Daniel 8:11 - Uwumbɔr aagbaŋ

¹¹ Mu nan sii Uwumbɔr u ye paacham aajab aaninkpel na, kaa ki cha binib toor kitork tii u, ki bii Waadichal.

Daniel 8:11 Iomraidhean Croise

Daniel 12:11

“Ki nya buyoonn bibiindam cha bi taa ki toor iwiin mɔmɔk aatork Uwumbɔr Aadichal ni na, nima le ye buyoonn tiwanbir ni bii tiwan nimɔk bi chain na ga sil Uwumbɔr Aadichal ngbaan ni, iwiin lichur ni ikui ilee ni imonko inaa ni kipiik le ga jer.

Daniel 11:31

Waajab ngem ga bii Uwumbɔr Aadichal. Bi ga kuln iwiin mɔmɔk aatork, ki di tiwanbir ni bii tiwan nimɔk bi chain na siin nima.

Daniel 8:25

Waah kpa beebee aalan pu na, u ga di kina aalan nyaŋ tiwan nimɔk u ŋani na. U ga li kpa kigaak, ki ga ku bii binib pam kaan cha bi li nyi. U ga kpaan fii sil Uwumbɔr u ye bibɔrb mɔmɔk Aayidaan na pu, le waah ga nan doo pu na aan nyan ni unibɔn aapɔɔn ni.

Esekiel 46:14

Ni di n‑yon kuruwaa bilee, ni nkpan kpalba ubaa kpee kina aatork pu. Nkpan ngbaan le bi ga di buun n‑yon ngbaan. Kitork kimina aakaal ga li bi kina le ki cha.

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”

Aisaya 37:23

Aa dak ke ŋma aa bi seei ki ŋani u mbɔnyun? Saa pak mi, Israel yaab Aawumbɔr u bi chain na kpala.

Hiibru Yaab 2:10

Uwumbɔr u nan naan tiwan mɔmɔk ki joo ni mɔmɔk na, ni ŋeer u ke u cha Yesu ji falaa, ki li joo ni Uwumbɔr aabim bi wiir na waanaan ni. Uma le gaa bi lii. Waah ji falaa pu na, nima le cha u ye timi aaŋmaŋmardaan bamɔnn.

Tibɔnyaan ti Luk ŋmee ti na 21:24

Bi ga di kijaak aajum ku bibaa, ki ga chuu bibaa mu tinaagbiir ki di buen ŋinibol mɔmɔk aakaasisik ni. Le binib bi kaa ye Juu yaab na ga bii Jerusalem ki ti saa baayoonn aah ga doo pu na.”

Daniel 8:12

Binib nan tun titunwanbir li ponn ni, kaa toor iwiin mɔmɔk aatork ki ba ye ke bi toor li ponn ni na, le ki di isan i ye ibamɔn ke bi dii i na lii. Tiwan nimɔk n‑yiin ngbaan nan ŋa na, nan kpa mu tinyoor la.

Daniel 7:25

U ga sii Uwumbɔr u kaa kpa ŋeen aatɔ na, ki muk uma Uwumbɔr waanib. U ga pɔɔn ubaa ke u kpeln baah dii isan i na, ni baajim aakuun mu, le Uwumbɔr aanib ga li bi waapɔɔn ni ki ti saa ŋibin ŋitaa ni ligeln.

Daniel 5:23

Aa tun Paacham Aadindaan tiwan ni kaa ŋan na, ki yoor tiyikur ni ŋisambil ŋi nyan ni Waadichal ni na; le sin, ni saaninyuum, ni aapuutiib, ni aabɔtiib nyun ndaan tiyikur ni ŋisambil ngbaan ponn ni, ki pak ŋiwaa ŋi bi di salmaa, ni tikunabr, ni tikumann, ni tikur, ni idɔ, ni ŋitakpal naan ŋi na, ŋiwaa ŋi kaa waa, kaa ŋun tibɔr, kaa nyi nibaa na, kaa tee nyuŋni Uwumbɔr u lik ke aa ga li bi, bee aa ga kpo, ki joo tiwan ni mɔmɔk aa ŋani na.

Jeremia 48:42

Moab aatiŋ aah yii mi pu na, ki ga kuln kaan ki li ye litimbol.

Jeremia 48:26

Uwumbɔr bui ke, “Moab aatiŋ aah nyan mpuwɔb pu na, cha ki gbii ndaan. Moab aatiŋ ga biln kibaa aawuln ponn ni la, le binib ga laa.

Aisaya 37:29

M ŋun saah kpa liŋuusakpeln ni kigaak pu na, le dandana m ga di njapiin di pui aamɔfal ni, le ki di itangar mu di ŋa aamɔb ni, ki di si giin dii nsan mu aa dii ni ki dan na.”

Nkahm 28:3

Naah ga di tijikaar aapiin i tii Uwumbɔr iwiin mɔmɔk, aan ki di see mmii ni na sɔ: libiln libaa aapihjabi ilee, i taa li kpa iween, ki li ŋan.

2 Tesalonika 2:4

U ga yii Uwumbɔr, ni ŋiwaa, ni tiwan nimɔk binib dii ni na. U ga nyuŋ ubaa ki jer ni mɔmɔk, ki ga kal Uwumbɔr Aadichal ni, ki len ke uma le ye Uwumbɔr.

Daniel 8:24

U ga pɔɔk pam, ni mu aan li ye ubaa aapɔɔn pu. U ga bii tiwan pam, ki kan linyaŋ tiwan nimɔk u ŋa na ponn ni. U ga bii doo binib bi pɔɔ na, ki kpaan kpee Uwumbɔr aanib mu.

Daniel 9:25

Chuu tibɔr timina ki bee taatataa: Ki nyan n‑yoonn mu bi ga lii bumɔb ke bi ki gir maa Jerusalem aatiŋ na, ki ti saa buyoonn Uwumbɔr aah lee usaloln u na fuu ni na, ga li ye ŋibin ŋilole nfum mulole pu la. Bi ga ki gir maa Jerusalem aatiŋ, le isan ga li bi ki ponn ni, le ki li kpa tiwan ni kiir ki aan ki pɔɔ na; le ki ga sil ki ti saa ŋibin imonko itaa ni ŋilee nfum mulole pu; n‑yoonn ngbaan tee ga li ye tibɔbir aayoonn la.

Daniel 11:22

U ga ku unii umɔk nyan sil u pu na, ki kpee Uwumbɔr Aatotoorninkpel mu.