Daniel 2:4 - Uwumbɔr aagbaŋ

⁴ Le bi gar ubɔr ngbaan Aram yaab aaliin ponn ni ke, “Uwumbɔr tii mpɔɔndaan limɔfal li fɔk na. Tuk timi saadaŋ ngbaan, aan ti ti kpiir taatataa tuk si.”

Daniel 2:4 Iomraidhean Croise

Mpiin 31:47

Labann aaliin ponn ni u nan yin nima chee ke, Jegar Sahadufa. Le Jakob mu aaliin ponn ni, u yin nima chee ke Galeed,

Mpiin 41:8

Le ni woln kichakpiik ni, le tidaŋ ngbaan aabɔr bii usui, naa mɔ u, nima pu le u nan cha bi yin ni bilandam, ni binib bi ŋani lijinjiir aawan na mɔmɔk, le ki bui bi waadaŋ ngbaan aabɔr. Bi ponn ni ubaa mu aa ŋman nabr ti tuk u.

1 Bibɔrb 1:25

Din wee na, u buen ti di inaaja, ni ipiih, ni inaabi i bi kpiin i aan i filk sakpen na pam toor kitork. U chɔi aajapɔtiib, ni saajab aaninkpel Joab, ni utotoor Abiatar. Libuul lee ni, bi bi ji u chee njim ki tar ke, ‘Ubɔr Adonija li kpa limɔfafɔfɔŋ.’

1 Bibɔrb 1:31

Le Batseba gaa timm le ki bui ke, “Cha ndindaan ubɔr li kpa limɔfal li kaa kpa ndoon na.”

2 Bibɔrb 18:26

Le Eliakim, ni Sebna, ni Joa bui butɔb aajab aaninkpel ngbaan ke, “Li len ti chee Aram yaab aaliin ni. Ti ŋun i. Taa len ti chee Hiibru aaliin; binib bi mɔmɔk ka ligoln pu na bi pel la.”

Esra 4:7

Pesia aabɔrkpaan Ataksekes mu aayoonn, le Bislam, ni Mitredaf, ni Tabeel, ni biŋeen aatɔtiib, mu ki ŋmee kigbaŋ tii ubɔrkpaan ngbaan. Bi nan ŋmee kigbaŋ ngbaan Aram yaab aaliin ni, le bi ti karni ki ki nabr tii u.

Nehemia 2:3

le m bui ke, “Uwumbɔr tii sin mpɔɔndaan limɔfal li fɔk na. M ga ŋa kinye ki taa li lik gbilngbiln buyoonn n‑yaajatiib aakpab aah dɔ nin chee na ber doo aan kitiŋ ngbaan aabisamɔi aajaaleŋ tiib wun mmii doo na?”

Aisaya 36:11

Le Eliakim, ni Sebna, ni Joab bui bijab aaninkpel ngbaan ke, “Li len ti chee Aram yaab aaliin ni. Ti ŋun i. Taa len ti chee timi Israel yaab aaliin; binib bi mɔmɔk ka ligoln pu na bi pel la.”

Aisaya 44:25

M ŋani bibɔɔb bijɔrb, ki cha baabɔr ti bi len ke ti ga ŋa na beer fam. M yii binimbiwolm aalan, ki mɔk ke baalan ye kijɔrk la.

Daniel 1:4

Bi nan ye binachipɔm bi ŋan, ki kpa nlan, bi bi mɔk bi tiwan mbamɔm na, aan bi ŋmaa bae tiwan mala mala, kaa kpa iween ibaa na, aan bi li bi ubɔr aadichal ni. Aspenas aatuln le nan ye ke u mɔk bi tiwan aan bi li ŋmaa karni ki ŋmaa ŋmee Babiloŋ yaab aaliin.

Daniel 2:7

Le bi ki gir gar ubɔr ke, “Mpɔɔndaan yaa ba ga tuk timi tidaŋ ngbaan kan, ti ba ga ŋmaa tuk si taatataa.”

Daniel 3:9

Le bi buen ti bui Ubɔrkpaan Nebukadnesar ke, “Uwumbɔr cha mpɔɔndaan aamɔfal li fɔk.

Daniel 4:19

Daniel, u bi ki yin u ke Beltesasar na, aah ŋun kina na, ijawaan nan chuu u sakpen, le waa ki ŋmaa len tibaa. Le ubɔr bui u ke, “Beltesasar, taa cha ijawaan chuu si, tidaŋ ngbaan pu.” Le Beltesasar gar u ke, “Mpɔɔndaan, m ba ga li gee sakpen ke tidaŋ timina ni taatataa li ye saadim yaan ki taa li ye sin yaan.

Daniel 4:7

Le bibɔɔb, ni binib bimɔk joo inyɔk tun iwaan aatuln na mɔmɔk nan dan, le m nan tuk bi tidaŋ ngbaan, le baa nan ŋmaa kpiir taatataa mɔk mi.

Daniel 4:9

M nan bui u ke: Beltesasar, bibɔɔb aabɔr, m nyi ke Uwumbɔr u bi chain na Aafuur Nyaan bi aa chee, ki nyi ke aa ŋmaa beer iwaan aawan mɔmɔk aatataa. Maadaŋ le bi na. Tuk mi taatataa aah ye pu na.

Daniel 5:10

Le ubɔr aana nan ŋun kifuuk ki ubɔr ni waaninyuum nan faa na pu, le ki koo ni bi chee njim aadiik ngbaan ni, le ki bui ke, “Uwumbɔr tii mpɔɔndaan limɔfal li fɔk na. Taa cha ni li muk si sakpen kina aan aawon yɔl.

Daniel 5:8

Libɔrdichal ni aasusurb ngbaan nan foor mal ni, le kaa ŋmaa karn ŋŋmeen ngbaan, kaa ŋmaa tuk ubɔr mu aatataa mu.

Daniel 6:21

Le Daniel kii ke, “Uwumbɔr tii mpɔɔndaan limɔfal li fɔk na.

Daniel 6:6

Kina pu le bi nan buen ti kan ubɔr ki bui u ke, “Ubɔr Darius, Uwumbɔr tii si limɔfal li fɔk na.

Daniel 6:7

Timi bimɔk lik saanaan na, biyidam, ni butɔb aajab aaninkpiib, ni bi chuun manni bininkpiib bee na, ki di kpee bininkpiib bi gur na kii ke mpɔɔndaan siin nkaal aan ki cha mu li pɔɔ. Siin nkaal ke iwiin piitaa i choo na ponn ni, ubaa taa ki mee liwaal, bee Uwumbɔr ubaa, bee unibɔn ubaa chee tiwan see sin mpɔɔndaan baanja. Unii umɔk yii, ki bii nkaal ngbaan na kan, bi di u mee ŋa ichinn aabuu mu ni ichinn gbii na.

Matiu 21:9

Le binib bi loln u pu nsan na, ni binib bi paa puwɔb na nan bi tar ke, “Hosiana, pakn Ubɔr David Aayaabil man. Uwumbɔr ŋa tinyoor ŋa unii u choo waayimbil ni na pu. Hosiana bi paacham.”

1 Samuel 10:24

Le Samuel bui binib ngbaan ke, “Uja u Uwumbɔr lee u na sɔ. Ubaa aa ki bi ti ponn ni ke uma na.” Le binib ngbaan mɔmɔk teen ke, “Uwumbɔr tii ubɔr na limɔfal li fɔk na.”