Filipi 4:7 - Uwumbɔr aagbaŋ

⁷ Ni yaa ŋani kina kan, Uwumbɔr ga tii nimi nsuudoon mu jer taah nyi pu na. Nisui, ni nimi aalandak ga doon; ba pu? ni kpaan Yesu Kristo chee.

UWONBƆR A GBƆNPƆŊ LIKƆƆNL

⁷ Le Uwonbɔr a posɔɔm, man yab ki lagir uninfosaal a biɛm bu-n le che ni ŋmag Masiya ni sufu ni nin ni potiɛlin.

Filipi 4:7 Iomraidhean Croise

Nehemia 8:10

Kina pu na, li chaa kun man ki ti ŋa njim ki ji. Yakr man nimi aajikaar ni ndaan ki tii binib bi kaa kpa na. Din aawiin ye chain aawiin le ki tii Uwumbɔr, nima pu na, cha nisui li piin man. Mpopiin mu Uwumbɔr tii na ga tii nimi mpɔɔn.”

Job Aagbaŋ 22:21

Tɔ, Job, cha aa ni Uwumbɔr ŋa nsuudoon aamɔbaan, ki taa ki ŋani u ke saadin na. Aa yaa ŋa kina kan, u ga ŋa waanyoor ŋa aa pu.

Job Aagbaŋ 34:29

Uwumbɔr yaa yii ke waan ŋa nibaa kan, ubaa aan ŋmaa galn u. U yaa di ubaa bɔr kan, binib aan ki li kpa nterm.

Ilahn 29:11

Uwumbɔr le tii waanib mpɔɔn, ki ŋani tinyoor ŋani bi pu, ki tii bi nsuudoon.

Ilahn 85:8

M bi pel Ndindaan Uwumbɔr aah len pu na la; u puu ke u ga tii timi waanib nsuudoon; ti mu taa ki gir buen timi aajɔrk ponn ni.

Ŋiyataŋak 2:11

Saalan mu cha aa beer tiwan aatataa na ga li kii si,

Ŋiyataŋak 4:6

Taa di nlan mee, le mu li kii si; li gee mu aan mu ga li kii si mbamɔm.

Ŋiyataŋak 6:22

Aa yaa cha nsan kan, baamɔkm le ga di si buen, ki li kii si kinyeek, ki sur si nwiin pu.

Aisaya 26:12

Uwumbɔr, aa ga tii timi nwankam; tiwan nimɔk ti kani na ye saaŋann la.

Aisaya 26:3

Uwumbɔr, sin le joo nsuudoon mu sil ye nsuudoon na tii binib bi joo baabimbin mbamɔm ki tii si naadii na.

Aisaya 45:7

Min le naan nwiihn ni mbɔmbɔɔn mu; min le joo ni tinyoor ni tibɔbir mu. Min Uwumbɔr le ŋani nimina mɔmɔk.

Aisaya 48:18

Ni yaa nan ba pel maah tuk nimi pu na kan, le tinyoor ba ga li puu choo ni chee, ke nkpen mu aanyun aa foor na. Linyaŋ ba ga dan ni chee, ke nnyusakpem aanyunkpenn na la.

Aisaya 48:22

Uwumbɔr bui ke, “Titunwanbirdam aa kpa nsuudoon.”

Jeremia 32:16

Maah di tigbann ngbaan tii Baruk ti doo na, le m mee limeel ke,

Jeremia 33:6

Tɔ, m tee ga tii kitiŋ kee, ni kaanib lifuur, ki cha bi ki li kpa laafee. M ga tii bi nsuudoon mu ga yunn na, ni ŋŋmarm.

Nkahm 6:26

Uwumbɔr lik faar nimi, ki tii nimi nsuudoon.

Tibɔnyaan ti Luk ŋmee ti na 1:79

Ni ga woln binib bi bi mbɔmbɔɔn ni ki san nkun ijawaan na pu, ni ga mɔk timi nsan mu ga tii timi nsuudoon na.”

Tibɔnyaan ti Luk ŋmee ti na 2:14

“Cha ti nyuŋ Uwumbɔr u bi paacham na. Lifuur ga li bi dulnyaa wee ni. Uwumbɔr san binib kinimbaak la.”

Jɔnn 14:27

“M tii nimi nsuudoon la. Maah kpa nsuudoon pu na, kina le m tii nimi. Dulnyaa aawan aa ŋmaa tii nimi nsuudoon ke maah tii nimi pu na. Ni taa cha ilandak li muk nimi, ki taa san ijawaan man.

Jɔnn 16:33

M tuk nimi tibɔr timina ke ni li kpa nsuudoon m pu. Ni ga kan falaa dulnyaa ni. Ni li kpa lipobil man; ba pu? m nyaŋ dulnyaa a.”

Rom Yaab 1:7

Nima le m ŋmee kigbaŋ kee m tii nimi bimɔk bi Rom aatiŋ ni na. Uwumbɔr gee nimi ki yin nimi ke ni li ye waanib. Tite Uwumbɔr ni Tidindaan Yesu Kristo ŋa tinyoor ŋa ni pu, ki tii nimi nsuudoon.

