Daniel 1:4 - Uwumbɔr aagbaŋ

⁴ Bi nan ye binachipɔm bi ŋan, ki kpa nlan, bi bi mɔk bi tiwan mbamɔm na, aan bi ŋmaa bae tiwan mala mala, kaa kpa iween ibaa na, aan bi li bi ubɔr aadichal ni. Aspenas aatuln le nan ye ke u mɔk bi tiwan aan bi li ŋmaa karni ki ŋmaa ŋmee Babiloŋ yaab aaliin.

Daniel 1:4 Iomraidhean Croise

2 Samuel 14:25

Ubaa aa nan ki bi Israel aanib ni ki kpa kinyaan ke Absalom na. Uwon nibaa chee aa nan bi ki kpa kidaan.

Ŋiyataŋak 22:29

Unii u bi ki tun waatuln mbamɔm na jer binib biken, le ki ga li ye bibɔrb aajɔ.

Ulandaan 7:19

Nlan aah ga ŋmaa tun lituln li na, bitinjoob kipiik aan ŋmaa tun kina.

Aisaya 36:11

Le Eliakim, ni Sebna, ni Joab bui bijab aaninkpel ngbaan ke, “Li len ti chee Aram yaab aaliin ni. Ti ŋun i. Taa len ti chee timi Israel yaab aaliin; binib bi mɔmɔk ka ligoln pu na bi pel la.”

Jeremia 5:15

Israel aanib, Uwumbɔr ban ke dandar aatimbol le dan nan tak nimi. Li ye n‑yaayoonn na aatimbol le ki pɔɔ, le naa nyi laaliin.

Daniel 2:10

Le bisusurb ngbaan ki gar u ke, “Unii ubaa aa bi kitiŋ kee pu ki ga ŋmaa tuk mpɔɔndaan saah ban aa bee tiwan ni na. Ubɔr ubaa aa bi, hali ubɔr u kpa mpɔɔn sakpen na ubaa aa kee tuk waabɔɔb, ni bimɔk joo inyɔk tun iwaan aatuln na kina aabɔr aaboln.

Daniel 2:2

le ki tun ke bi yin ni waabɔɔb, ni binib bimɔk joo inyɔk tun iwaan aatuln na ke bi dan ki nan kpiir tidaŋ ngbaan aatataa aah ye pu na tuk u. Baah fuu ni ki nan sil unimbiin ni na,

Daniel 3:8

N‑yoonn mumina le Babiloŋ aanib bibaa nan kan nsan ke bi bii Juu yaab ngbaan.

Daniel 4:7

Le bibɔɔb, ni binib bimɔk joo inyɔk tun iwaan aatuln na mɔmɔk nan dan, le m nan tuk bi tidaŋ ngbaan, le baa nan ŋmaa kpiir taatataa mɔk mi.

Daniel 5:11

Uja ubaa bi saanaan ni ki kpa Uwumbɔr u bi chain na Aafuur Nyaan u ni. Aate aah nan ye ubɔr pu na, uja ngbaan nan mɔk waalan, ni ichiin ki kpa nlan ke ŋiwaa na. Le Ubɔrkpaan Nebukadnesar nan di u ŋa bibɔɔb, ni binib bimɔk joo inyɔk tun iwaan aatuln na aayidaan.

Daniel 5:7

Le u teen ke ubaa yin ni bibɔɔb, ni binib bimɔk joo inyɔk tun lituln na ke bi dan. Baah koo ni na, le ubɔr bui bi ke, “Unii u ŋmaa karn ŋŋmeen mue ki tuk mi mu aatataa na kan, bi ga peen u ŋibɔrbɔkul ŋi ŋmal mmam ni nsiin na, ki gbin u salmaa aaleen mu kpa kipak na uneen ni, aan u li ye unii tatar u aaninkpir paa m pu, nnaan mue ni na.”

Daniel 9:1

Darius u ye Media aanii, aan ute nan ye Sekes na, nan jin Babiloŋ aanaan.

Sekaria 2:4

Le njan aatuun na bui uŋeen aatɔ na ke, “Li san ki ti bui unachipɔɔn u joo ŋŋmin mu bi joo ŋaŋni tiwan aafɔfɔk na, ke binib ni tiwakor ti ga li bi Jerusalem aatiŋ ni na ga li wiir pam, le Jerusalem aatiŋ ga li wiir ki jer baah ga ŋmaa maa ŋigon gob ki pu na.

Lituln 7:20

N‑yoonn ngbaan le bi ma Moses, u nan ye ubo u ŋan sakpen na la. Le bi kpiin u ute do iŋmal itaa.

Lituln 7:22

Le bi mɔk u Ijipt yaab aalan aabɔŋ aabɔŋ. Le u kpaln unii u nyi tibɔr na, ki tun lituln li kpa liyimbil na.

Efesusi 5:27

ke u di bi tii uma ubaa, bi li bi u chee, ki li ŋan sakpen, ki li bi chain, ki taa li kpa tijɔŋ tibaa, ki taa li kpa taani ubaa.

Bibɔjirb 8:18

Gideonn nan baa Seba ni Salmuna ke, “Naah nan ku bijab bi Tabor aatiŋ ni na nan bi kinye?” Bi nan gar u ke, “Bi nan naahn sin la, bi mɔmɔk nan bi ke ubɔr aajapɔtiib na la.”