Daniel 11:12 - Uwumbɔr aagbaŋ

¹² Waah ga nyaŋ bi ki ku baajab sakpen pu na ga cha u kpaln umakdaan; tɔ, waanyaŋ ngbaan mu aan yunn.

Daniel 11:12 Iomraidhean Croise

1 Piita 5:5

Nimi bi kaa por na, ni li keei binib bi kpeln nimi na aamɔb. Ni mɔmɔk li sunni nibaa taab, ki li ter tɔb. Ba pu? Uwumbɔr Aagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”

1 Timoti 3:6

U taa li ye unii u kaa yunn Uwumbɔr aasan ni na. U yaa ye unii u kaa yunn Uwumbɔr aasan ni na kan, nibaakan, u ga li kpa kigaak, ki kan ntafadaan ke kinimbɔŋ na.

Daniel 8:25

Waah kpa beebee aalan pu na, u ga di kina aalan nyaŋ tiwan nimɔk u ŋani na. U ga li kpa kigaak, ki ga ku bii binib pam kaan cha bi li nyi. U ga kpaan fii sil Uwumbɔr u ye bibɔrb mɔmɔk Aayidaan na pu, le waah ga nan doo pu na aan nyan ni unibɔn aapɔɔn ni.

Daniel 5:23

Aa tun Paacham Aadindaan tiwan ni kaa ŋan na, ki yoor tiyikur ni ŋisambil ŋi nyan ni Waadichal ni na; le sin, ni saaninyuum, ni aapuutiib, ni aabɔtiib nyun ndaan tiyikur ni ŋisambil ngbaan ponn ni, ki pak ŋiwaa ŋi bi di salmaa, ni tikunabr, ni tikumann, ni tikur, ni idɔ, ni ŋitakpal naan ŋi na, ŋiwaa ŋi kaa waa, kaa ŋun tibɔr, kaa nyi nibaa na, kaa tee nyuŋni Uwumbɔr u lik ke aa ga li bi, bee aa ga kpo, ki joo tiwan ni mɔmɔk aa ŋani na.

Esekiel 28:17

Aa nan mak saanyaan pu, le saayimbil nan cha aa bi ke ujɔr na. Nimina pu le m nan mee si lii kitiŋ, ki cha si nima, ke aa li ye nsurm ki tii bibɔrb biken.

Esekiel 28:5

Aa nan di nlan ŋa kitiirk aatuln ki kani tinyoor. Aa sil mak saawankpal pu.

Esekiel 28:2

“Unibɔn, tuk Taya aatiŋ aajojoor min Dindaan Uwumbɔr aah tuk u pu na ke: Aa di kigaak puun aabaa kin kin, ki yin aabaa ke liwaal. Aa bui ke aa ka libɔrjal pu ke liwaal na la, le nnyusakpem mann goln si. Aa ga ŋmaa ŋmann ke aa ye liwaal la, tɔ, aa po ye unibɔn le kaa kpa tiwan ni kaa ye unibɔn na aabimbin.

Ŋiyataŋak 16:18

Kipupuk joo ni libiil la, le kigaak joo ni nkun.

2 Bibɔrb Aabɔr 32:25

Le Hesekia aagaak nan nyaŋ u aan waa ŋmaa doon Uwumbɔr waah ŋa pu tii u na, le Juda ni Jerusalem aanib kan kina aatafadaan.

2 Bibɔrb Aabɔr 26:16

Tɔ, Ubɔr Usia aah pɔɔk na, le u gur kpa kipupuk, le ni tur u lii libuul ni. U nan koo Uwumbɔr Aadichal ni ki ti see tulalee aayon, le ki bii Udindaan Uwumbɔr aakaal.

2 Bibɔrb Aabɔr 25:19

Tɔ, Amasia, aa kpa kipupuk ke aa nyaŋ Edom yaab a, tɔ, m ban m sur si ke aa li ka aado suuna. Ba ŋa aa ban tibɔr tii aa ni saanib?”

2 Bibɔrb 14:10

Tɔ, Amasia, aa kpa kipupuk ke aa nyaŋ Edom yaab a. Cha kina aayimbil ŋeer si, aan aa li ka aado. Ba ŋa aa ban aa ban tibɔr tii aa ni saanib?”

Ikaal 8:14

ni li nyi ki taa li kpa kigaak, aan ki suln Nidindaan Uwumbɔr u nan nyan ni nimi Ijipt aatiŋ ni, nin chee ni nan ye binaagbiib na bɔr.

Daniel 11:11

Ijipt aabɔr aaŋuul ga fii pam le u ga ti to Siria aajab butɔb ki nyaŋ bi.

Daniel 11:13

“Siria aabɔr ga gir ti ban bijab bi wiir jer njan yaab na. Le n‑yoonn yaa nan ŋeer kan, u ga di bijab bi wiir, ki kpa tijawan mbamɔm na gir buen.