Rom Yaab 14:17

Uwumbɔr aanaan aa ye tijikaar ni tiwanyukaan. Mu ye mbimbinyaan, ni nsuudoon, ni mpopiin, Waafuur Nyaan aah tii timi pu na la.

Rom Yaab 15:13

Uwumbɔr tii timi limakl la. Naah gaa u ki kii pu na, u gbiin nimi mpopiin ni nsuudoon mɔmɔk. Nima le ni ga li kpa limakl sakpen, Waafuur Nyaan aapɔɔn pu.

Rom Yaab 5:1

Taah gaa Uwumbɔr ki kii pu na, nima le u len ke timi aabɔr ŋan. Tidindaan Yesu Kristo pu le ti ni Uwumbɔr kpaan kijɔtiik.

Rom Yaab 8:6

Binib bi aatafal bi mbimbikpok aabɔr ni na ga kpo la. Binib bi aatafal bi Uwumbɔr Aafuur Nyaan aabɔr ni na ga kan limɔfal, ni nsuudoon.

2 Korenti 10:5

ki nyaŋ binib bi kpa kalmbaani ki dak ke bi kpa nlan ki jer Uwumbɔr na. Ti cha ilandak mɔmɔk kii Kristo aamɔb.

2 Korenti 13:11

Nnaabitiib, tibɔr ti gur na le ye ke m ban m chɔi nimi la. Toor nimi aabimbin man. Sɔŋ tɔb aasui man. Ni li kpa kimɔbaan ni nsuudoon man, le Uwumbɔr u gee timi ki tii timi nsuudoon na ga li bi ni chee.

Galantiya 5:22

Uwumbɔr Aafuur Nyaan le cha binib gee tɔb, ki kpa mpopiin, ni nsuudoon, ni limɔr, ni tibulchinn, ni mbimbinyaan, ni ibamɔn,

Efesusi 3:19

Waah gee timi pu na jer unii aah ga ŋmaa bee pu na. M ban ke ni bee waah gee nimi pu na aan nimi aabimbin li bi ke waah bi pu na mbamɔm.

Filipi 1:1

Min Pɔɔl ni Timoti bi ye Yesu Kristo aanaagbiib na dooni waaninyaam bimɔk bi Filipi aatiŋ ni na, ni baaninkpiib ni baateterb mu.

Filipi 1:2

Tite Uwumbɔr ni Tidindaan Yesu Kristo ŋa tinyoor ŋa ni pu, ki tii nimi nsuudoon.

Filipi 4:19

Uma Uwumbɔr u m dii u na le ga tii nimi naah lann pu na mɔmɔk; waah kpa liwankpal sakpen paacham pu na, kina le u ga tii nimi, Yesu Kristo pu.

Filipi 4:21

Ni doon Yesu Kristo aaninyaam mɔmɔk tii mi. Tinaabitiib bi bi m chee na dooni nimi.

Filipi 4:9

Ni nan bae Uwumbɔr aabɔr m chee, ki gaa ti, ki ŋun maah len pu na, ki kan maah ŋani pu na. Ni li dii kina, le Uwumbɔr u tii timi nsuudoon na ga li bi ni chee.

Kolosiya 3:15

Kristo yin nimi ke ni li kpaan tiwonbaan ni, ki li kpa nsuudoon mu u tii nimi na. Nima pu na, cha nsuudoon ngbaan li joo nisui man, ki li dooni Uwumbɔr, waabulchinn pu.

2 Tesalonika 3:16

Tidindaan u tii timi nsuudoon na tii nimi nsuudoon n‑yoonn mɔmɔk, tiwan mɔmɔk ponn ni. Tidindaan li bi ni mɔmɔk chee.

Hiibru Yaab 13:20

Uwumbɔr nan fikr Tidindaan Yesu u ye waanib mɔmɔk aayidaan na nkun ni. Waasin pu, le Uwumbɔr puu tipuupɔln tii timi. Tipuur ngbaan ga li bi n‑yoonn mu kaa kpa ndoon na.

Juud 1:1

Min Juud, u ye Yesu Kristo aatutunn, ni Jems aanaal na le ŋmee tibɔr tee tii nimi bi Uwumbɔr lee nimi na. U gee nimi, ki joo nimi Yesu Kristo pu la.

Tibɔkpiirkaan 1:4

Min Jɔnn le ŋmee kigbaŋ kee ke m tii Yesu aanib bi bi Asia aatim mulole ni na. Uwumbɔr u nan bi, ki beenin bi, ki ga li bi n‑yoonn mu kaa kpa ndoon na, ni Waafuur mulole mu bi waabɔrjal chee na, ni Yesu Kristo, ŋa tinyoor ŋa ni pu, ki tii nimi nsuudoon. Yesu Kristo len mbamɔn, ki puen fikr nkun ni, ki ye dulnyaa wee ni aabɔrb aayidaan. U gee timi la, ki di waasin finn timi, ki nyan timi titunwanbir ni, ki gaa timi lii,

Tibɔkpiirkaan 2:17

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na kan, m ga tii u tijikaar ti bɔr aan bi yin ti ke mana na, ki ga tii u litakpapiln li liyimbipɔln ŋmee li pu na. Ubaa aan li nyi liyimbipɔln ngbaan; unii u gaa li na baanja le ga li nyi.