1 Jɔnn 1:4 - Uwumbɔr aagbaŋ

⁴ Ti ban ke ti li kpa mpopiin mbamɔm, nima pu le ti ŋmee tibɔr timina tii nimi.

UWONBƆR A GBƆNPƆŊ LIKƆƆNL

⁴ Ti sɔb ni niɛ nan ki tenn ni, ke nin che ti li jɔɔ nmɔn biɛn.

1 Jɔnn 1:4 Iomraidhean Croise

Aisaya 61:10

Jerusalem mɔɔni Uwumbɔr aah ŋa pu tii u na pu. U gor ubaa ke usapɔɔn u ban u kun uchal do na aah gor ubaa pu pu na la. Uwumbɔr di ŋŋmarm ni linyaŋ di peen u.

Jɔnn 15:11

“M tuk nimi tibɔr timina ke ni li kpa mpopiin ke maah kpa pu na. M ban ke ni li kpa mpopiin mbamɔm.

Jɔnn 16:24

Naa kee mee Uwumbɔr tiwan nibaa maayimbil pu, ki nan saa din. Ni li mee u, le ni ga kan, ki li kpa mpopiin mbamɔm.”

Jɔnn 3:29

Usapɔɔn yaa kun uchal do kan, uchal le yeh u. Le uchal aajɔ u si u chee ki ŋun waaneel na kpa mpopiin pam. Nima le cha m mu kpa mpopiin mbamɔm.

2 Korenti 1:24

Taa joo nimi mpɔɔn; naah gaa Yesu ki kii mbamɔm na, le ti ban ti ter nimi ni li kpa mpopiin. Timi aatuln le na.

Efesusi 3:19

Waah gee timi pu na jer unii aah ga ŋmaa bee pu na. M ban ke ni bee waah gee nimi pu na aan nimi aabimbin li bi ke waah bi pu na mbamɔm.

1 Jɔnn 2:1

Maabim, maa ban ke ni tun titunwanbir. Nima le cha m ŋmee tibɔr tee tii nimi. Unii mu yaa tun titunwanbir kan, ti kpa uchandatuln Tite Uwumbɔr chee. Uchandatuln ngbaan ye Yesu Kristo la, uma le ye mbamɔndaan.

2 Jɔnn 1:12

M kpa tibɔr sakpen ki ban m tuk nimi; m mu aa ban m ŋmee ti kigbaŋ kee ponn ni. M dak ke m ga mann nimi, ki len ni chee, aan ti li kpa mpopiin mbamɔm.