Ilahn 69:3 - Uwumbɔr aagbaŋ

³ Maah yin si pu ki ban nterm na le nneel ti waab, le nneen ni gur wu. Maah lik pu ki ban saaterm na, le nnimbil aa ti ki waa.

Ilahn 69:3 Iomraidhean Croise

Job Aagbaŋ 11:20

Le bibiindam ma ga lik ban ni ntaakpayɔl, ki kan ke ŋŋmarm aa bi. Baamakl libaa li bi na le ye ke nkun ga dan.

Job Aagbaŋ 16:16

M wii le nnimbil wɔb ti mann chaun, nnimbil duun tigbingbinn,

Ilahn 119:123

Maah lik ki ban ke aa gaa mi lii ke saah nan puu pu na le cha nnimbil ti wu.

Ilahn 119:82

Maah lik ki ban tiwan ni aa puu ke aa ga ŋa na pu na le nnimbil ti gur wu, le m baa ke, “Bayoonn aan aa ga ter mi?”

Ilahn 22:15

Nneen ni kuur ke titan na la, le nlambil tam nlakpaŋ. Aa di cha mi titan ni, ki di mi tii nkun.

Ilahn 22:2

Maawumbɔr, nwiin pu kan, m wii yin si la, le saa gar mi. M yin si kinyeek mu, le kaa kani lifuur.

Ilahn 25:21

Cha maaŋann ni maabamɔn gaa mi lii; ba pu? m kpa gaakii aa pu.

Ilahn 39:7

Uwumbɔr, ni ki ye ba aan m ga mak ni pu? M mak sin pu la.

Ilahn 40:3

U nan mɔk mi nlahnpɔɔn ke m gaa, nlahn mu m ga gaa pak uma Uwumbɔr na. Binib bi kan kina na pam ga li san u, ki di naadii tii u.

Ilahn 6:6

Mpombiin cha nwon mɔmɔk kpo a; maah wii kinyeek mɔmɔk pu na cha maawandookaan sɔŋ a, tinyunyunn sɔŋ maayikukur a.

Ilahn 69:21

Nkon aah nan chuu mi buyoonn na, le bi di njinn ŋa maajikaar ni; nnyunyuu aah chuu mi buyoonn na, le bi di tiwanyukaan ni mɔɔn na tii mi.

Ilahn 88:7

Saaŋuul dɔ nyik m pu la, le laanyunyuun nyii mi bil taab.

Aisaya 38:14

Nneel nan bi siib kina, kaa pɔɔ, le m nan dun ke linanjel aah wii pu na. Maah nan lik paacham pu na nan cha nnimbil wu la. Uwumbɔr, nyan mi tibɔbir timina mɔmɔk ni.

Inandalahn 2:11

Iwiil pu le nnimbil ti foor koo; m bi ntoton ni la. Baah ku bii maanib pu na le mpombiin ban mu ku mi. Mbim ni mbipɔm fik le ki dɔ kitiŋ ponn ni.

Jɔnn 19:28

Le Yesu bee ke u tun waatuln doo a. Le u bui ke, “Nnyunyuu chuu mi.” Waah len kina na, ni gbiin Uwumbɔr Aagbaŋ aah len pu na.

Ikaal 28:32

Bi ga chur saanachipɔm ni saasapɔm tinaagbiir, ki di buen biwɔwɔm aatim ni, le aa ga li si lik baah joo bi cha pu na. Idaa mɔmɔk aa ga li si lik ke nibaakan saabim ga san gir ni le aanimbil ti bii, ubaa kina aan gir ni.

Hiibru Yaab 5:7

Buyoonn Yesu nan ye unibɔn na, u nan wii tinyunyunn mpɔɔn pu, ki gaŋ Uwumbɔr u ga ŋmaa nyan u nkun ni na. Waah san Uwumbɔr na, le u ŋun waameel.