1 Jɔnn 1:5 - Uwumbɔr aagbaŋ

⁵ Ti nan ŋun tibɔr timina Yesu chee la, le ki tuk nimi. Tibɔr ngbaan le ye ke Uwumbɔr ye nwiihn la. Mbɔmbɔɔn mubaa aa bi u chee.

UWONBƆR A GBƆNPƆŊ LIKƆƆNL

⁵ Tibɔr tan wee ti gbir u ban sɔ, le ti bei ni nan: Uwonbɔr ween le; libunbɔnl kaa be U ban kolibi.

1 Jɔnn 1:5 Iomraidhean Croise

Ilahn 139:12

le mbɔmbɔɔn aa bɔɔn aa chee, kinyeek wiin chain ke nwiin pu na aa chee. Mbɔmbɔɔn ni nwiihn ye tiwanbaan le aa chee.

Ilahn 27:1

Uwumbɔr le ye maawiihn, uma le gaal mi lir; Maan san ubaa ijawaan. Uwumbɔr kii mi le ki nyani mi linimaln mɔmɔk ni; maan li san ijawaan kpala.

Ilahn 36:9

Sin chee le limɔfal mɔmɔk nya ni, le saawiihn cha ti waa nwiihn.

Ilahn 84:11

Tidindaan Uwumbɔr le ye timi aakikiir, ni timi aabɔr u kpa kipak sakpen na, u ŋani timi tiŋann ki tii timi bunyuŋ. Binib bi aabimbin ŋan na, waa cha bi lanni tiwanyaan nibaa.

Aisaya 2:5

Nimi Jakob aayaabitiib, cha ti li gur chuun man nwiihn mu Uwumbɔr di tii timi na ni.

Aisaya 60:19

Nwiin aan ki li ye nimi aawiihn nwiin pu, le uŋmal mu aan ki li ye nimi aawiihn kinyeek; min Uwumbɔr le ga li ye nimi aawiihn mu kaan junn na, maanyuŋ aawiihn le ga li wiin ni pu.

Daniel 2:22

U kpiir tiwan ni bɔr ki nyoo na; u nyi nimɔk bɔr mbɔmbɔɔn ni na; le nwiihn mann goln uma ubaa.

Jɔnn 1:19

Juu yaab bi nan bi Jerusalem aatiŋ ni na nan tun ni Uwumbɔr aatotoorb ni Liifai yaab Jɔnn chee ke bi ti baa u, “Aa ye ŋma?”

Jɔnn 1:4

Uma le ye umɔfadaan. Limɔfal ngbaan tii binib nwiihn mu woln binimbil na.

Jɔnn 1:9

Nwiihn ngbaan le ye nwiihn bamɔnn, le ki dan dulnyaa wee ni ki nan woln binib mɔmɔk aanimbil.

Jɔnn 8:12

Yesu nan ki len kinipaak ngbaan chee ki bui bi, “Min le ye dulnyaa ni aawiihn ki wolni binib aanimbil. Unii umɔk dii mi na aan li bi mbɔmbɔɔn ni. U ga li kpa limɔfal, ki ga li bi nwiihn ni.”

Jɔnn 9:5

Maah laa bi dulnyaa ni na, m ye dulnyaa ni aawiihn ki wolni binib aanimbil la.”

1 Korenti 11:23

Tidindaan le nan tuk mi, le m mu tuk nimi kina, ke kinyeek ki Judas nan kooh u na, kinyeek ngbaan le Tidindaan Yesu nan yoor boroboro

1 Timoti 6:16

Uma baanja le ye limɔfal li kaa kpa ndoon na Aadindaan. U bi nwiihn ni la. Ubaa aan ŋmaa duun mu ni. Ubaa aanimbil aa kee kan u. Ubaa mu aan ŋmaa kan u. Cha binib mɔmɔk nyuŋ u, ki kii waamɔb n‑yoonn mu kaa kpa ndoon na. Amii.

Jemisi 1:17

Ipiin imɔk ŋan ki ye mbamɔm na nyan ni paacham la. I nyan ni Tite Uwumbɔr u nan naan iwiihn imɔk bi paacham na chee la. Uma le aa kpelni ke nwiin ni uŋmal aah kpelni pu na, kaa kpa mbɔmbɔɔn.

1 Jɔnn 3:11

Naah nan piin ki dii Yesu aasan ki di nan saa din na, naah ŋun tibɔr ti na le ye ke, “Cha ti li gee tɔb.”

Tibɔkpiirkaan 21:23

Kitiŋ ngbaan aa ban nwiin ni uŋmal li wiin ki ponn ni; ba pu? Uwumbɔr aah wiin pu na woln ki ponn ni. Kaakaryaa ye Upihbo ngbaan la.

Tibɔkpiirkaan 22:5

Kinyeek aan ki li bi. Baan li ban karyaa, kaan li ban nwiin; ba pu? Tidindaan Uwumbɔr le ga li wiin bi pu. Bi ga li ye bibɔrb ki cha n‑yoonn mu kaa kpa ndoon na.