Daniel 7:9 - Uwumbɔr aagbaŋ

⁹ Maah nan beenin si lik na, le bi di ŋibɔrjal nan siin. Le Uwumbɔr u bi n‑yoonn mɔmɔk na nan kal libɔrjal libaa pu. Waawanpeenkaan nan piin ke nkokoyon na la, le waayikpir mu piin sakpen. Waabɔrjal aataa nan ye mmii la, le ki gaal ke imiigaal na,

Daniel 7:9 Iomraidhean Croise

1 Bibɔrb 22:19

Mikaya nan ki len ke, “Tɔ, li pel man Uwumbɔr aah len pu na. M kan Uwumbɔr ka waabɔrjal pu paacham, le waatuuntiib mɔmɔk si gbɔk u.

2 Bibɔrb Aabɔr 18:18

Mikaya nan ki len ke, “Tɔ, li pel man Uwumbɔr aah len pu na. M waa Uwumbɔr ka waabɔrjal pu paacham, le waatuuntiib mɔmɔk si gbɔk u.

Ilahn 45:8

Tulalee tiib bi bi yin bi ke mir ni alos na le gbii saakeken pu; le bilahngaab ni biwangbaab bi ŋibɔrchin ŋi bi di iluub aanyin di toor ŋi na ponn ni ki pak si.

Ilahn 90:2

Waahr aan aa nin naan ŋigongon ni dulnyaa na, aa nan ye Uwumbɔr u kaa kpa ndoon na, ki ga li beenin ye Uwumbɔr ki ti saa n‑yoonn mu kaa kpa ndoon na.

Ilahn 93:2

Uwumbɔr, ki nyan mpiin na, saabɔrjal si chob la, aa nan bi le n‑yoonn nin piin.

Aisaya 6:1

Libiln li ponn ni ubɔrkpaan Usia nan kpo na, le min Aisaya nan kan Ndindaan. U nan ka waabɔrjal pu, ki kpa bunyuŋ, le waawanpeenkaan gbiin waadichal ngbaan mɔmɔk.

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Jeremia 49:38

M ga ku baabɔrb ni baasalolm, le ki di maabɔrjal siin nima.

Esekiel 1:26

Tiwan nibaa nan bi tiwan ni naahn tikur na paacham ki naahn libɔrjal li bi di ŋitakpanyaan ŋa li na. Tiwan nibaa nan ka libɔrjal ngbaan pu ki naahn unibɔn.

Daniel 7:13

Kinyeek aadaŋ ngbaan ponn ni, le m nan kan udaan u naahn unibɔn aabo na. U nan chuun choo m chee, ki bi ntaalangbam ni, le ki buen Uwumbɔr u bi n‑yoonn mɔmɔk na chee; le bi ti di u mɔk u.

Daniel 7:22

Le Uwumbɔr u bi n‑yoonn mɔmɔk na dan ki nan di mbamɔn tii uma Uwumbɔr u kaa kpa ŋeen aatɔ na aanib. N‑yoonn nan fuu ni ke Uwumbɔr aanib ngbaan gaa nnaan aapɔɔn.

Maika 5:2

Uwumbɔr bui ke, “Betlehem Efrata, aa ye kitiwaatiir kibaa le Juda aatiŋ pu, le sin ponn ni le m ga nyan ni ujojoor u ga li joo Israel aanib na, u ga nya ni mmaal mu ye n‑yaayoonn na aamaal ponn ni la.”

Habakuk 1:12

Uwumbɔr, ki nyan mpiin na, sin le ye Uwumbɔr. Sin le ye Maawumbɔr u bi chain kaa kpa ndoon na. Uwumbɔr, Ndindaan ni maakikiir, sin le lee Babiloŋ yaab ki cha bi kpa mpɔɔn ke bi ŋmaa daa timi aatafal.

Matiu 17:2

Le uwon kpeln binimbil ni. Unimbil wɔb wiin ke nwiin aah wiin pu na. Le waawanpeenkaan kpaln tiwanpipinn ke nwiihn aah piin pu na.

Matiu 28:3

U nan moor lak lak ke utaal aah moor pu na. Waawanpeenkaan piin chain ke nkokoyon na.

Tibɔnyaan ti Mak ŋmee ti na 9:3

Waawanpeenkaan nan kpaln tiwanpipiln, ki wiin chain. Ubaa aa bi dulnyaa wee ni, ki ga ŋmaa ŋa likekeln li li piin kina.

Lituln 2:30

U nan ye Uwumbɔr aabɔnabr ubaa la, ki nyi ke Uwumbɔr puu tipuur ke u ga ŋa uma David uyaabil ubaa ubɔr, ke uma David aah ye ubɔr pu na.

Lituln 2:33

Uwumbɔr nyuŋ Yesu, ki di u kaan uŋangii wɔb. U gaa Nfuur Nyaan Ute Uwumbɔr chee, uma Uwumbɔr aah nan puu tipuur ti ke u ga tii u na. Naah kan pu na, ni naah ŋun pu dandana wee na, ye Uwumbɔr Aafuur Nyaan le u di ŋa ti ni.

Filipi 3:9

ki kpaan u ni. M yaa dii Moses aakaal kan, nima le aan cha Uwumbɔr len ke maabɔr ŋan. Maah gaa Kristo ki kii na, nima le cha Uwumbɔr len ke maabɔr ŋan; m gaa Yesu Kristo ki kii le ki ŋan Uwumbɔr chee.

1 Timoti 6:16

Uma baanja le ye limɔfal li kaa kpa ndoon na Aadindaan. U bi nwiihn ni la. Ubaa aan ŋmaa duun mu ni. Ubaa aanimbil aa kee kan u. Ubaa mu aan ŋmaa kan u. Cha binib mɔmɔk nyuŋ u, ki kii waamɔb n‑yoonn mu kaa kpa ndoon na. Amii.

1 Jɔnn 1:5

Ti nan ŋun tibɔr timina Yesu chee la, le ki tuk nimi. Tibɔr ngbaan le ye ke Uwumbɔr ye nwiihn la. Mbɔmbɔɔn mubaa aa bi u chee.

Tibɔkpiirkaan 1:14

Uyil ni waayikpir piin chain, ke tikokonn na. Unimbil wiin ke mmii na.

Tibɔkpiirkaan 19:18

ti ye bibɔrb aawon, ni butɔb aajab aaninkpiib aawon, ni bipɔɔndam aawon, ni itaan aawon, ni binib bi dik i pu na aawon, ni binib mɔmɔk aawon, bi ye binaagbiib ni bi kaa ye binaagbiib na, ni bi ye biwaatiib, ni bi ye bipɔɔndam na aawon la.

Tibɔkpiirkaan 20:4

Le m kan ŋibɔrjal, ni binib bi ka ŋi pu na. Le Uwumbɔr tii bi nsan ke bi ji binib tibɔr. Bi nan ye binib bi nan kpo Yesu pu na aawiin. Binib nan chuu gii biyil lii; ba pu? bi nan moon tibɔbamɔnn ti Yesu nan kpiir na ni Uwumbɔr aabɔr. Baa dii upeel ngbaan, bee waawaal, kaa gaa waadaan biyigbeer pu, bee biŋaal pu. Bi nan kpa limɔfal ki jin nnaan Kristo chee ŋibin lichur.

Tibɔkpiirkaan 4:2

Libuul ngbaan ni le Uwumbɔr Aafuur Nyaan yoor mi buen paacham. Le m ti kan libɔrjal si Uwumbɔr do; ubaa mu ka li pu.