Ilahn 4:2 - Uwumbɔr aagbaŋ

² Nimi binib bimina, ni ga seei mi ki ti saa bayoonn? Ni ga li gee tiwan ni kaa kpa tinyoor tibaa na, ki chuun dii inyamɔn aawan ki ti saa bayoonn?

Ilahn 4:2 Iomraidhean Croise

Ilahn 106:20

bi nan di Uwumbɔr aapak tii kiwakork ki ŋmɔ timoor na aanaŋ.

Ilahn 14:6

Titunwanbirdam bii unii u sunn ubaa taab na aatuln la, le Uwumbɔr mu tee ye waakikiir.

Ilahn 2:1

Ba ŋa ŋinibol kpokl ke ŋi yii Uwumbɔr aamɔb? Ba ŋa binib dak ilandak i kaa kpa tinyoor na?

Ilahn 3:3

Uwumbɔr, le sin le ye kijaak aapeln li kii mi tibɔbir chee na; aa tii mi linyaŋ, ki pɔɔk ntaakpab.

Ilahn 31:6

Saa gee binib bi dooni ŋiwaa na, le mma tii si naadii.

Ilahn 5:6

Aa bii binyamɔndam mɔmɔk doo ki lik seeni binib bi bir ki ŋmanni biken na.

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Ilahn 57:4

Maadim mann gonn mi la, bi naahn ichinn i ŋmɔ binib na la. Baanyin naahn tikpaatunn ni ipiin la; le baalambil bi ke kijaak aajum mu ka na.

Ilahn 58:1

Nimi bibɔjirb, ni kee jin tibɔr ibamɔn ni ii? Ni ji binib mɔmɔk aabɔr mbamɔm aa?

Ilahn 58:3

Titunwanbirdam tun tiwan ni kaa ŋan na le baamɔfal aayoonn mɔmɔk; bundaal bi ma bi na le bi piin ki geei inyamɔn.

Ilahn 63:11

Uwumbɔr aah tii ubɔr linyaŋ pu na, le u ga li mɔɔni. Binib bi puur tipuur Uwumbɔr aayimbil pu na ga pak u, le binyamɔndam ma aamɔi ga ŋmin.

Nnyam 10:3

Moses ni Aaronn nan dii buen ubɔr ngbaan chee, le ki ti bui u ke, “Hiibru yaab Aadindaan Uwumbɔr bui ke, ‘N‑yoonn mulamu aa ga diŋ aasui pu, ki kii tii mi? Cha maanib ngbaan buen, nima kan, bi ga ti ŋmaa doon mi.

Ŋiyataŋak 1:22

“Bijɔrb, ni ban ni yunn kijɔrk ni kinye? Ni ban ke ni laa nlan ki ti saa bayoonn? Ni ga sil bae mbaem aa?

Ulandaan 8:11

Ba ŋa binib gee ki tun titunwanbir? Naah ye pu na le ye ke baa dar titunwanbirdam aatafal mala ke baah tun ti pu na.

Ulandaan 9:3

Bi mɔmɔk aadoon ye mubaa la, le nimina mu aa ŋan ke tiwan ni mɔmɔk ŋani dulnyaa wee ni na aah kaa ŋan pu na. Unibɔn umɔk kpa limɔfal na kpa kiwaatiik ni ilandak i kaa ŋan na la, le nkun piir bi libuul ngbaan ni.

Aisaya 20:5

Binib bi di naadii tii Kus aatiŋ ki kpa kipupuk Ijipt aatiŋ pu na ga bee ke bi nan di bibaa mee la.

Aisaya 45:17

Le Uwumbɔr gaa Israel yaab ma lii, le Israel yaab aanyaŋ aan li kpa ndoon; Israel aanib aan ji inimɔɔn daalbaadaal.’”

Aisaya 59:4

Naa kpa ibamɔn, ki mu joo tibɔr chaa bibɔjirb chee. Ni si inyamɔn pu le ke ni di ji tibɔr ngbaan. Ni joo nimi aalandak ki ban ke ni di tun biken titotonn.

Jeremia 2:11

Litimbol libaa aa kee kpeln laawaa ŋi kaa ye nibaa na, le maanib ma di min Uwumbɔr u tii bi liyimbil na kpeln ŋiwaa ŋi kaan ŋmaa ŋa nibaa tii bi na.

Jeremia 2:5

Uwumbɔr bui ke: “Ngalm mulamu aan niyaajatiib nan di galn mi? Ba nan cha bi fenn bipuwɔb tii mi? Bi nan dooni ŋiwaa ŋi kaa bi tibaa ni na le ki mu kpaln maabitibaanidam bibaa.

Jeremia 9:3

Bi gee ke bi li geei inyamɔn n‑yoonn mɔmɔk la; le beebee aatuln ŋmeen bi kitiŋ ngbaan pu. Uwumbɔr bui ke, “Maanib yaa tun titunwanbir tibaa kan, le bi di tiken kpee, kaa nyi mi ke min le ye Baawumbɔr.”

Hosea 4:7

“Nimi bitotoorb aah wiir pu na, kina le naah tun mi titunwanbir ti na mu wiir, le ki ga cha m kpeln nimi aanyuŋ ŋa inimɔɔn.

Jona 2:8

Binib bi dooni ŋiwaa ŋi kaa po kpa tinyoor tibaa na yii saanimbaasaln.

Nkahm 14:11

Uwumbɔr nan baa Moses ke, “Bayoonn aan binib bee ga di cha kaan ki yii mi? Maah ŋa lijinjiir aawan bikaasisik ni pu na, bayoonn aan bi ga di cha ki tii mi naadii?

Lituln 24:9

Tetulus aah len pu na, le Juu yaab kpaan kii, ke ti gbii.

1 Korenti 1:31

Nima pu na, ni li ŋani naah ŋmee Uwumbɔr Aagbaŋ ponn ni pu na ke, “Unii umɔk ban u li kpa kipupuk na, u li kpa kipupuk Uwumbɔr pu.”

Efesusi 4:25

Nima pu na, ni taa ki mɔni inyamɔn. Ni mɔmɔk li len ibamɔn tɔb chee. Ti yaa ŋmanni tɔb kan, ni naahn ke tiwon aawan nibaa le aah ŋmanni niken na.

1 Samuel 12:21

Taa chuun dii ŋiwaa man, ŋi ye yɔli la. Ŋiwaa aan ŋmaa ter nimi, kaan ŋmaa gaa nimi lii mu, ba pu? ŋaa fu.