Ilahn 53:1 - Uwumbɔr aagbaŋ

¹ Bijɔrb le bui bibaa ke, “Uwumbɔr aa bi.” Bi mɔmɔk ye beebeedam la, le ki tun ŋitun ŋi kaa ŋan na; ubaa aa bi ki tun lituln li ŋan na.

Ilahn 53:1 Iomraidhean Croise

1 Bibɔrb 12:26

U nan bui ubaa ke, “Naah bi pu dandana na, maanib yaa ki buen Jerusalem ni, bi ti toor kitork tii Uwumbɔr, Uwumbɔr Aadichal ni kan, bi ga fenn buen Juda yaab aabɔr Rehoboam chee le ki ga ku mi.”

1 Bibɔrb 14:24

Ni nan ti nyaŋ sakpen na le ye ke bipiib ni bijab nan bi idoon aabuu ŋee ni ki joo biwon kooh. Juda aanib nan tun ŋinimɔɔntun ŋi mɔmɔk binib bi Uwumbɔr nan jenn nyan bi n‑yoonn mu Israel yaab nan tur koo baatiŋ ni na nan tun na.

Job Aagbaŋ 14:4

Tiwanyaan nibaa aan ŋmaa nyan ni unibɔn, tijɔŋdaan ni.

Job Aagbaŋ 15:16

Le unibɔn nyu titunwanbir ke naah ye nnyun le na; mbamɔn, unibɔn bii doo; unibɔn ye fam la.

Ilahn 10:11

Ubiindaan bui ubaa le ke, “Uwumbɔr aatafal aa bi maah ŋani pu na ni, u ŋumni unimbil la, kaan kan mi daalbaadaal.”

Ilahn 10:13

Ubiindaan lik seen Uwumbɔr, le ki bui ubaa ke, “Waan daa ntafal.”

Ilahn 10:4

Ubiindaan aatafal aa bi Uwumbɔr ni; waagaak ponn ni le u dak ke Uwumbɔr aa bi tibɔr tibaa ni.

Ilahn 10:6

U bui ubaa le ke, “Maan lir kpala; maan koo tibɔr ni daalbaadaal.”

Ilahn 88:1

Ndindaan Uwumbɔr u gaal mi lir na, m wii le nwiin ti lir, le kinyeek kan, m bi aanimbiin ni.

Ilahn 92:6

Nimina le ye tiwan ni ujɔr aan ŋmaa bee na; ulatiir mu aan ŋmaa bee naatataa.

Esekiel 16:47

Aasui nan piin ke aa di aataa taŋ baataa ni, ki li tun ŋitun ŋi sukr ponn ni na aa? Aayii, naa nan yunn le aa nan tun kina aatun ki jer baah nan tun pu na, saatuln mɔmɔk ni.”

Esekiel 16:51

“Samaria aatiŋ aa nan tun saah tun titunwanbir ti na aageln libaa. Aa tun ŋitun ŋi sukr ponn ni ki jer Samaria aatiŋ aah nan tun pu na pel pel. Saatun yɔl yɔl ngbaan cha aanaabitiib bi aa chee ke baah kaa tun taani kpala le na.

Matiu 5:22

Min le tuk nimi ke unii umɔk gee liŋuul una aabo pu na, bi ga ji u tibɔr. Unii umɔk tuk una aabo, ‘Saa bi tibɔr tibaa ni,’ bibɔjirb aaninkpiib ga ji u tibɔr. Unii umɔk tuk una aabo ke, ‘Si ujɔr’ na, u ŋeer u koo mmii mu kaan junn na ni.

Tibɔnyaan ti Luk ŋmee ti na 12:20

Tɔ, le Uwumbɔr bui u, ‘Si ujɔr wee, kinyeek kee le aa ga kpo. Saah kuun liwangol limɔk siin na, ŋma ga li yeh li?’

Rom Yaab 1:21

Bi nyi ke u bi, ki mu aa nyuŋni u waah ŋeer pu na, ki mu aa dooni u waaterm pu. Nima le baalandak bee fam. Bisui ni bɔɔn la, kaa kpa nlan.

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

Efesusi 5:12

Ti yaa po len baah tun lituln li libɔɔl ni na aabɔr kan, ni ye inimɔɔn la.

Ikaal 12:31

Ni taa li dooni Nidindaan Uwumbɔr ke baah dooni baawaa pu na, ba pu? bi dooni baawaa ki ŋani tiwan ni kaa ŋan na aabɔŋ, le Uwumbɔr nan kina aabimbin. Hali bi joo baabim le kɔr toor kitork ki seer mmii ni, ŋibimbin paab tii ŋiwaa.

1 Piita 4:3

Ni nan tun titunwanbir n‑yoonn mu jer na; ni ŋeer kina. Ni nan ŋani ke binib bi kaa nyi Uwumbɔr na aah ŋani pu na, ki dii bipiib, ki dii tiwan ni kaa ŋan na aakpeek, ki nan kuuni tɔb ki nyun ndaan gbii, ki tun lituln li kaa ŋan na, ki dii ŋiwaa ŋi sukr ponn ni na.