Filipi 3:5 - Uwumbɔr aagbaŋ

⁵ Maah nan ye iwiin iniin aabo na, bi nan gii nchakpaln. M ye Juu yaab aabo, ki ye Benjaminn aanibol ponn ni aanii ubaa la. M ye Hiibru yaab aabo bamɔnn la. M nan dii Moses aakaal, Farisii yaab aah dii pu na.

UWONBƆR A GBƆNPƆŊ LIKƆƆNL

⁵ Baah nan mam a ween iniin daal le bi nan jii n punl, n ye Iziral a ninfou le, ki nyan Bɛnjamɛnn a bolin, ki ye Hiiburu a ninfou tob tob; ki jiin nsiim mu paam ke, n ye Farasii le;

Filipi 3:5 Iomraidhean Croise

Mpiin 14:13

Tɔ, unii ubaa le nan san ŋmar, ki buen ti tuk Abram, u ye Hiibru aanii, ki nan ka gbɔk Amor aanii Mamre aasui sakpiin na, le u ni unaatiib Eskol ni Aner nan si Abram aachaŋ ni.

Mpiin 40:15

Maah bi do na, bi tɔk mi Hiibru yaab aatiŋ ni la, le maah bi Ijipt aatiŋ ni do na, maa ŋa nibaa le bi di mi ŋa kiyondiik ni.”

Mpiin 41:12

Hiibru yaab aanachipɔɔn ubaa mu nan bi ti chee kiyondiik ngbaan ni. U nan ye saajab aaninkpel aanaagbiija la. Ti nan bui u timi aadaŋ ngbaan mɔmɔk, le u nan nabr taatataa tii timi.

Jona 1:9

Le Jona gar bi ke, “M ye Hiibru aanii la. M dooni Uwumbɔr u ye paacham Aadindaan, ki naan kitiŋ, ni nnyusakpem na la.”

Tibɔnyaan ti Luk ŋmee ti na 1:59

Waabo aawiin iniin daal, le bi dan bi nan gii uchakpaln, le ki ban bi yin u ke Sekaria ke baah yin ute pu na.

Tibɔnyaan ti Luk ŋmee ti na 2:21

Ubo ngbaan aawiin iniin daal le ni ŋeer bi gii uchakpaln. Le bi yin u ke Yesu. Buyoonn Mari aa nan kee dek lipuul na, le Uwumbɔr aatuun ngbaan nan bui u ke bi yin u kina.

Tibɔnyaan ti Luk ŋmee ti na 5:38

See bi di ndawiin ŋa kiloopɔŋ ni.

Lituln 22:3

“M ye Juu yaab aanii la. Bi nan ma mi Tasus aatiŋ ki bi Silisia aatiŋ ponn ni na la. M nan bae mbaem Jerusalem ni, do chee na la. Gamaliel le nan mɔk mi. M nan bae tiyaajatiib aakaal mbamɔm. Nnimbil nan man Uwumbɔr aatuln pu, ke ni mɔmɔk aah bi pu dandana wee na.

Lituln 23:6

Tɔ, Pɔɔl nan bee ke bi ponn ni bibaa ye binib bi dii Sajusii yaab aamɔkm na, bibaa mu ye binib bi dii Farisii yaab aamɔkm na. Le u teen ke, “Nnaabitiib, m ye unii u dii Farisii yaab aamɔkm na la. Nte mu nan ye unii u dii Farisii yaab aamɔkm na la. M kpa limakl ke binib bi kpo na ga fikr nkun ni. Limakl ngbaan pu, le bi ji mi tibɔr.”

Lituln 6:1

Binib nan gaal Yesu ki keei idaa mɔmɔk ki kpae waadidiliib pu. N‑yoonn ngbaan le Juu yaab bi len Griik aaliin na ŋulni Juu yaab bi len Juu aaliin na pu, le ki bui ke baah yakr tijikaar idaa mɔmɔk na, bi sulni baakpopiib bɔr.

Rom Yaab 11:1

Nima pu le m baa ke, “Uwumbɔr yii waanib Israel yaab aa?” Naa bi kina kpala. Min Pɔɔl mbaa ye Israel yaab aanii la. M ye Abraham aayaabil, ki ye Benjaminn aanibol aanii la.

2 Korenti 11:22

Biŋmaŋmannim ngbaan ye Hiibru yaab la aa? M mu ye. Bi ye Israel yaab la aa? M mu ye. Bi ye Abraham aayaabitiib la aa? M mu ye.

1 Samuel 4:6

Filistia yaab ŋun kifuuk ngbaan pu le ki bui ke, “Li pel man Hiibru yaab ngbaan aakakaa chee aah kpa kifuuk pu na. Naatataa ye kinye?” Baah bee ke Uwumbɔr Aakaal Aadakaa le fuu ni Hiibru yaab chee na,