Daniel 7:2 - Uwumbɔr aagbaŋ

² Maah nan kan pu kinyeek ngbaan na sɔ: Libuln nan daar ki nyani ŋipepel mɔmɔk ki ti yur nnyusakpem.

Daniel 7:2 Iomraidhean Croise

Aisaya 17:12

Ŋitimbol ŋi kpa mpɔɔn na aalan ŋmal, le bi kpa kifuuk ki naahn nnyusakpem aanyunkpenn aafuuk, ki yur ke tinyunkpenn ti wiir na.

Jeremia 49:36

M ga cha libuln nya ni ŋipepel mɔmɔk ki nan daa Elam pu, m ga cha kaanib yaa buen ni kookoo, ki ti saa buyoonn kaakusam ga li bi kitiŋ mɔmɔk ni na.

Jeremia 51:42

Nnyunsakpem di mu aanyunkpenn ti pɔɔ na biin Babiloŋ pu.

Daniel 11:4

Buyoonn waapɔɔn ti moo nyaŋ na, le waanaan ga bii ki yakr nfum munaa pu. Bibɔrb bi ga ji nnaan waanaan ni na aan li ye waamaal ni aanib, bi mu aan li kpa mpɔɔn mu u nan kpa na.

Daniel 2:19

Kinyeek ngbaan le Uwumbɔr kpiir tidaŋ ngbaan mɔk Daniel tidaŋ ponn ni; le u pak Uwumbɔr u bi paacham na ke:

Daniel 7:13

Kinyeek aadaŋ ngbaan ponn ni, le m nan kan udaan u naahn unibɔn aabo na. U nan chuun choo m chee, ki bi ntaalangbam ni, le ki buen Uwumbɔr u bi n‑yoonn mɔmɔk na chee; le bi ti di u mɔk u.

Daniel 7:7

Maah nan beenin si lik na, le upeel nanar mu nyan ni. U nan kpa mpɔɔn, kaa ŋan, ki kpa ijawaan mu. U nan di waakur aanyin ŋi filk sakpen na nyaŋ waadim, ki taa taa bi ŋmal titan ni. U nan kpa iyiin kipiik, kaa nan bi ke ipeel iken na.

Daniel 8:2

Tidaŋ ngbaan ponn ni, m nan kan ke m si Susa, kitiŋ ki bi maa ligoln mann goln ki aan ki bi Elam aapepel ni na ni la. M nan si gbɔk Ulai Aamɔɔl la,

Daniel 8:8

Le uŋoja ngbaan moo pɔɔk ki mak pam, le buyoonn waapɔɔn ti ban mu nyaŋ na, le waayiin ngbaan chuu koo. Mu aah koo na, le iyiin inaa i fɔk ki gbei na nyan mu aabuul ni. I mɔmɔk nan lik yaapepel ibaabaa la.

Sekaria 6:5

Le u gar mi ke, “Itaan aatɔroku tiib binaa ngbaan le ye libuln ki nyani liwipuul, ni liwilir, ni ŋŋangan, ni ŋŋangii wɔb na, li laa nyan ni Uwumbɔr u yeh kitiŋ kee mɔmɔk na aanimbiin ni la.

Matiu 24:31

Le kakaan ga wii mpɔɔn pu. Le m ga tun ni maatuuntiib ke bi buen liwipuul, ni liwilir, ni ŋŋangan, ni ŋŋangii, ki ti kuun ni maanib mɔmɔk, ki di dan m chee.”

Tibɔkpiirkaan 17:15

Le Uwumbɔr aatuun ngbaan ki bui mi ke, “Aa kan nnyunkpaan mu upiidagoor ngbaan ka mu chee na. Nnyunkpaan ngbaan ŋaŋ binib la. Bi ye ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na.

Tibɔkpiirkaan 7:1

Nimina aapuwɔb le m kan Uwumbɔr aatuuntiib binaa si dulnyaa aapepel mɔmɔk ŋinaa, ki kiir libuln ke li taa ki daa kitiŋ ni, ki taa daa nnyusakpem ni, ki taa daa isui ni.