Daniel 11:3 - Uwumbɔr aagbaŋ

³ “N‑yoonn ngbaan le ubɔr ubaa ga nyan ni ki ga li kaar ki kpa kipak sakpen. Waanaan ga li wiir pam, le u li ŋani waah gee pu na.

Daniel 11:3 Iomraidhean Croise

Daniel 11:16

Siria aabɔr ngbaan ga ŋa bi waah gee pu na, le ubaa aan ŋmaa sil kiir u. U ga sil Kitiŋ ki Ŋan na ni, ki ga li kpa mpɔɔn ki u kuln ki.

Daniel 11:36

“Siria aabɔr ga li ŋani waah gee pu na la. U ga li kpa kipupuk ke liwaal libaa aa bi ki pii u, ke u kpaan jer Uwumbɔr u kaa kpa ŋeen aatɔ na mu. U ga li ŋani kina ki ti saa buyoonn Uwumbɔr ga daa utafal na. Uwumbɔr aah kpokl ke u ŋa pu na, kina le ga ŋa.

Daniel 4:35

U lik binib bi bi taab na ke baa ye nibaa u chee. Waatuuntiib ni binib bi bi taab do na bi uŋaal ni la. Ubaa aan ŋmaa kpak waageehn bee u baa u waah ŋani tiwan ni na pu.

Daniel 5:19

Waah nan kpa mpɔɔn sakpen pu na, ŋitimbol mɔmɔk, ni ŋinibol mɔmɔk, ni iliin mɔmɔk aanib nan san u ijawaan ki jii unimbiin ni. U yaa nan ban u ku unii u na kan, u ŋani kina la; le u yaa ban unii li kpa limɔfal kan, u cha u bi la. U nan nyuŋni ki jinni binib inimɔɔn waah gee pu na la.

Daniel 7:6

Maah nan si lik kina na, le upeel uken mu ki nyan ni. U nan naahn unaamuun la, le ki tee kpa ifeen inaa upuwɔb. Ifeen ngbaan nan naahn unyoon aafeen la; le u kpa ŋiyil ŋinaa. Le Uwumbɔr tii u ujojoor aapɔɔn.

Daniel 8:21

Uŋoja na mu ye Griis aanaan la, le n‑yiin mu fɔk ki gbei, ki baa unimbil aakaasisik ni na ye mu aabɔr.

Efesusi 1:11

Uwumbɔr aah ŋani tiwan mɔmɔk pu na, u ŋani waageehn, waah dak pu na la. Taah kpaan Kristo ni na, le Uwumbɔr ŋa timi waanib. N‑yaayoonn na, le u nan nyan timi ke ti li ye waanib.

Hiibru Yaab 2:4

Uwumbɔr mu cha bi tun lijinjiir aatun aabɔŋ aabɔŋ, waapɔɔn pu, ki tii bi Waafuur Nyaan aapiin waah gee pu na. Nima le mɔk ke bi len mbamɔn.

Jemisi 1:18

U tii timi waabɔr ti ye mbamɔn na, ki ŋa timi waabim. Waageehn le na. U ban ke ti jer waah naan tiwan ni mɔmɔk na.