1 Samuel 10:3 - Uwumbɔr aagbaŋ

³ Aa yaa nyan nima chee kan, aa ga di ti saa Tabor aasusakpem bubaa chee, le ki ki kan bijab bitaa bibaa bi cha Betel ke bi ti toor kitork tii Uwumbɔr. Bi ponn ni ubaa ga li dar iŋoob i laa diin na itaa, le uken mu ga li tu ŋiboroboro kpin ŋitaa, le utatar na tu ŋisubil aadaan aadabuul.

1 Samuel 10:3 Iomraidhean Croise

Mpiin 28:19

le ki yin nima chee ke Betel. Bi nan yin kitiŋ ngbaan n‑yoonn mubaa ke Lus.

Mpiin 28:22

Litakpal li m di ŋum do ke m li joo teer saabɔr na ga li ye nin chee m ga li dooni si na, le saah ga tii mi tiwan ni na mɔmɔk, m ga nyan nibaabaa kipiik mɔk ponn ni ki giin tii si.”

Mpiin 35:1

Uwumbɔr nan bui Jakob ke, “Li cha Betel aatiŋ ni, ki ti li bi nima. Aa maa kitork aabimbiln nima chee ki tii mi Uwumbɔr u nan dan aa chee buyoonn aa nan san aakpel Esɔ chee na.”

Mpiin 35:3

Ti ga nya do ki buen Betel aatiŋ ni, nin chee m ga ti maa libimbiln ki toor kitork tii Uwumbɔr u ter mi maamukl mɔmɔk ponn ni, ki bi m chee ni kookoo na.”

Ilahn 89:12

Sin le naan ŋŋangan ni ŋŋangii; Tabor Aajool ni Hemonn Aajool gaa mpopiin aalahn aa pu.

Jeremia 32:8

Tɔ, Uwumbɔr aah sil len pu na, Hanamel nan dan m chee libɔrchiln ni nima, ki nan bui mi ke m daa nkpaakon ngbaan. Le m bee ke Uwumbɔr sil len m chee tibɔr.

Liifai Yaab 1:10

Ni yaa ye waapiih, bee waaŋoob ponn ni le u ban u di ubaa toor kan, u nyan kijak ki li ŋan.

Liifai Yaab 23:13

Ni ban n‑yon kuruwaa bilee, ki di olif aakpan ŋmal mu ni, ki di kpee upihjabo ngbaan pu, ki toor tijikaar aapiin aatork. Kitork kina aaboln nu mɔ Uwumbɔr chee. Ni ki ban ŋisubil aadaan kpalba ubaa ki kpee kitork ngbaan pu.

Liifai Yaab 3:12

U yaa ban u di uŋoob le toor kan,

Liifai Yaab 3:6

U yaa ban u di upiih, bee uŋoob le toor kimɔbaan aatoor kan, u cha ki li ye kijak, bee kisal ki ŋan na.

Liifai Yaab 7:13

U ki ban boroboro u bi di boroboro aanyɔk ŋmal waayon ponn ni na ki di kpee.

Josua 19:12

Sarid aapepel liken na, ki yoor kina ki di buen liwipuul ki ti ker Kislof Tabor aatiŋ aanaanmɔk, le ki yoor nima ti ker Daberaf, ki ti saa Jafia,

Josua 19:22

Baatiŋ aanaanmɔk nan ki di ti pii Tabor, ni Sahasuma, ni Bef Semes, le ki di ti doo Jɔɔdann Aamɔɔl mɔk. Mu nan kpaan ntim kipiik ni muloob la, le ki kpee itingbaan i bi gbɔk mu na.

Bibɔjirb 20:18

Israel yaab nan buen baah dooni Uwumbɔr nin chee na Betel aatiŋ ni. Nima chee le bi ti baa Uwumbɔr ke, “Lilanibol ga puen tak Benjaminn aanibol?” Uwumbɔr nan gar bi ke, “Juda aanibol le ga puen tak.”

Bibɔjirb 20:27

N‑yaayoonn ngbaan Uwumbɔr Aakaal Aadakaa nan laa bi Betel aatiŋ ni nima chee, le Eleasar aajapɔɔn Fineas u aayaaja ye Aaronn na, nan lik u. Binib ngbaan nan baa Uwumbɔr ke, “Ti ki gir ti faa tinaabitiib Benjaminn yaab butɔb aan ti di cha?” Uwumbɔr nan gar bi ke, “Ti jan man. M ga fe tii nimi linyaŋ bi pu fen.”

Bibɔjirb 4:12

Sisera aah ŋun ke Barak bi Tabor Aajool pu na,

Bibɔjirb 4:6

Daalbaadaal le u tun ti yin ni Abinoam aajapɔɔn Barak u nan bi Kedes aatiŋ ki bi Naftali aanibol aatiŋ ni na, le ki nan bui u ke, “Uwumbɔr, u ye Israel yaab Aadindaan na, le di tibɔr tee tuk si ke: ‘Nyan butɔb aajab ŋichur kipiik, Naftali, ni Sebulunn aanibol ponn ni, ki di bi buen Tabor Aajool pu.

Bibɔjirb 8:18

Gideonn nan baa Seba ni Salmuna ke, “Naah nan ku bijab bi Tabor aatiŋ ni na nan bi kinye?” Bi nan gar u ke, “Bi nan naahn sin la, bi mɔmɔk nan bi ke ubɔr aajapɔtiib na la.”

1 Samuel 10:4

Bi ga doon si, le ki nyan ŋiboroboro kpin ŋilee tii si, le aa gaa.