Daniel 1:2 - Uwumbɔr aagbaŋ

² Uwumbɔr nan cha u nyaŋ Ubɔrkpaan Jehoyakim ki chuu u ki gaa Uwumbɔr Aadichal aawangol libaa ki di bi buen waawaa aadiik, Babiloŋ aatiŋ ni, ki di Uwumbɔr Aadichal aawan ngbaan di bil waawaa aawangol aadiik ni.

Daniel 1:2 Iomraidhean Croise

Mpiin 10:10

Njan, waah nan jin nnaan ntim mu ponn ni na le nan ye Babiloŋ, ni Erek, ni Akad; ntim mutaa ngbaan mɔmɔk nan ye Babiloŋ aatim la.

Mpiin 11:2

Baah nan chuun liwipuul wɔb na, bi nan ti fuu kitiŋ ki kaa kpa ŋigongon na ni, Babiloŋ aatiŋ ni, le ki kal nima chee.

2 Bibɔrb 24:1

Jehoyakim aah nan ye ubɔr na, le Babiloŋ aatiŋ aabɔr Nebukadnesar nan koo ni Juda aatiŋ ni, le ki muk Jehoyakim u bi u taab ki ti saa ŋibin ŋitaa; nee aapuwɔb le u nyan upuwɔb.

2 Bibɔrb Aabɔr 36:5

Jehoyakim nan ye ŋibin moninko ni ŋiŋmu aanii le ki jin Juda aanaan, le ki koo Jerusalem ni, ki joo kitiŋ ki ti saa ŋibin kipiik ni libaa. U nan tun Udindaan Uwumbɔr titunwanbir.

2 Bibɔrb Aabɔr 36:7

Nebukadnesar nan yoor Uwumbɔr Aadichal ni aawangol libaa ki di buen waabɔrdichal ni, Babiloŋ aatiŋ ni.

Esra 1:7

Ubɔr Sairus nan giin ŋisambil ni tiyir ti Ubɔr Nebukadnesar nan yoor Uwumbɔr Aadichal, ni Jerusalem ponn ni, ki nan di siin waawaa aadir ni na, tii bi.

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 42:24

Ŋma nan di Israel aanib tii binib bi gaa baawan mpɔɔn na? Uwumbɔr ubaa, u ti tun u titunwanbir na, le nan ŋa kina. Taa bi ke waah nan ban ke ti li bi pu na, kaa dii ikaal i u tii timi na.

Jeremia 25:1

Juda aabɔr Jehoyakim, u aate nan ye Josia na, aanaan aabinanar ni, le Uwumbɔr nan di Juda aanib mɔmɔk aabɔr tee tuk mi. Babiloŋ aabɔr Nebukadnesar aanaan ni aajan aabiln ni le na.

Jeremia 27:16

Le m tuk bitotoorb ngbaan ni binib ngbaan Uwumbɔr aah len pu na ke, “Taa ŋun bibɔnabr bi len ke Maadichal ni aawangol ga ki nyan Babiloŋ ni ki gir ni dandana na aabɔr. Bi geei nimi inyamɔn la.

Jeremia 28:3

Joo cha ni ŋibin ŋilee na, m ga giin ni Maadichal ni aawangol li Babiloŋ Aabɔr Nebukadnesar nan yoor di buen na.

Jeremia 35:11

Le Ubɔr Nebukadnesar aah nan di waajab koo kitiŋ ngbaan ni na, ti nan bui ke ti ga dan Jerusalem ni do ki nya Babiloŋ ni Siria aajab ni. Nima pu le ti koo Jerusalem ponn ni do.”

Jeremia 50:2

“Bui ŋitimbol tibɔchann ngbaan. Moon ti. Tii limɔkl ki moon tibɔchann ngbaan. Taa di ti bɔr. Babiloŋ lir a. Kaawaal li bi yin li ke Maduk na wii yuk yuk a. Babiloŋ aawaa jin inimɔɔn a, kaawaa ŋi sukr ponn ni na wiil a.

Jeremia 51:44

M ga daa Babiloŋ aawaal Bel aatafal, ki cha li giin laah sun tiwan ni na mɔmɔk; ŋitimbol aan ki li dooni li.

Daniel 5:13

Libuul ngbaan ni le bi nan ti joo ni Daniel ubɔr aanimbiin ni, le ubɔr baa u ke, “Sin le ye Daniel, unaagbiija u nte ubɔr nan joo ni si ki nyan ni Juda aatiŋ ni na aa?

Daniel 5:18

“Uwumbɔr u kaa kpa ŋeen aatɔ na nan ŋa aate Nebukadnesar ubɔrkpaan, ki tii u liyimbil ni mpɔɔn.

Habakuk 1:16

Bi kpaan dooni baapɔr ngbaan le ki toor kitork tii ti; ba pu? tima le tii bi baah ban tiwanyaan ni mɔmɔk na.

Sekaria 5:11

Le u gar mi ke, “Bi joo ki cha Babiloŋ aatiŋ ni la, nima chee le bi ga ti maa kiwaadiik tii ki. Bi yaa maa kiwaadiik ngbaan doo kan, bi ga di kibɔɔkuuk ngbaan di siin nima, le binib ga li dooni ki.”

Ikaal 32:30

Ba ŋa unibaan nan ŋmaa nyaŋ bi binib lichur, aan binib bilee ŋmaa nyaŋ bi binib ŋichur kipiik? Bidindaan Uwumbɔr le nan yii bi, Baawumbɔr u ye Mpɔɔnsakpiindaan na le nan di bi tii baadim.

Bibɔjirb 2:14

Kina pu le Uwumbɔr aaŋuul nan fii Israel yaab pu sakpen, le u cha bijab gur looni bi ki su baawan. U nan cha bidim bi mɔmɔk mann goln bi ki ti ton na nyaŋ bi, le Israel yaab aa nan ki ŋmaa kiir bibaa.

Bibɔjirb 3:8

Uwumbɔr aaŋuul nan fii Israel yaab pu, le u cha Mesopotamia aabɔr, u bi nan yin u ke Kusann Risatayim na, nyaŋ bi, le ki joo bi, ki ti saa ŋibin ŋiniin.

Bibɔjirb 4:2

Kina pu le Uwumbɔr nan cha Kanaann Aabɔr Jabinn u nan bi Hasor aatiŋ ni na nyaŋ bi. Waajab aaninkpel le nan ye Sisera u nan koo Harosef Hagoyim aatiŋ ni na.

1 Samuel 5:2

ki di u buen baawaal Dagonn aadiik ponn ni, ki di u siin gbaŋ liwaal ngbaan.