Daniel 8:3 - Uwumbɔr aagbaŋ

³ le ki kan upihja u kpa iyiin ilee i fɔk na si gbɔk limɔɔl ngbaan. Waayiin ngbaan mubaa nan fɔk ki pɔɔ jer muken na.

Daniel 8:3 Iomraidhean Croise

1 Bibɔrb Aabɔr 21:16

David nan kan ntuun ngbaan gaar si libuln ni paacham, ki joo kijaak aajuk uŋaal ni ki gor ke u ti bii Jerusalem. Le David ni binib ngbaan aasalolm, bi mɔmɔk nan pee tiwanpeenkaan ni saak kuub na, gbaan le ki di binimbil chiŋ kitiŋ.

Esra 1:2

“Pesia aanaan aabɔr Sairus le siin nkaal mue. Uwumbɔr u ye Paacham Aadindaan na le ŋa mi dulnyaa wee mɔmɔk aajojoor, le ki tii mi lituln ke m maa lidichal Jerusalem aatiŋ ki bi Juda aatiŋ ni na tii u.

Esra 4:5

Bi nan tii Pesia aatiŋ aabɔrkpaan aaninkpiib ŋimombil, ke bi ter bi ki jenn Juu yaab ngbaan. Bi nan ŋani kina ki nyan Sairus aayoonn ki ti saa Darius aayoonn.

Esta 1:3

Waah nan jin nnaan ki nan saa libiln tatar ni na, u nan ŋa njim sakpem tii waaninkpiib bi lik waanaan na. Pesia ni Media aatɔb aajab nan bi nima, ki kpee biyidam ni bininyuum bi bi ŋipepel nkub ni moninko ni ŋilole na mu.

Aisaya 13:17

Uwumbɔr ki len ke, “M bi saar Media yaab ke bi ti tak Babiloŋ yaab la. Bitafal aan li bi tikunabr ni, le salmaa mu aan li mɔ bi.

Aisaya 21:2

M kan libiil aabɔr tibɔkpiirkaan ni, libiil ni ŋŋmannim aabɔr. Elam aajab, ti tak bi man. Media aajab, buen ti gob man ntim ngbaan. Uwumbɔr ga kuln Babiloŋ yaab aah tii nimi falaa u na.

Aisaya 44:28

Le m ga bui ubɔrkpaan Sairus ke, ‘Sin le ga joo maanib; aa ga ŋa maah ban ke aa ŋa pu na: aa ga cha bi ki gir maa Jerusalem, ni Maadichal aadinyikl mu.’”

Jeremia 51:11

Uwumbɔr aah ban u kuln Babiloŋ aatiŋ na, le u ti saa Media aabɔrb. Waah ga leŋ lipɔln Waadichal pu pu na le na. Bijab bi bi tak ki na aayidam teen ke, “Luun nimi aapiin man. Gor nimi aajaak aapen man.

Daniel 10:5

le ki yaar lik paacham ki kan unii ubaa si pee ŋitan ŋi ŋan na aawanpeenkaan, ki buu salmaa aagbapapaln.

Daniel 2:39

Saanaan aapuwɔb, nnaan muken mu ga dan, mu ye tikumann aanaan na, mu ga dan ki nan li joo kitiŋ kee mɔmɔk.

Daniel 5:31

le Darius u ye Media aanii ki ye ŋibin imonko itaa ni ŋilee aanii n‑yoonn ngbaan na, gaa nnaan ngbaan aapɔɔn.

Daniel 6:28

Kina pu na, Daniel nan kan nwankam n‑yoonn mu Darius ni Sairus u nyan ni Pesia aatiŋ ni na nan joo kitiŋ ngbaan.

Daniel 7:5

Kipeewanbiik sakpeŋ kiken nan ki nyan ni ki si kitaajal pu. Ki nan kpob isikakpab itaa kimɔb ni, le nneel bui ki ke, “Li ŋmɔ, ŋmɔ tinann saah gee pu na mɔk.”

Daniel 8:2

Tidaŋ ngbaan ponn ni, m nan kan ke m si Susa, kitiŋ ki bi maa ligoln mann goln ki aan ki bi Elam aapepel ni na ni la. M nan si gbɔk Ulai Aamɔɔl la,

Daniel 8:20

“Saah kan upihja u kpa iyiin ilee na ye Media ni Pesia aanaan la.

Sekaria 1:18

Tidaŋ tiken ponn ni le m nan kan inaayiin inaa.

Sekaria 2:1

Tidaŋ tiken ponn ni le m nan kan uja ubaa joo ŋŋmin mu bi joo ŋaŋni tiwan aafɔfɔk na uŋaal ni.

Sekaria 5:1

M nan ki yaar lik, le ki kan kigbakpaikee ki laani na.

Sekaria 5:5

Ntuun ngbaan nan ki dan m chee le ki nan bui ke, “Lik, tiwan niken ki choo.”

Sekaria 5:9

M nan yaar lik paacham le ki kan bipiib bilee bi kpa ifeen ke unyoon sakpiin ubaa na laani libuln ni choo m chee. Bi nan yoor kibɔɔkuuk ngbaan ki di fii buen.

Sekaria 6:1

M nan ki daŋ tidaŋ tiken. Tidaŋ timina ponn ni m nan kan itaan aatɔroku tiib binaa nyan ni tikumann aajoo ŋilee aakaasisik ni.

Nkahm 24:2

le ki kan Israel yaab ka ŋinibol ŋinibol. Uwumbɔr Aafuur Nyaan nan koo u ni,

Josua 5:13

Buyoonn Josua nan bi gbɔk Jeriko aatiŋ na, le uja ubaa kpaan nyan sil u chee, unimbiin ni, le ki joo kijaak aajuk. Josua nan buen u chee le ki ti baa u ke, “Aa ye timi aajab ponn ni ubaa, bee aa ye timi aadin la?”

Tibɔkpiirkaan 13:11

Le m kan upeel leler nyan ni kitiŋ ni. U nan kpa iyiin ilee i naahn upihbo aayiin na, le ki len ke kipeewanbiik aah len pu na.

Tibɔkpiirkaan 5:6

Le m kan Upihbo si libɔrjal, ni tiwanfuurkaan ninaa, ni bininkpiib na aakaasisik ni. Upihbo ngbaan kpa libuel uneen ni ke baah kɔr u le na, ki kpa iyiin ilole ni ŋinimbil ŋilole ŋi ye Uwumbɔr Aafuur mulole mu Uwumbɔr tun ni mu ŋipepel mɔmɔk dulnyaa wee ni na.