1 Samuel 2:2 - Uwumbɔr aagbaŋ

² Ubaa aa bi chain ke Uwumbɔr na; ubaa aa bi ke uma na, ukikiir ubaa aa bi ke timi Aawumbɔr na.

1 Samuel 2:2 Iomraidhean Croise

2 Samuel 22:3

Maawumbɔr le ye u kii mi na, le m yaa bi u chee kan, m ŋmar. U kii mi ke kijaak aapeln na la; u kii mi, le m bi ŋŋmarm ni. Uma le ye u gaal mi lir na, u kii mi, le tiwanbir aa piir mi.

2 Samuel 22:32

Uwumbɔr baanja le ye Tidindaan; Uwumbɔr baanja le ye u kii timi na.

2 Samuel 7:22

Ndindaan Uwumbɔr, saapɔɔn nyaŋ sakpen. Ubaa aa ki bi ke sin na, ti puun nyi n‑yoonn mɔmɔk ke sin baanja le ye Uwumbɔr.

1 Bibɔrb 8:23

le ki mee limeel ke, “Israel yaab Aadindaan Uwumbɔr, ubaa aa bi paacham, ni kitiŋ mɔmɔk pu ke sin na. Saanib yaa di bisui mɔmɔk kii tii si kan, le aa joo saah nan puu tipuur ti tii bi na, le ki mɔk bi saageehm.

Ilahn 111:9

U gaa waanib lii ki puu tipuur ti kaa kpa ndoon na tii bi. U bi chain le ki kpa mpɔɔn.

Ilahn 18:2

Uwumbɔr le ye maakikiir; uma le ye maadiik ki pɔɔ na. Maawumbɔr le ye u kii mi na, le m yaa bi u chee kan, m ŋmar. U kii mi ke kijaak aapeln na la; u kii mi le m bi ŋŋmarm ni.

Ilahn 18:31

Uwumbɔr baanja le ye Uwumbɔr; Uwumbɔr baanja le ye u kii timi na.

Ilahn 71:19

Uwumbɔr, saabimbinyaan fuur kitaapaak, aa tun ŋitun ŋi nyaŋ na, ubaa aa bi ke si na.

Ilahn 71:3

Li ye maakikiir u m mak u pu na, ki li bi ke kitiŋ ki bi maa ŋigon gob ki na, ki li kii mi; sin chee le m ga ŋmaa bɔr aan aa li kii mi.

Ilahn 73:25

M ki kpa ba paacham kaa ye sin? Maah kpa sin na, maa ki ban nibaa kitiŋ do.

Ilahn 86:8

Uwumbɔr, liwaal libaa aa bi ke sin na, ubaa aa kee ŋa tiwan ni aa ŋa na.

Ilahn 89:6

Uwumbɔr, ubaa aa bi paacham ki bi ke sin na; paacham yaab ubaa aaŋeen aatɔ aa ye si.

Ilahn 89:8

Tidindaan Uwumbɔr, Mpɔɔnsakpiindaan, ubaa aa bi ki kpa mpɔɔn ke sin na; Uwumbɔr, aa ŋani saah puu pu na mɔmɔk la.

Ilahn 99:3

Unii mɔmɔk ga pak waayimbikpaan li kpa ijawaan na. U bi chain la.

Ilahn 99:5

Pak Tidindaan Uwumbɔr man; li dooni u man waabɔrjal taab. U bi chain la.

Ilahn 99:9

Pak Tidindaan Uwumbɔr man, li dooni u waagongoln li bi chain na pu man. Tidindaan Uwumbɔr bi chain la.

Nnyam 15:11

Uwumbɔr, lilawaal bi ke si na? Ŋma bi ke si na, aan saabimbin bi chain kina? Ŋma ba tee bi ki tun lijinjiir, ni ŋitun sakpiin ke saah tun pu na?

Aisaya 40:18

Ti ga di Uwumbɔr ŋaŋ ŋma? Aa ga ŋa kinye ki mɔk waah bi pu na?

