Ilahn 7:1 - Uwumbɔr aagbaŋ

¹ Ndindaan Uwumbɔr, m dan aa chee ki ban nterm la; li kii mi ki gaa mi binib bi mɔmɔk san dii mi na chee lii,

Ilahn 7:1 Iomraidhean Croise

Ilahn 11:1

M tii Uwumbɔr aah kii mi pu na naadii. Ni ye kijɔrk le ke aa bui mi ke, “Fii ke unyoon na ki ti bɔr ŋijoo paab,

Ilahn 13:3

Ndindaan Uwumbɔr, lik mi, ki gar mi. Giin maapɔɔn tii mi, taa cha m kpo.

Ilahn 13:5

M mak saageehm mu bi n‑yoonn mɔmɔk na pu; nsui ga piir, ba pu? aa ga gaa mi lii.

Ilahn 18:2

Uwumbɔr le ye maakikiir; uma le ye maadiik ki pɔɔ na. Maawumbɔr le ye u kii mi na, le m yaa bi u chee kan, m ŋmar. U kii mi ke kijaak aapeln na la; u kii mi le m bi ŋŋmarm ni.

Ilahn 18:28

Uwumbɔr, sin le tii mi nwiihn; sin le jenn maabɔmbɔɔn.

Ilahn 25:2

Maawumbɔr, sin le m gaa ki kii. Taa cha m ji inimɔɔn; taa cha maadim nyaŋ mi.

Ilahn 26:1

Uwumbɔr, cha unii mɔk bee ke maatunyaan pu maa kpa taani, le ki kpa gaakii aa pu.

Ilahn 3:7

Uwumbɔr, dan. Maawumbɔr, gaa mi lii. Sin le dar maadim mɔmɔk aatafal, le baa ki kpa mpɔɔn mubaa bi tun mi titunwanbir.

Ilahn 30:12

Kina pu na, maan li ŋmin, m ga gaa ilahn ki pak si. Uwumbɔr, sin le ye Maawumbɔr, m ga li dooni si n‑yoonn mɔmɔk.

Ilahn 30:2

Ndindaan Uwumbɔr, m wii yin si ki ban nterm, le aa tii mi laafee;

Ilahn 31:15

N‑yoonn mɔmɔk m bi aaŋaal ni la; nyan mi maadim aaŋaal ni, nyan mi binib bi ban bi ku mi na aaŋaal ni.

Ilahn 32:10

Bibiindam ga ji falaa, le Uwumbɔr ga li kii binib bi tii u naadii na ki tii bi waageehm mu bi n‑yoonn mɔmɔk na.

Ilahn 43:4

le m ga buen saatork aabimbiln chee; sin Uwumbɔr chee le m kani mpopiin. Uwumbɔr, Maawumbɔr, m ga gbaa maabeek ki gaa ilahn pak si.

Ilahn 89:26

U ga bui mi ke, ‘Sin le ye nte, ni Maawumbɔr; sin le ye maakikiir, sin le ye u gaal mi lir na.’

Aisaya 50:10

Nimi bi mɔmɔk pak Uwumbɔr ki kii waatutunn aabɔr na, nibaakan ni ga li chuun isan i bɔɔn na ni, ni mu tee tii Nidindaan Uwumbɔr naadii, ki li mak u pu.

Jeremia 15:15

Le m bui ke, “Uwumbɔr, aa nyi maah bi pu na. Teer mbɔr ki ter mi. Teen binib bi muk mi ki ban bi ku mi na. Taa li san bi kinimbaak ki cha bi kan nsan ki ku mi. Li nyi ke sin pu le bi seei mi.

Jeremia 20:11

Uwumbɔr, le si ma si mpuwɔb, ki kpa mpɔɔn ni linyaŋ, le binib bi muk mi na ga lir. Baah kaan kan baah ban pu na, le ga cha bi kpaln binimɔɔnib ki ti saa n‑yoonn mu kaa kpa ndoon na.

Jeremia 31:18

M ŋun Israel aanib aasui aah bii aan bi len pu na ke, Uwumbɔr, ti nan bi ke kiwakork ki bi timoor ni na la; le aa nan mɔk timi taah ga kii tii si pu na. Giin ni timi; ti gor ke ti gir ni sin Tidindaan Uwumbɔr chee.

Daniel 9:4

M nan mee Ndindaan Uwumbɔr ki kpiir maatunwanbir ni maanib aatunwanbir tuk u. M nan len ke, “Ndindaan Uwumbɔr, aa ye unikpaan la, le ti pak si. N‑yoonn mɔmɔk aa joo saah puu pu na, ki gee binib bi gee si ki ŋani saah len pu na.

Habakuk 3:1

Uwumbɔr aabɔnabr Habakuk aameel sɔ:

Sekaria 14:5

Kifataŋ ki yakr lijool limina nfum mulee na ponn ni, le ni ga dii ki san ŋmar. Ni ga san ke kitiŋ aah nan puu, Juda aabɔr Usia aayoonn, aan niyaajatiib nan san pu na. Ndindaan Uwumbɔr ga joo ni waatuuntiib mɔmɔk ki dan.

Josua 14:8

Le bijab bi nan dii mi buen na aah nan len pu na cha ijawaan chuu timi aanib, le m ma nan kii Ndindaan Uwumbɔr aamɔb mbamɔm.

1 Piita 1:21

U pu, le ni gaa Uwumbɔr ki kii. U nan fikr u nkun ni ki nyuŋ u. Nima pu le ni gaa Uwumbɔr ki kii ki kpa limakl.

1 Piita 4:19

Nima pu na, unii yaa ji falaa Uwumbɔr aageehn pu kan, u li tun lituln li ŋan na, ki di ubaa ŋa Uwumbɔr u nan naan u ki ye mbamɔndaan na aaŋaal ni.