1 Samuel 5:3 - Uwumbɔr aagbaŋ

³ Naah woln kichakpinaanyeek ni na, le Asdod aanib kan ke liwaal Dagonn li nan si na lir chiŋ, ki dɔ kitiŋ, Uwumbɔr Aakaal Aadakaa aanimbiin ni. Le bi fiin li siin laabuul ni.

1 Samuel 5:3 Iomraidhean Croise

1 Bibɔrb 18:26

Bi nan chuu unaaja u bi di tii bi na, ki toor u, le ki mee liwaal Baal nwiin ti kal sisik ni. Bi nan tar ke, “Liwaal Baal, kii timi aameel,” le ki waa liwaal mann kitork aabimbiln li bi maa siin na. Le nibaa aa ŋa.

Ilahn 115:7

Ŋi kpa iŋaal, kaa tee ŋmaa chur tiwan, ki kpa ŋitaa, kaa tee ŋmaa chuun; ŋaan ŋmaa faa kifuuk.

Ilahn 97:7

Unii umɔk dooni ŋiwaa na jin inimɔɔn a; ŋiwaa mɔmɔk gbaani Uwumbɔr aanimbiin ni la.

Nnyam 12:12

“Kinyeek ngbaan le m ga chuun Ijipt aatiŋ ni, ki ku njan aabijabim mɔmɔk, binib ni tiwakor mɔmɔk, ki daa Ijipt yaab aawaa aatafal. Min le ye Uwumbɔr.

Aisaya 19:1

Ijipt aatiŋ aabɔr sɔ. Uwumbɔr ka ntaalangbam pu ki choo Ijipt aatiŋ ni. Ijipt yaab aawaa aawon gbaa la. Ijipt aanib aataakpab yɔl a.

Aisaya 40:20

Uja u kaa kpa salmaa bee tikunabr na ga di busub bu kaan dur na naan li, le ki ban ukpikpiir u nyi sakpen na, le u kpii u liwaal li ga ŋmaa sil, kaan lir na.

Aisaya 41:7

Biwankpiib pak bichaab ke, ‘Ni pɔɔn nibaa.’ Uja u naan liwaal na pɔɔni unii u ga buu li na aataakpab la. Bi ga len ke, ‘Saah buu pu na ŋan,’ le bi di litaln poo li pu mbamɔm.

Aisaya 46:7

Bi ga yoor li ki di buŋ bibɔgbin pu, ki ti di li siin, le li si nima, kaan ŋmaa chuun buen nibaa chee. Unii yaa mee li kan, laan ŋmaa kii, kaan ŋmaa nyan u tibɔbir ni.

Jeremia 10:8

Bi mɔmɔk jɔr le ki ye bilatiirb. Baan ŋmaa bae nibaa ŋiwaa chee, ŋi ye ŋisugen la.

Sefania 2:11

Uwumbɔr ga cha ijawaan chuu bi. U ga cha kitiŋ kee pu aawaa taa ki li ye nibaa, le ŋitimbol mɔmɔk aanib li gur dooni u baatim ni.

Tibɔnyaan ti Mak ŋmee ti na 3:11

Tiyayaar ti joo binib na aah kan u na, le ti cha bi gbaan unimbiin ni, le ki teen ke, “Aa ye Uwumbɔr Aajapɔɔn la.”

1 Samuel 6:1

Uwumbɔr Aakaal Aadakaa aah nan bi Filistia yaab aatiŋ ponn ni ki ti saa iŋmal ilole aapuwɔb na,

1 Samuel 6:5

Ni di salmaa naan ŋichakpelar ngbaan, ni ŋisayik ŋi bii nimi aatiŋ aajikaar na, ki di bunyuŋ tii Israel yaab Aawumbɔr. Nibaakan u ga di cha, kaan ki daa nimi, ni nimi aawaa aatafal, kaan ki bii nimi aatiŋ.