2 Samuel 1:3 - Uwumbɔr aagbaŋ

³ Le David baa u ke, “Aa nyan ni la chee?” Le u gar u ke, “M nyan ni Israel aajab ni, le ki san ŋmar ni.”

2 Samuel 1:3 Iomraidhean Croise

2 Samuel 1:2

Wintaa daal le unachipɔɔn ubaa nyan ni Sɔɔl aajab ni ki fuu ni. U nan dar kar waawanpeenkaan, ki di titan puŋ uyil pu, ke u mɔk usui aah bii pu na. U nan buen David chee, le ki ti gbaan ke u mɔk waapak.

2 Samuel 1:4

Le David bui u ke, “Bui mi tiwan ni ŋa na.” Le u bui u ke, “Timi aajab san butɔb ngbaan ni, le bi ku timi aajab pam. Bi ku Sɔɔl ni ujapɔɔn Jonatann mu.”

2 Bibɔrb 5:25

U nan gir koo lichiln ni, le Elaisa baa u ke, “Aa nyan ni la chee?” Le u gar u ke, “Uninkpel, maa buen nibaa.”

1 Samuel 30:13

David nan baa u ke, “Saaninkpel ye ŋma? Aa nyan ni la chee?” Le unachipɔɔn ngbaan bui u ke, “M ye Ijipt aanii la, ki ye Amalek aaninkpel ubaa aanaagbiija. Iwiin itaa i jer na le maaninkpel nan buen cha mi; ba pu? m nan bun la.