Ilahn 3:3 - Uwumbɔr aagbaŋ

³ Uwumbɔr, le sin le ye kijaak aapeln li kii mi tibɔbir chee na; aa tii mi linyaŋ, ki pɔɔk ntaakpab.

Ilahn 3:3 Iomraidhean Croise

Mpiin 15:1

Nimina aapuwɔb, le Uwumbɔr nan kpiir ubaa mɔk Abram ki bui u ke, “Abram, taa li san ijawaan. M ga kiir tibɔbir mɔmɔk ti ga dan aa pu na, ki tii si ipiin sakpiin.”

Mpiin 40:13

Iwiin itaa daal kan, ubɔr ngbaan ga nyan si kiyondiik ni, ki di cha pinn si, le ki giin si saatuln ni.

2 Bibɔrb 18:30

Ni taa cha u ŋmann nimi ke ni li lik Uwumbɔr pu. Taa ka dak man ke Uwumbɔr ga gaa nimi lii aan ki kiir Asiria aajab, bi taa ŋmaa nyaŋ nimi aatisakpeŋ ngbaan.

2 Bibɔrb 18:32

ki ti saa buyoonn Asiria aatiŋ aabɔrkpaan ga ki gir kaan nimi litingbaln li bi ke nimi yaan na, nima chee ndaan aasui aasar bi, ni ga kan ndaan ki nyu, ni nin chee njikaabim bi ni ga kan tijikaar ji na; nima chee le olif aasui bi, olif aakpan ni tisiir bi nima. Ni yaa ŋa waah len pu na kan, naan kpo, ni ga li kpa limɔfal. Taa cha Hesekia ŋmann nimi aan ni li ka dak ke Uwumbɔr ga gaa nimi lii.

2 Bibɔrb 25:27

Libiln li ponn ni Efil‑Merodak nan jin Babiloŋ aatiŋ aanaan na, u nan san Juda yaab Aabɔr Jehoyachinn kinimbaak le ki nyan u kiyondiik ni. Nimina nan ŋa baah nan chuu Jehoyachinn buen tinaagbiir ni pu na aabin piitaa ni lilolole aaŋmapiik ni ilee aawiin moninko ni ilole daal la.

Ilahn 110:7

Ubɔr ngbaan ga nyu nnyun nkpen mu bi nsan chee na, aan ki moo pɔɔk ki kan linyaŋ.

Ilahn 119:114

Sin le ye maakikiir, m kpa limakl saah len pu na pu.

Ilahn 18:2

Uwumbɔr le ye maakikiir; uma le ye maadiik ki pɔɔ na. Maawumbɔr le ye u kii mi na, le m yaa bi u chee kan, m ŋmar. U kii mi ke kijaak aapeln na la; u kii mi le m bi ŋŋmarm ni.

Ilahn 27:6

aan m kan linyaŋ maadim bi mann goln mi na pu. M ga di mpopiin aafuuk toor kitork Waadichal ni; M ga gaa ilahn, m ga pak Uwumbɔr.

Ilahn 28:7

Uwumbɔr kii mi le ki lik mi; le m di naadii tii u. U tii mi nterm ki piir nsui; m joo mpopiin aalahn le pak u.

Ilahn 4:3

Teer man ke Uwumbɔr le lee bininyaam ke bi li ye waanib, le m yaa yin u ki ban nterm kan, u ŋun maayim ngbaan.

Ilahn 62:7

Maaŋmarm ni maapak bi Uwumbɔr chee la; u pɔɔ le ki ye u kii mi na; u ye maabɔbɔryaan la.

Ilahn 84:11

Tidindaan Uwumbɔr le ye timi aakikiir, ni timi aabɔr u kpa kipak sakpen na, u ŋani timi tiŋann ki tii timi bunyuŋ. Binib bi aabimbin ŋan na, waa cha bi lanni tiwanyaan nibaa.

Aisaya 45:25

Min Uwumbɔr ga gaa Israel aayaabitiib mɔmɔk lii, le bi ga tii mi kipak.

Aisaya 60:19

Nwiin aan ki li ye nimi aawiihn nwiin pu, le uŋmal mu aan ki li ye nimi aawiihn kinyeek; min Uwumbɔr le ga li ye nimi aawiihn mu kaan junn na, maanyuŋ aawiihn le ga li wiin ni pu.

Tibɔnyaan ti Luk ŋmee ti na 2:32

U ye nwiihn ki ga woln binib bi kaa ye Israel yaab na aanimbil. U pu, le binib ga nyuŋ saanib Israel yaab.”

Ikaal 33:29

Israel yaab, ni kpa mpopiin pam. Lilanibol kpa liyimɔɔn ke nimi na? Nimi aatimbol le Uwumbɔr gaa li lii. Uwumbɔr ubaa le ye nimi aakikiir, ki ter nimi, ki ga li kii nimi, ki tii nimi linyaŋ. Nimi aadim ga san nimi ijawaan ki gaŋ nimi ke ni san bi kinimbaak, le ni ga taa taa bi pu.

Tibɔkpiirkaan 21:11

ki wiin chain Uwumbɔr aanyuŋ pu, ki wiin chain ke lichachatakpal li kpa kidaak aan bi yin li ke Jaspa na aah wiin pu na.

Tibɔkpiirkaan 21:23

Kitiŋ ngbaan aa ban nwiin ni uŋmal li wiin ki ponn ni; ba pu? Uwumbɔr aah wiin pu na woln ki ponn ni. Kaakaryaa ye Upihbo ngbaan la.