Daniel 7:1 - Uwumbɔr aagbaŋ

¹ Belsasar aah nan jin nnaan Babiloŋ aatiŋ ni njan aabiln ponn ni na, le m nan daŋ tidaŋ kinyeek. M nan ŋmee tidaŋ ngbaan aah ye pu na bil.

Daniel 7:1 Iomraidhean Croise

Mpiin 15:1

Nimina aapuwɔb, le Uwumbɔr nan kpiir ubaa mɔk Abram ki bui u ke, “Abram, taa li san ijawaan. M ga kiir tibɔbir mɔmɔk ti ga dan aa pu na, ki tii si ipiin sakpiin.”

Mpiin 46:2

Le Uwumbɔr nan len u chee kinyeek, tidaŋ ni, ki yin u ke, “Jakob, Jakob.” Le u kii ke, “M sɔ.”

Job Aagbaŋ 4:13

Ni nan muk maageen ke kinyeek aadaŋ na la.

Aisaya 30:8

Uwumbɔr bui mi ke m ŋmee ŋa kigbaŋ ponn ni binib ngbaan aah bi pu na, aan ni li dɔ, kaan li kpa ndoon, baatunwanbir aah bi pu na.

Aisaya 8:1

Le Uwumbɔr ki bui mi ke, “Ban tiwaŋmeekaan ni pee na ki ŋmee ni pu aan ŋŋmeen ngbaan li filk aan unii mɔk li waa mu ke: ‘Maher Salal Has Bas’.

Jeremia 23:28

Ubɔnabr u daŋ tidaŋ na, u bui ke ni ye tidaŋ la, tɔ, ubɔnabr u m di maabɔr tuk u na, u moon ti mbamɔm. Imuul ni timoor aa kpaa.

Jeremia 27:7

Ŋitimbol mɔmɔk ga tun tii u, ki ga tun tii ujapɔɔn, ni uyaabil ki ti saa buyoonn waatimbol ga lir na. N‑yoonn ngbaan le waatimbol ga li tun tii ŋitimbol ni bibɔrkpaam bi kpa ipɔɔn na.

Jeremia 36:32

M nan ki yoor kigbaŋ kiken tii maagbaŋmeer Baruk, le u ŋmee tibɔr ti mɔmɔk m di tuk u na. U nan ŋmee tibɔr ti mɔmɔk nan bi njan aagbaŋ na ponn ni na, ni kina aabɔr ti m nan tuk u ke u ŋmee na.

Jeremia 36:4

Le m yin Neria aajapɔɔn Baruk le ki nan ka len tibɔr ti mɔmɔk Uwumbɔr bui mi na, le u ŋmee. Baruk nan ŋmee ti mɔmɔk ŋa kigbaŋ ngbaan pu.

Esekiel 1:1

Ŋibin piitaa aaŋmanaa aawiin iŋmu daal, le min Esekiel u aate ye Busi, aan m ye utotoor na, ni Juu yaab biken bi nan bi tinaagbiir ni na, nan koo gbɔk Kebar Aamɔɔl, Babiloŋ aatiŋ ni. Kitaapaak nan chuu piir, le Uwumbɔr kpiir ubaa mɔk mi.

Esekiel 40:2

Ni nan ŋa mi ke tidaŋ na la, le Uwumbɔr di mi buen Israel aatiŋ pu, ki di mi tɔŋ lijool li paa na pu. M nan kan ŋidichal ŋibaa si mmɔb wɔb ki naahn kitiŋ kibaa.

Daniel 1:17

Uwumbɔr nan tii binachipɔm binaa ngbaan nlan, ni ichiin, ni laasaab. U nan ki kpee Daniel nlan mu ga cha u bee tidaŋ ni tibɔkpiirkaan aatataa na.

Daniel 2:1

Nebukadnesar aah jin nnaan ki nan saa ŋibin ŋilee na, le u nan daŋ tidaŋ. Ti nan muk u sakpen le waa nan geen kinyeek ngbaan,

Daniel 2:26

Le ubɔr baa Daniel u bi ki yin u ke Beltesasar na ke, “Aa ga ŋmaa tuk mi tidaŋ ngbaan, ni taatataa aah ye pu na aa?”

