n‑yoonn mɔmɔk na, maa neen ke m kan utunwanbirdaan aah kpo pu na. M tee ga li neen ke u di cha titunwanbir ki li kpa limɔfal. Israel yaab, di cha titunwanbir ti ni tun na. Ba ŋa ni ban ke ni kpo?

Matiu 3:10

hali dandana wee Uwumbɔr toor kichɔk ke u ti gaa isui. Isui imɔk kaa lu ŋisubil ŋi ŋan na, u ga gaa i, ki di ŋa mmii ni.

Lituln 3:19

Nima pu na, kpeln nimi aabimbin man, ki dii Uwumbɔr aasan. Ni yaa ŋa kina kan, Uwumbɔr ga di cha pinn nimi aatunwanbir, ki tii nimi lifuur,

Ikaal 32:41

ki puu ke m ga luun maajuk ki ka na le ki cha mbamɔn ŋa. M ga teen maadim baabakaa, ki daa binib bi nan mi na aatafal.