Daniel 2:2 - Uwumbɔr aagbaŋ

² le ki tun ke bi yin ni waabɔɔb, ni binib bimɔk joo inyɔk tun iwaan aatuln na ke bi dan ki nan kpiir tidaŋ ngbaan aatataa aah ye pu na tuk u. Baah fuu ni ki nan sil unimbiin ni na,

Daniel 2:2 Iomraidhean Croise

Mpiin 41:8

Le ni woln kichakpiik ni, le tidaŋ ngbaan aabɔr bii usui, naa mɔ u, nima pu le u nan cha bi yin ni bilandam, ni binib bi ŋani lijinjiir aawan na mɔmɔk, le ki bui bi waadaŋ ngbaan aabɔr. Bi ponn ni ubaa mu aa ŋman nabr ti tuk u.

Esta 1:13

Tibɔr timina aaboln yaa nan ti dan kan, see ubɔr baa waaninkpiib bi sur u na, le ki nin ŋa waah ban pu na, kina pu le u nan yin ni bisusurb ngbaan, bima le ga nan bee waah ga ŋa pu na.

Nnyam 7:11

Le ubɔr ngbaan yin ni waalandam ni binyɔkdam, le bi mu di baanyɔk ŋa kina.

Aisaya 19:3

M ban m bii Ijipt yaab aah kpokl pu na ki yɔl bitaakpab la. Bi ga buen ti bui baawaa ke ŋi ter bi, ki ga buen bipɔnijoob ni bitekpiib chee ke bi mɔk bi baah ga ŋa pu na.

Aisaya 8:19

Le binib ga bui nimi ke ni buen bibɔɔb, ni binyɔkdam, ni bipɔnijoob chee ki ti baa bi ke, “Ti ga ŋa kinye?” Bi ga len ke, “Ni ŋan ke binib li buu ibɔɔ ki baa lik bibaa pu.”

Daniel 1:20

Mbaan mubaa aa nan bi ubɔr baa, bee limukl libaa dan, aan binachipɔm binaa ngbaan aa ŋmaa gar. Bi nan nyi tiwan ki jer bibɔɔb, ni binib bi joo inyɔk tun iwaan aatuln ki bi nnaan ngbaan ni na.

Daniel 1:4

Bi nan ye binachipɔm bi ŋan, ki kpa nlan, bi bi mɔk bi tiwan mbamɔm na, aan bi ŋmaa bae tiwan mala mala, kaa kpa iween ibaa na, aan bi li bi ubɔr aadichal ni. Aspenas aatuln le nan ye ke u mɔk bi tiwan aan bi li ŋmaa karni ki ŋmaa ŋmee Babiloŋ yaab aaliin.

Daniel 2:10

Le bisusurb ngbaan ki gar u ke, “Unii ubaa aa bi kitiŋ kee pu ki ga ŋmaa tuk mpɔɔndaan saah ban aa bee tiwan ni na. Ubɔr ubaa aa bi, hali ubɔr u kpa mpɔɔn sakpen na ubaa aa kee tuk waabɔɔb, ni bimɔk joo inyɔk tun iwaan aatuln na kina aabɔr aaboln.

Daniel 2:27

Le Daniel bui ke, “Mpɔɔndaan, unyɔkdaan u joo inyɔk tun iwaan aatuln na ubaa aa bi, ubɔɔ ubaa mu aa bi ki ga ŋmaa tuk si kina.

Daniel 3:8

N‑yoonn mumina le Babiloŋ aanib bibaa nan kan nsan ke bi bii Juu yaab ngbaan.

Daniel 4:3

Uwumbɔr aah joo iwaan aawan ni mɔk timi na nyaŋ a. Waah ŋani lijinjiir aawan ni na kpa mpɔɔn sakpen a. Uwumbɔr ga li ye ubɔr n‑yoonn mɔmɔk; u ga li joo binib n‑yoonn mɔmɔk.

Daniel 4:6

M nan cha bi ti yin ni Babiloŋ aabɔrchiln ni aasusurb mɔmɔk ke bi nan tuk mi tidaŋ ngbaan aatataa aah ye pu na.

Daniel 5:7

Le u teen ke ubaa yin ni bibɔɔb, ni binib bimɔk joo inyɔk tun lituln na ke bi dan. Baah koo ni na, le ubɔr bui bi ke, “Unii u ŋmaa karn ŋŋmeen mue ki tuk mi mu aatataa na kan, bi ga peen u ŋibɔrbɔkul ŋi ŋmal mmam ni nsiin na, ki gbin u salmaa aaleen mu kpa kipak na uneen ni, aan u li ye unii tatar u aaninkpir paa m pu, nnaan mue ni na.”

1 Samuel 6:2

le binib ngbaan yin ni bitotoorb, ni binib bi joo inyɔk tun lituln na, ki nan baa bi ke, “Ti ga ŋa Uwumbɔr Aakaal Aadakaa ngbaan kinye? Ti yaa di u ke ti di giin waah nyan ni nin chee na kan, ti ga di ba kpee u pu ki di u giin?”