Daniel 4:13

“Maah nan bi dak tidaŋ ngbaan pu na, le m kan Uwumbɔr aatuun nyan ni kitaapaak ki sunni choo, ki gor ubaa ki lik mbamɔm.

Daniel 4:5

Le m nan daŋ tidaŋ ki kan ijawaan aawan nibaa tidaŋ ngbaan ponn ni buyoonn m dɔ geen na.

Daniel 5:1

Kinyeek kibaa le Ubɔrkpaan Belsasar nan yin ni waaninyuum lichur ke bi nan ji u chee njim sakpem, le bi nan kpaan ki nyun ndaan.

Daniel 5:22

“Le sin ujapɔɔn, saa sunn aabaa taab, ki mu nyi tibɔr ngbaan mɔmɔk.

Daniel 5:30

Liyaadaal ngbaan aanyeek le bi ku Belsasar, u ye Babiloŋ aabɔr na;

Daniel 7:13

Kinyeek aadaŋ ngbaan ponn ni, le m nan kan udaan u naahn unibɔn aabo na. U nan chuun choo m chee, ki bi ntaalangbam ni, le ki buen Uwumbɔr u bi n‑yoonn mɔmɔk na chee; le bi ti di u mɔk u.

Daniel 7:15

Tiwan ni m nan daŋ tidaŋ ki kan ni na nan chuu mi ijawaan, le ki muk mi pam.

Daniel 7:7

Maah nan beenin si lik na, le upeel nanar mu nyan ni. U nan kpa mpɔɔn, kaa ŋan, ki kpa ijawaan mu. U nan di waakur aanyin ŋi filk sakpen na nyaŋ waadim, ki taa taa bi ŋmal titan ni. U nan kpa iyiin kipiik, kaa nan bi ke ipeel iken na.

Daniel 8:1

Ubɔr Belsasar aah nan ti saa ŋibin ŋitaa nnaan ni na, le m nan ki daŋ tidaŋ ki kan iwaan aawan lelee.

Joel 2:28

“N‑yoonn mu choo na, m ga di Maafuur Nyaan di ŋa maanib mɔmɔk pu: nijapɔtiib ni nibisatiib ga nabr min Uwumbɔr aah len pu na; nimi aaninkpiib ga daŋ tidaŋ, le nimi aanachipɔm ga kan lijinjiir aawan.

Amos 3:7

Tidindaan Uwumbɔr aa ŋani waawan nibaa kaa puen di ni kpiir mɔk waatutum bi ye waabɔnabtiib na.

Habakuk 2:2

Le Uwumbɔr gar mi ke, “Ŋmee tibɔbɔrkaan ti m ga kpiir tuk si na tiyakr aapen pu, aan unii umɔk yaar tuur ti pu na ga ŋmaa karn ti;

Nkahm 12:6

Le Uwumbɔr bui bi ke, “Li pel man maah ban m len pu na. N‑yoonn mu maabɔnabtiib bi ni chee na, min le joo mbaa mɔk bi tidaŋ ni, le ki len bi chee tibɔr.

Rom Yaab 15:4

Tiwan nimɔk ŋmee Uwumbɔr Aagbaŋ ponn ni na, ni ŋmee ke ti bae ni la. Waagbaŋ pɔɔni timi aataakpab, ki ter timi ti li kpa limɔr, ki tii timi limakl.

2 Korenti 12:1

See m puk kipupuk. Ni mu aa kpa tinyoor. M ga tuk nimi Tidindaan aah mɔk mi lijinjiir aawan pu ki kpiir tibɔr ti tuk mi na.

Tibɔkpiirkaan 1:19

Nima pu na, ŋmee saah kan pu na, ki ŋmee naah bi pu dandana wee na, ki ŋmee naah ga nan ŋa pu n‑yoonn mu choo na na.

Tibɔkpiirkaan 10:4

Utaal aah teen nfum mulole na, le m ban m ŋmee waah len pu na kigbaŋ ni. Le m ŋun nneel len Uwumbɔr do ke, “Taa ŋmee utaal aah len tibɔr ti na, ki taa kpiir ti.”