Ilahn 100:3 - Uwumbɔr aagbaŋ

³ Taa suln man ke Uwumbɔr ye Tidindaan la. Uma le nan ŋa timi ŋitimbol, le ti ye uyaab; ti ye waanib la, ti ye waapiih la.

Ilahn 100:3 Iomraidhean Croise

2 Bibɔrb 19:19

Kina pu na, Tidindaan Uwumbɔr, gaa timi Asiria yaab ngbaan chee lii aan dulnyaa aatimbol mɔmɔk bee ke sin baanja le ye Uwumbɔr.”

1 Bibɔrb Aabɔr 16:14

Uwumbɔr le ye Tidindaan, waakaal ye dulnyaa wee mɔmɔk aakaal la.

Job Aagbaŋ 10:3

Ni ŋan ke aa li kpa mbiin kina aa? Ni ŋan ke aa lik seen tiwan ni sin aabaa naan ni na aa? Ni ŋan ke aa tee laa limɔmumukl bibiindam aah kpokl pu na aa?

Ilahn 119:73

Sin le naan mi, ki cha m kpa limɔfal; tii mi nlan aan m di bae saakaal.

Ilahn 12:4

“Ti joo timi aamɔmɔɔn le kani taah ban pu na. Ti ga len taah gee pu na, le ubaa aan ŋmaa ŋmin timi.”

Ilahn 149:2

Israel yaab, li kpa mpopiin Uwumbɔr u nan ŋa nimi litimbol na pu; Sionn yaab, li mɔɔni Uwumbɔr u ye nimi aabɔr na pu man.

Ilahn 46:10

U len ke, “Di cha kijaak man, ki bee ke min le ye Uwumbɔr, m ye ŋitimbol mɔmɔk aayidaan, ni dulnyaa mɔmɔk aayidaan.”

Ilahn 78:52

le ki nin cheen waanib nyan ke upihdaan na, ki mɔk bi nsan, nteersakpiin ni.

Ilahn 79:13

Le timi saanib bi ye saadiik ni yaab na, ga doon si ki ti saa n‑yoonn mu kaa kpa ndoon na, ki li pak si n‑yoonn mɔmɔk ki cha.

Ilahn 95:3

ba pu? Uwumbɔr ye Mpɔɔnsakpiindaan la, ubɔr mpɔɔnsakpiindaan u joo dindatiib mɔmɔk na.

Nnyam 6:7

M ga di nimi ŋa maanib, m ga li ye nimi Aawumbɔr. Ni ga bee ke m ye Nidindaan Uwumbɔr u gaa nimi lii, ki nyan nimi tinaagbiir ni, Ijipt yaab chee na.

Ulandaan 12:1

Kina pu na, saah laa pɔɔn na, li teer Uwumbɔr u naan si na bɔr, waahr aan aa nin por, buyoonn aa ga nan bui ke, “Nsui aa ki piin.”

Aisaya 63:11

Le bi teer n‑yoonn mu jer na, Uwumbɔr aatutunn Moses aayoonn, le ki baa ke, “Uwumbɔr u nan nyan waanib aaninkpiib nnyusakpem ni na bi la chee dandana wee? Uwumbɔr u nan di Waafuur Nyaan tii Moses na bi la chee?

Aisaya 63:19

Aa ŋani timi ke sin le aah kaa nan joo timi n‑yoonn mubaa na, le ni naahn ke taah kaa nan ye saanib n‑yoonn mubaa le na.

Aisaya 64:7

Ubaa aa fenn toŋ ni si ki mee si; ubaa aa chaa aa chee ki ban nterm. Aa di aabaa bɔr ti chee, ki di timi mee, timi aatunwanbir pu.

Jeremia 10:10

Tɔ, sin Uwumbɔr le ye Uwumbɔr bamɔnn, sin le ye Uwumbɔr u bi na, le ki ye ubɔr u bi n‑yoonn mɔmɔk na. Saaŋuul yaa fii kan, dulnyaa deŋni la; ŋitimbol aan ŋmaa sil saaŋuul chee.

Esekiel 34:11

“Min Nidindaan Uwumbɔr bui nimi ke min mbaa le ga ban kan maapiih ki li joo i

Jɔnn 17:3

Sin baanja le ye Uwumbɔr bamɔnn. Binib bi nyi si, ki nyi mi Yesu Kristo u aa tun ni u na, bima le kpa limɔfal li kaa kpa ndoon na.

2 Korenti 4:6

Uwumbɔr u nan len ke “Cha nwiihn woln mbɔmbɔɔn ni” na, uma le woln tinimbil, ke ti bee waah ŋan sakpen pu na. Yesu Kristo aabimbin aah bi pu na le mɔk timi Uwumbɔr aah ŋan sakpen pu na.

Efesusi 2:10

Ti ye Uwumbɔr aawanaankaan la. Taah kpaan Yesu Kristo ni na, le Uwumbɔr ŋa timi binipɔm, ke ti li tun lituln li ŋan na. U nan di lituln ngbaan siin kiir timi, ke ti nan tun li.

Ikaal 32:15

Uwumbɔr aanib ngbaan nan kan liwangol, le ki tee kpa tafalaaŋun. Bi nan ji ti babr, le ki filk. Bi nan yii Uwumbɔr u naan bi, ki ye Mpɔɔnsakpiindaan u gaa bi lii na.

Ikaal 32:6

Nimi bijɔrb bi kaa kpa nlan na, Uwumbɔr aah ŋa nimi tibulchinn ti na, kina le ni ga giin pa u uu? Naa ye uma le ye nite u naan nimi, ki ŋa nimi litimbol na aa?

Ikaal 4:35

Uwumbɔr ubaa le mɔk nimi kina, ke u kpiir mɔk nimi ke uma Uwumbɔr baan baanja le bi, ubaa aa ki bi ki kpee u pu.

Ikaal 4:39

Nima pu na, teer din wee man, ki taa suln kpala ke Uwumbɔr le ye Uwumbɔr u joo paacham ni kitiŋ kee na. Uwumbɔr uken aa ki bi.

Ikaal 7:9

Ni teer ke Nidindaan Uwumbɔr baanja le ye Uwumbɔr, le ki ŋani waah len pu na. U ga li joo waah puu tipuur ti na, ki ga mɔk ŋiniker lichur ŋi gee u ki joo waakaal na, waah kpa ngeehm n‑yoonn mɔmɔk pu na,

1 Piita 2:25

Ni nan bi ke ipiih i yenn na, le dandana wee, ni gir ni Kristo chee. U kpaa nimi ke upihkpaal aah kpaa ipiih pu na, ki kii nimi aamɔfal.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.

1 Piita 4:19

Nima pu na, unii yaa ji falaa Uwumbɔr aageehn pu kan, u li tun lituln li ŋan na, ki di ubaa ŋa Uwumbɔr u nan naan u ki ye mbamɔndaan na aaŋaal ni.

1 Jɔnn 5:20

Ti nyi ke Uwumbɔr Aajapɔɔn nan dan ki nan tii timi nlan ke ti bee Uwumbɔr, u ye Uwumbɔr bamɔnn na la. Ti bi Ujapɔɔn Yesu Kristo ni, nima le ti bi Uwumbɔr bamɔnn mu ni. Uma le ye Uwumbɔr bamɔnn, ni limɔfal li kaa kpa ndoon na daan.