1 Samuel 1:2 - Uwumbɔr aagbaŋ

² Elkana nan kpa bipiib bilee la, bi nan yin ubaa ke Hana, ki yin uken ke Penina. Penina nan kpa bibilb, le Hana ma aa nan kpa ubaa.

1 Samuel 1:2 Iomraidhean Croise

Mpiin 11:30

Sarai nan ye upiiŋoob la.

Mpiin 25:21

Rebeka aah nan bi ki yunn kaa ma pu na, le uchal Aisak nan mee Uwumbɔr tii u. Le Uwumbɔr nan ŋun waameel ngbaan ki cha Rebeka dek lipuul.

Mpiin 29:31

Uwumbɔr aah nan kan ke Jakob gee Rachel ki jer Lea na, le u nan cha Lea pue ma mbim, le Rachel nan chuun kaa maa.

Mpiin 4:19

Lamek nan kpa bipiib bilee, bi nan yin ubaa ke Ada, ki yin uken na ke Sila.

Mpiin 4:23

N‑yoonn mubaa le Lamek bui upuutiib ke, “Sin Ada ni Sila, li pel maah len pu na man, unachipɔɔn ubaa faa mi, le m ku u.

Matiu 19:8

Le Yesu bui bi, “Nitafal aah pɔɔ pu na, nima le cha Moses tii nimi nsan ke ni jenn nipuutiib. N‑yoonn mu Uwumbɔr nan naan tiwan mɔmɔk ki nan saa dandana wee na, waa tii bi nsan kina.

Tibɔnyaan ti Luk ŋmee ti na 1:7

Baa nan kpa ubo. Elisabef nan ye upiiŋoob la. Bi mɔmɔk mu nan por la.

Tibɔnyaan ti Luk ŋmee ti na 2:36

Le upininkpel ubaa, u ye Uwumbɔr aabɔnabpii, aan bi yin u ke Ana na, mu nan bi. U nan ye Fanuel aabisal, ki ye Aser aanibol ponn ni aanii ubaa la. U nan por sakpen a. U nan bi uchal chee ŋibin ŋilole, le uchal kpo cha u, le u ye ukpopii.

Bibɔjirb 13:2

N‑yoonn ngbaan le Sora aatiŋ ni aaja ubaa nan bi, le bi yin u ke Manoa. U nan ye Dann aanibol ni aanii la. Upuu aa nan ŋmaa maa ubo.

Bibɔjirb 8:30

Waah nan kpa bipiib sakpen pu na, u nan kpa japɔtiib imonko itaa ni kipiik la.