Daniel 1:7 - Uwumbɔr aagbaŋ

⁷ Ubɔr aaninkpiib aaninkpel ngbaan nan ki tii bi Babiloŋ yaab aayimbil ŋimina: U nan yin Daniel ke Beltesasar, ki yin Hanania ke Sadrak, ki yin Misael ke Mesak, ki yin Asaria ke Abednego.

Daniel 1:7 Iomraidhean Croise

Mpiin 41:45

U nan tii Josef Ijipt yaab aayimbil, ki yin u ke Safenaf Panea, le ki di Potifera u nan ye utotoor ki bi Heliopolis aatiŋ ni na aabisal, u bi yin u ke Asenaf na, di tii Josef, u di ŋa upuu. Josef nan ye ŋibin piitaa le ki piin ubɔr do lituln. U nan nya ubɔrkpaan do lichiln ni, le ki chaa Ijipt aatiŋ aapepel mɔmɔk.

2 Bibɔrb 23:34

Ubɔr Neko nan di Joahas aakpel Eliakim le kaan Juda aanaan, le ki kpeln waayimbil ke Jehoyakim. Ubɔr Neko nan di Joahas buen Ijipt aatiŋ ni, le u ti kpo nima chee.

2 Bibɔrb 24:17

Nebukadnesar nan di Jehoyachinn aatewaa Matania le kaan Juda aabɔr, le ki kpeln u liyimbil ke Sedekia.

Daniel 1:19

Ubɔr nan len bi mɔmɔk chee tibɔr, le Daniel, ni Hanania, ni Misael, ni Asaria nan kan u chee lineen ki jer biken na. Kina pu na, bi nan kpaln ubɔr aachiln ni aanib la.

Daniel 1:3

Ubɔr ngbaan nan cha waaninkpel u bi yin u ke Aspenas na nyan Israel aanaagbiib bi u nan chur na ponn ni binachipɔm bi nyan ni libɔrdichal ni, ni bininyuum do na bibaa.

Daniel 10:1

Sairus aah nan ye Pesia aabɔrkpaan buyoonn na aabitatar ponn ni, le Uwumbɔr nan kpiir tibɔr tee tuk Daniel, u bi ki yin u ke Beltesasar na. Tibɔr ngbaan nan ye tibɔbamɔnn la, le ti mu aatataa nan pɔɔ pam ke unii bee ti. Tidaŋ ponn ni le Uwumbɔr nan kpiir taatataa tuk u.

Daniel 2:26

Le ubɔr baa Daniel u bi ki yin u ke Beltesasar na ke, “Aa ga ŋmaa tuk mi tidaŋ ngbaan, ni taatataa aah ye pu na aa?”

Daniel 2:49

Le Daniel cha u tii Sadrak, ni Mesak, ni Abednego mpɔɔn bi li lik Babiloŋ aapepel aatun mɔmɔk; le Daniel ma tee gaar libɔrchiln ni.

Daniel 4:5

Le m nan daŋ tidaŋ ki kan ijawaan aawan nibaa tidaŋ ngbaan ponn ni buyoonn m dɔ geen na.

Daniel 4:8

Le Daniel koo ni. M nan ki di maawaal aayimbil Beltesasar, le di yin u. Uwumbɔr u bi chain na Aafuur Nyaan bi u chee, le m tuk u maah daŋ pu na.

Daniel 5:12

Waalan ni ichiin nyaŋ sakpen le u ŋmaa kpiir tidaŋ aatataa len, ki nyi ŋiyataŋak aatataa, ki ŋmaa kpiir tiwan ni bɔr na mɔk binib, kina pu na, tun yin ni uja u bi yin u ke Daniel na, u ubɔr nan ki yin u ke Beltesasar na, le u ga nan tuk si tiwan nimina mɔmɔk aatataa.”