Daniel 9:2 - Uwumbɔr aagbaŋ

² Waah nan jin nnaan ngbaan na aajan aabiln ponn ni, le m nan bi bae Uwumbɔr aagbann ponn ni, ki dakl lik ŋibin imonko itaa ni kipiik ŋi ponn ni Jerusalem ga li bi libiil ni na. Uwumbɔr nan di libiil ngbaan aabɔr kpiir tuk waabɔnabr Jeremia la.

Daniel 9:2 Iomraidhean Croise

2 Bibɔrb Aabɔr 36:21

Kina pu na, Uwumbɔr aah nan cha waabɔnabr Jeremia len pu na gbiin ke, “Kitiŋ ngbaan ga doon nkuun ki ti saa ŋibin imonko itaa ni kipiik, ki teen Likpaakool daal aafuur li bi nan yii kaa kal fuur na.”

Esra 1:1

Sairus aah nan ye Pesia aabɔr pu na aajan aabiln ni, le Uwumbɔr nan cha waah nan di waabɔnabr Jeremia len pu na gbiin. U nan cha Sairus siin nkaal mumina, ki cha bi ŋmee mu ki di tun waanaan mɔmɔk ni ke:

Ilahn 119:24

Saah mɔk mmɔkm pu na tii mi mpopiin; muma le ye maasusur.

Aisaya 64:10

Ubaa aa ki bi saatim mu nan bi chain na ponn ni, le Jerusalem mu kpaln tilangbenn,

Jeremia 1:1

Kigbaŋ kimina ponn ni aabɔr ye Jeremia aabɔr la. U nan ye Hilkia aajapɔɔn, ki mu nan ye bitotoorb bi nan bi Anatof aatiŋ ki bi Benjaminn aapepel ni na ponn ni ubaa la.

Jeremia 25:18

Jerusalem aatiŋ, ni Juda aatim mɔmɔk, ki kpee kaabɔrb ni biyidam mɔmɔk, m nan cha bi nyun ki ponn ni, ki cha bi kpaln nteersakpiin, ki kpa ijawaan, ki cha binib joo baayimbil puuni lir biken pu, ke baah beenin ŋani pu na.

Jeremia 26:18

“Hesekia aah nan ye Juda aabɔr na, Uwumbɔr aabɔnabr Maika u nan bi Moresef aatiŋ ni na nan tuk binib mɔmɔk ke Uwumbɔr Mpɔɔnsakpiindaan len ke, ‘Bi ga kpar Sionn ke lisikpel na, le Jerusalem kpaln tilangbenn aakpuk, le Uwumbɔr Aadichal aagongoln ga kpaln kichook.’

Jeremia 26:6

Ni yaa beenin yiil kan, m ga bii Maadichal lee ke maah nan bii Silo aatiŋ pu na, le dulnyaa wee aatimbol mɔmɔk ga li joo Jerusalem aayimbil puuni lir biken pu.”

Jeremia 27:7

Ŋitimbol mɔmɔk ga tun tii u, ki ga tun tii ujapɔɔn, ni uyaabil ki ti saa buyoonn waatimbol ga lir na. N‑yoonn ngbaan le waatimbol ga li tun tii ŋitimbol ni bibɔrkpaam bi kpa ipɔɔn na.

Jeremia 29:10

“Uwumbɔr ki len ke, ‘Babiloŋ aabin imonko itaa ni kipiik na yaa jer kan, m ga mɔk nimi maah neen nimi pu ki joo tipuur ti m nan puu ke m ga giin ni nimi nido na.

Jeremia 7:34

Kitiŋ ngbaan ga kpaln nteersakpiin la. Mpopiin, ni mmɔɔn aafuuk, ni tibɔndinn aajim aamɔɔn ga doo Juda aatim, ni Jerusalem ponn ni.

Inandalahn 1:1

Jerusalem, kitiŋ ki nan gbii binib na gur ŋmin chii la. Dulnyaa mɔmɔk aanib nan pak kima la, le ki gur naahn ukpopii; kitiŋ ki nan kpa liyimbikpaan na aanib kpaln binaagbiib.

Esekiel 29:11

Unibɔn, bee kiwakork aan ki chuun nima. Nibaa aan li bi ki pu ki ti saa ŋibin imonko ilee.

Daniel 9:3

Le m nan mee ki gaŋ Tidindaan Uwumbɔr linimaln, ki lulni bumɔb, ki peeni tiwan ni saak kuub na, ki kaa nfatan ni tibɔr ngbaan pu.

Maika 3:12

Kina pu na, nimi pu le bidim ga kpar Sionn ke lisikpel na, le Jerusalem kpaln tibir aatapuln, le Uwumbɔr Aadichal aagongoln kpaln kichook.

Sekaria 1:12

Le ntuun ngbaan bui ke, “Uwumbɔr Mpɔɔnsakpiindaan, saaŋuul nan fii Jerusalem ni Juda aatim pu ki ti saa ŋibin imonko itaa ni kipiik le na. Bayoonn aan aa ga san mu kinimbaak?”

Sekaria 7:5

U nan bui ke, “Bui kitiŋ ngbaan aanib ni bitotoorb ngbaan ke baah nan lulni bumɔb ki wii ikpowiil ŋmaŋmu ni ŋmalole ni ŋibin imonko itaa ni kipiik ŋi jer na, naa nan ye maanyuŋ pu le bi nan ŋani kina.

Matiu 24:15

“Ni ga kan tiwanbir ni bii tiwan nimɔk bi chain na si Uwumbɔr Aadichal ni, ke Uwumbɔr aabɔnabr Daniel aah nan len pu na.” Tɔ, nimi bi karni na, ni li beer nimina aatataa.

Tibɔnyaan ti Mak ŋmee ti na 13:14

“Ni ga kan tiwanbir ni bii tiwan nimɔk bi chain na si naah kaa ba ga li si nin chee na.” (Tɔ, nimi bi karni na, ni li beer nimina aatataa.) “N‑yoonn ngbaan yaa nan fuu ni kan, binib bi bi Judea aatiŋ ponn ni na san buen ŋijoo paab.

Lituln 8:34

Tɔ, le uja ngbaan baa Filip, “Uwumbɔr aabɔnabr aah nan len pu na, u len ŋma aabɔr? U len ubaa aabɔr le aan u len uken aabɔr la?”

1 Timoti 4:13

Li karni Uwumbɔr aabɔr tii binib, ki mɔk bi taatataa, ki tuk bi baah ga li ŋani pu na. Li ŋani kina linimaln, ki nan saa buyoonn m ga fuu ni na.

Tibɔkpiirkaan 1:3

Unii u karn Uwumbɔr aabɔr timina binib aanimbil ni na, Uwumbɔr aanyoor bi u pu. Binib bi ŋun ki ŋa taah len pu na, Uwumbɔr aanyoor bi bi mu pu. Ba pu? buyoonn tibɔr tee ga nan ŋa na aa ki daa.