Daniel 11:2 - Uwumbɔr aagbaŋ

² Maah ban m bui si pu na ye ibamɔn la.” Uwumbɔr aatuun ngbaan nan ki bui mi ke, “Bibɔrb bitaa ga ki ji nnaan Pesia aatiŋ ni, ki paan tɔb pu, le unanar mu ga paan ni bi pu, uma ga li kpa liwangol ki jer bitaa na. Buyoonn waapɔɔn ni waawangol ngbaan ga ti moo nyaŋ na, le u ga buen ti kpak Griis aanaan.

Daniel 11:2 Iomraidhean Croise

Esra 4:24

Uwumbɔr Aadichal aamaam nan sil, kaa ki cha, ki ti saa Pesia aabɔrkpaan Darius aanaanjil aabileler ni.

Esra 4:7

Pesia aabɔrkpaan Ataksekes mu aayoonn, le Bislam, ni Mitredaf, ni Tabeel, ni biŋeen aatɔtiib, mu ki ŋmee kigbaŋ tii ubɔrkpaan ngbaan. Bi nan ŋmee kigbaŋ ngbaan Aram yaab aaliin ni, le bi ti karni ki ki nabr tii u.

Esta 1:1

Ubɔrkpaan Sekes nan ka waanaan aajal pu Susa aatiŋ ki ye Pesia aatiyil na, le ki lik ŋipepel nkub ni moninko ni ŋilole, ki nyan India aatingbaln ni ki ti saa Kus aatingbaln.

Ŋiyataŋak 22:21

ki ga mɔk si mbamɔn aah sil ye pu na. Le bi yaa tun si ke aa ti joo ni mu kan, aa ga ti joo ni kinyaan.

Daniel 10:1

Sairus aah nan ye Pesia aabɔrkpaan buyoonn na aabitatar ponn ni, le Uwumbɔr nan kpiir tibɔr tee tuk Daniel, u bi ki yin u ke Beltesasar na. Tibɔr ngbaan nan ye tibɔbamɔnn la, le ti mu aatataa nan pɔɔ pam ke unii bee ti. Tidaŋ ponn ni le Uwumbɔr nan kpiir taatataa tuk u.

Daniel 11:25

“U ga di limakl ki ban bijab bi wiir na ke u ti tak Ijipt yaab aabɔr. Le Ijipt yaab aabɔr ngbaan mu ga gor ni bijab bi wiir ki kpa mpɔɔn jer waajab na ke bi to butɔb. Tɔ, bi ga ŋmann Ijipt yaab aabɔr ngbaan, le u lir.

Daniel 7:5

Kipeewanbiik sakpeŋ kiken nan ki nyan ni ki si kitaajal pu. Ki nan kpob isikakpab itaa kimɔb ni, le nneel bui ki ke, “Li ŋmɔ, ŋmɔ tinann saah gee pu na mɔk.”

Daniel 8:21

Uŋoja na mu ye Griis aanaan la, le n‑yiin mu fɔk ki gbei, ki baa unimbil aakaasisik ni na ye mu aabɔr.

Daniel 8:26

Kijook ni kichakpiik ni aatork aadaŋ ti m kpiir taatataa tuk si na ga sil gbiin kina. Aa mu taa tee cha ti nya lipaal dandana wee, ba pu? ni ga yunn pam le ti nin ŋa kina.”

Daniel 8:4

M nan si lik upihja ngbaan aah joo waayiin ngbaan ber toŋ liwilir, ni ŋŋangan, ni ŋŋangii pu na. Le kiwakork kibaa aa nan ŋmaa bui u ke u di cha, bee ki ŋmar waapɔɔn chee. U nan ŋani waah gee pu na ki moo kan mpɔɔn.

Amos 3:7

Tidindaan Uwumbɔr aa ŋani waawan nibaa kaa puen di ni kpiir mɔk waatutum bi ye waabɔnabtiib na.

Jɔnn 10:35

Waah di waaliin ŋa binib bi aaŋaal ni na, u bui ke bi ye waabim.

Tibɔkpiirkaan 21:5

Le Uwumbɔr u ka libɔrjal ngbaan pu na len ke, “Lik, m ŋa tiwan mɔmɔk nipɔnn.” Le u mu bui mi ke, “Ŋmee kina; ba pu? tibɔr timina ye mbamɔn, ki ga sil ŋa kina.”