Aisaya 44:6

Uwumbɔr u joo ki kii Israel yaab na, Uwumbɔr Mpɔɔnsakpiindaan kpa tibɔr tee u len ke: “Min le ye mpiin ngbaan ni ndoon ngbaan, min baanja le ye Uwumbɔr; Uwumbɔr uken aa ki bi ki kpee m pu.

Aisaya 44:8

Maanib, taa san ijawaan man; ki nyan n‑yaajayoonn ki nan saa dandana wee na, m nan puun len tiwan ni ga ŋa na, le nimi le ye maaseeraadam. Uwumbɔr uken ki bi ii? Uwumbɔr uken ki bi ki pɔɔ sakpen aan maa kee ŋun u pu uu?”

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 6:3

Ni nan wii ki yin tɔb ki len ke: “Chain, chain, chain, Uwumbɔr Mpɔɔnsakpiindaan bi chain. Waapak gbiin dulnyaa mɔmɔk.”

Jeremia 10:6

Uwumbɔr, ubaa aa bi ke sin na; saapɔɔn nyaŋ sakpen a, le saayimbil nyuun ki kpa mpɔɔn.

Liifai Yaab 11:44

Min le ye Nidindaan Uwumbɔr, le ni ŋan ke ni li joo nibaa chain, ba pu? m bi chain la.

Liifai Yaab 11:45

Min le ye Uwumbɔr u nyan ni nimi Ijipt aatiŋ ni ke m li ye nimi Aawumbɔr na. Ni li bi chain, ba pu? m bi chain la.

Liifai Yaab 19:2

ke u tuk Israel yaab ke, “Ni li bi chain, ba pu? min Nidindaan Uwumbɔr bi chain la.

Rom Yaab 15:4

Tiwan nimɔk ŋmee Uwumbɔr Aagbaŋ ponn ni na, ni ŋmee ke ti bae ni la. Waagbaŋ pɔɔni timi aataakpab, ki ter timi ti li kpa limɔr, ki tii timi limakl.

Rom Yaab 4:8

Binib bi Uwumbɔr aan len ke baabɔr bii na, bima le kpa mpopiin.”

Ikaal 3:24

‘Ndindaan Uwumbɔr, m nyi ke aa piin ki mɔk mi saah ga ŋa tiwan sakpenn, ni iwaan aawan ni aa ban ke aa ŋa na. Liwaal libaa aa bi paacham, bee kitiŋ pu, ki ga ŋmaa ŋa tiwan sakpenn nimɔk aa ŋa na.

Ikaal 32:20

le ki bui ke, ‘Maan ki ter bi kpala, ki lik tiwan ni ga ŋa bi na.’ Bi ye binib bi aasui pɔɔ, kaa ban bi sil mbamɔm na la.

Ikaal 32:39

Min baanja le ye Uwumbɔr, ubaa aa ki bi; ŋiwaa ye nnyamɔn aawan la. Min le ga ku unii, min le ga tii unii limɔfal, min le tii unii iween, min le sɔŋni unii aaween, le ubaa aan ŋmaa kpak mi maatuln ni.

Ikaal 32:4

Uwumbɔr u ye mpɔɔnsakpiindaan na le ye saakikiir, u bi chob, ki ŋani waawan mɔmɔk mbamɔm. U ŋani ni ŋan na, kaa kpa imaagann.

Ikaal 4:35

Uwumbɔr ubaa le mɔk nimi kina, ke u kpiir mɔk nimi ke uma Uwumbɔr baan baanja le bi, ubaa aa ki bi ki kpee u pu.

Ikaal 4:39

Nima pu na, teer din wee man, ki taa suln kpala ke Uwumbɔr le ye Uwumbɔr u joo paacham ni kitiŋ kee na. Uwumbɔr uken aa ki bi.

1 Piita 1:16

Ni ŋmee Uwumbɔr Aagbaŋ ni ke Uwumbɔr bui nimi, “Min Uwumbɔr bi chain la; nima pu na, ni mu li bi chain man.”