Ilahn 5:7 - Uwumbɔr aagbaŋ

⁷ Le saageehm sakpem pu m ga ŋmaa koo ni Saadichal ni; m ga ŋmaa doon si Saadichal li bi chain na ponn ni, ki di kipak gbaan aanimbiin ni.

Ilahn 5:7 Iomraidhean Croise

1 Bibɔrb 8:35

“Saanib yaa tun si titunwanbir, aan aa chuu utaal, waa ki nu, le bi yaa kpeln baabimbin, ki di binimbil toŋ ni Saadichal limina, ki sunn bibaa taab, ki mee si kan,

1 Bibɔrb 8:38

li pel baameel. Saanib Israel yaab ubaa aasui yaa bii, le u taln uŋaal limeel ponn ni, ki di toŋ ni Saadichal limina kan,

Ilahn 101:7

Unyamɔndaan ubaa aan kan nkookoo yaan maabɔrchiln ni; uŋmaŋmannii ubaa aan sil nnimbiin ni.

Ilahn 130:4

Le aa di cha pinn timi, ke ti li san si ijawaan.

Ilahn 132:7

Le ti bui ke, “Cha ti buen Uwumbɔr Aadichal ni man; cha ti li dooni u waabɔrjal taab man.”

Ilahn 138:2

Saageehm mu bi n‑yoonn mɔmɔk na, ni saah ŋani saah len pu na, le m fenn lik saadichal wɔb, ki gbaan kitiŋ ki pak saayimbil, ba pu? aa mɔk ke saayimbil ni saakaal le jer tiwan mɔmɔk.

Ilahn 28:2

M yaa wii yin si ki ban nterm, ki yoor ŋŋaal mɔk Saadichal li bi chain na kan, pel m chee.

Ilahn 34:17

Binib bi aabimbin ŋan na yin Uwumbɔr, le u ŋun; u nyani bi baabɔr mɔmɔk ni.

Ilahn 51:1

Uwumbɔr, san mi kinimbaak, saageehm mu bi n‑yoonn mɔmɔk na pu. Saanimbaasaln sakpeln pu, finn nyan maatunwanbir.

Ilahn 52:8

Le mma bi ke olif aakpan aasub bu si Uwumbɔr Aadichal ni na; m kpa waageehm mu bi n‑yoonn mɔmɔk na pu limakl.

Ilahn 55:16

Le m yin Tidindaan Uwumbɔr ke u ter mi, le u ga gaa mi lii.

Ilahn 69:13

Uwumbɔr, le m ma ga mee si; Uwumbɔr, kii mi buyoonn aa gee na. Saageehm sakpiin pu, kii maayim, ba pu? aa joo saapuur ti aa puu ke aa ga gaa binib lii na.

Ilahn 69:16

Uwumbɔr, saageehm mu bi n‑yoonn mɔmɔk na pu, ŋun maayim; di saah san kinimbaak sakpen pu na fenn lik mi.

Ŋiyataŋak 6:16

Tiwan nilole nibaa le bi aan Uwumbɔr kaa gee ni, kaan ŋmaa gaa ni ŋa usui ni. Nima le ye: Kigaak aanimbilikl, ni lilambil li geei inyamɔn na, ni iŋaal i ku bininyaam na, ni nsui mu dakl tilandakwanbir na, ni ŋitaa ŋi chuun mala cha ŋi ti tun titunwanbir na, ni useeraadaan u geei inyamɔn ki ki gir geei na, ni unii u fikr tibɔr jɔtiib aakaasisik ni na.

Aisaya 55:7

Cha bibiindam di cha baah bi mbiin mu ni na ki kpeln baalandak. Cha bi fenn toŋ Tidindaan Uwumbɔr u san binib kinimbaak ki cha pinni titunwanbir mala na.

Aisaya 64:11

le Saadichal li bi chain ki ŋan aan tiyaajatiib nan dooni si nima na, wun mmii a. Taah nan gee nin chee mɔmɔk na kpaln tilangbenn la.

Daniel 6:10

Daniel aah ŋun ke ubɔr di waanaŋ nyii nkaal ngbaan pu na, le u kun linampal. U nan ti koo paacham aadiik ni, waadichal ponn ni. Kidiik ngbaan aatakolu tiib bibaa nan lik Jerusalem aatiŋ wɔb la. Nima chee, le u nan gbaan ke waah ti ŋani pu n‑yoonn mɔmɔk na, takolu tiib bi piir na chee, ki mee Uwumbɔr nfum mutaa nwiin mubaa.

Hosea 3:5

Tɔ, n‑yoonn tee choo, le Israel aanib ga nan ki fenn dan Bidindaan Uwumbɔr chee, ki dan ubɔr David aayaabil chee. Le bi ga li san Uwumbɔr ki gaa waapiin i ŋan na.

Lituln 9:31

Nima pu na, Yesu aanib bi nan bi Judea aatim ni, ni Galilee aatim ni, ni Samaria aatim ni na nan gaa bibaa. Unii ubaa aa ki muk bi. Le bi moo bae Tidindaan aaliin n‑yoonn mɔmɔk, ki pak u. Le Uwumbɔr Aafuur Nyaan ter bi, ki cha binib moo kpee bi pu.

Hiibru Yaab 4:16

Timi aatotoorninkpel aah bi kina na, cha ti li kpa lipobil ki dan Uwumbɔr u kpa tibulchinn na aabɔrjal chee, aan u san timi kinimbaak, ki ter timi buyoonn ti ban nterm na.

Josua 24:15

Ni yaa kaa gee ke ni li dooni u kan, din wee, ni nyan naah ga dii u na; ni ga li dooni ŋiwaa ŋi niyaajatiib nan dooni ŋi Mesopotamia aatiŋ ni na aa? bee ni ga li dooni Amor yaab, bi ni bi baatiŋ ponn ni na le aawaa? M ni maamaal ma kan, ti ga li dii Uwumbɔr la.”