Daniel 1:1 - Uwumbɔr aagbaŋ

¹ Jehoyakim aah nan ye ubɔrkpaan Juda aatiŋ pu na aabitatar ni, le Babiloŋ Aabɔrkpaan Nebukadnesar nan ti tak Jerusalem ki gob kitiŋ ngbaan.

Daniel 1:1 Iomraidhean Croise

2 Bibɔrb 23:36

Jehoyakim nan ye ŋibin moninko ni ŋiŋmu aanii le ki jin Juda aanaan, le ki bi Jerusalem aatiŋ ni ki joo waanib ki ti saa ŋibin kipiik ni libaa. Una le nan ye Ruma aatiŋ aanii Pedaya aabisal Sebida.

2 Bibɔrb 24:13

le ki yoor Uwumbɔr Aadichal ni, ni libɔrdichal ni aawangol buen Babiloŋ aatiŋ ni. Uwumbɔr aah nan puen len pu na, Nebukadnesar nan wiil salmaa aawan ni mɔmɔk Ubɔr Solomonn nan ŋa ke bi li joo tun Uwumbɔr Aadichal ni lituln na.

Aisaya 39:7

Bi ga nan yoor sin aabaa aayaabitiib bibaa di buen Babiloŋ aatiŋ ni, aan ki ti lee bi, aan bi li tun lituln ubɔrkpaan ngbaan aadichal ni.’”

Jeremia 25:1

Juda aabɔr Jehoyakim, u aate nan ye Josia na, aanaan aabinanar ni, le Uwumbɔr nan di Juda aanib mɔmɔk aabɔr tee tuk mi. Babiloŋ aabɔr Nebukadnesar aanaan ni aajan aabiln ni le na.

Jeremia 35:1

Josia aajapɔɔn Jehoyakim aah nan ye Juda aabɔr na, le Uwumbɔr nan bui mi ke,

Jeremia 35:11

Le Ubɔr Nebukadnesar aah nan di waajab koo kitiŋ ngbaan ni na, ti nan bui ke ti ga dan Jerusalem ni do ki nya Babiloŋ ni Siria aajab ni. Nima pu le ti koo Jerusalem ponn ni do.”

Jeremia 36:1

Josia aajapɔɔn Jehoyakim aah nan ye Juda aabɔr pu na aabinanar ponn ni, le Uwumbɔr nan bui mi ke,

Jeremia 45:1

Josia aajapɔɔn Jehoyakim aah nan ye Juda aabɔr pu na aabinanar ponn ni, le Baruk nan ŋmee maah nan ŋeer tibɔr ti tuk u na bil.

Jeremia 50:1

Uwumbɔr aah nan di Babiloŋ aatiŋ ni kaanib aabɔr ti tuk mi na sɔ:

Jeremia 52:12

Ubɔr Nebukadnesar aah nan ye Babiloŋ aabɔr pu na aabin kipiik ni liwawaer aaŋmaŋmu aawiin kipiik daal, le waasusur Nebusaradann, u nan ki ye waajab aayidaan na, nan koo Jerusalem aatiŋ ni.

Jeremia 52:28

Nebukadnesar aah nan chur binib bi tinaagbiir na aakahm sɔ: Waanaan yoonn aabilolole ni, u nan chur binib ŋichur ŋitaa ni moninko ni bitaa la,

Daniel 5:13

Libuul ngbaan ni le bi nan ti joo ni Daniel ubɔr aanimbiin ni, le ubɔr baa u ke, “Sin le ye Daniel, unaagbiija u nte ubɔr nan joo ni si ki nyan ni Juda aatiŋ ni na aa?