तीतुस 3:3 - काँगड़ी

³ क्जोकि अहां भी पैहल्ले मूर्ख, कने परमात्मे दे हुक्म जो नीं मन्नणे आल़े, कने लोकां ते धोखा खाणे आल़े, कने बुरी इच्छां च, संसारिक चीज्जां दिया गुलामिया च पैयो थे, बैरभाव, जल़ण करणे च ज़िन्दगी जींदे थे, लोकां नैं नफरत करदे थे कने इक्की दूये नैं बैर रखदे थे।

तीतुस 3:3 Iomraidhean Croise

मत्ती 21:29

तिन्हीं जवाब दित्ता, मैं नीं जांदा, अपर बादे च पछताई नैं चली गेआ।

लूका 21:8

तिन्हीं ग्लाया, “चौकन्ने रेह्आ कि भरमाये नीं जान, क्जोकि मते भरी मेरे नांऐ ते आई नैं ग्लांगे, मैं सैई ऐ, कने एह़ भी कि, ‘बग्त आई रेह्आ ऐ।’ तुहां तिसदे पचांह़ मत चली जांदे।

यूहन्ना 8:34

यीशुयैं तिन्हां जो जवाब दित्ता, “मैं तुहां नैं सच्च-सच्च ग्लांदा ऐ, कि जेह्ड़ा कोई पाप करदा ऐ सैह़ पापे दा गुलाम ऐ।

रोमियो 11:30

क्जोकि जिंआं तुहां पैहल्ले परमात्मे दा हुक्म नीं मन्नेया, अपर हुण यहूदी लोकां दे हुक्म नीं मन्नणे ते तुहां पर दया होई।

रोमियो 6:12

इसतांई तुहां दे नास होणे आल़े सरीरे ऊपर पाप दा बस ना चल्लैं, तांजे तुहां तिसदियां इच्छां दे बसे च रैह़न।

रोमियो 6:17

अपर परमात्मे दा धन्यावाद होयैं, कि तुहां जेह्ड़ा पापे दे दास थे हुण मने ते तिसा सिक्षा जो मन्नणे आल़े होई गै, जिसदे सांचे च ढालेयो थे,

रोमियो 6:22

अपर हुण पापे ते अजाद होई नैं परमात्मे दे दास बणी नैं तुहां जो फायदा होएया जिसते पवित्रता हासल हुंदी ऐ, कने तिसदा नतीजा सदा दी ज़िन्दगी ऐ।

रोमियो 6:6

अहां जाणदे हन कि अहां दा पराणा इन्सानी रूप मसीह सौगी सूल़िया पर टूंगेया तांजे पाप दा सरीर बेकार होई जां, कने अहां गांह जो पापे दे दासे दे रूपे च नीं रैह़न।

2 कुरिन्थियों 12:20

क्जोकि मिन्जो डर ऐ, कुत्थी इआं ना होयैं कि मैं आई नैं जिंआं चांह़दा ऐ, तिंआं तुहां जो नीं पां; कने मिन्जो भी जिंआं तुहां नीं चांह़दे तिंआं ई पान; कने तुहां च झगड़ा, जल़ण, गुस्सा, बरोध, नफरत, चुगली, घमंड कने बखेड़े होन।

गलातियों 6:3

क्जोकि जे कोई कुच्छ ना होणे पर भी अपणे आप्पे जो कुच्छ खास समझदा ऐ, तां अपणे आप्पे जो धोखा दिंदा ऐ।

कुलुस्सियों 1:21

तुहां लोक अपणे बुरे कम्मां दिया बज़ाह ते पैहल्ले परमात्मे ते दूर थे, कने तुहां दे मनां च बैर था।

कुलुस्सियों 3:7

कने तुहां भी, जाह़लू इन्हां बुरे कम्मां च ज़िन्दगी बितांदे थे, तां तुहां भी ऐदई बुरे कम्मां जो करदे थे।

2 तीमुथियुस 3:13

अपर दुष्ट कने धोखा दैणे आल़े लोक होर भी जादा बुरे कम्म करगे, सैह़ दूये लोकां जो धोखा दिंगे, कने सैह़ अप्पु भी दूयेयां ते धोखा खांगे।

2 तीमुथियुस 3:6

क्जोकि इन्हां च कुच्छ लोक ऐदेय भी हन जेह्ड़े लोकां दे घरां च गुप चुप जाई नैं मूर्ख जणासां जो बसे च करी लैंदे हन, जिन्हां दे मन पापां दे थल्लैं दबोयो हन कने हर किस्मां दियां इच्छां दे बसे च हन।

तीतुस 1:16

सैह़ झूठे सिक्षक ग्लांदे हन कि अहां परमात्मे जो जाणदे हन, अपर अपणे कम्मां ते तिसदा इन्कार करदे हन। क्जोकि सैह़ घृणित कने हुक्मां नीं मन्नणे आल़े हन, कने कुसी खरे कम्मे जोग्गे नीं हन।

तीतुस 2:12

इस अनुग्रह दे जरिये परमात्मा अहां जो चतौणी दिंदा ऐ, कि अहां तिस सभावे जो छड्डणा सीखन, जेह्ड़ा परमात्मे दी बेइज्जती करदा ऐ, कने अहां जो सारियां संसारिक चीज्जां दियां इच्छां जो भी छड्डणा चाइदा। अपर इसदिया जगाह इस बग्ते च अहां जो सबर कने पवित्र ज़िन्दगी जीणी चाइदी, जेह्ड़ी साबित करैं कि अहां परमात्मे दी इज्जत करदे हन।

याकूब 1:26

जे कोई अपणे आप्पे जो परमात्मे दा भक्त समझैं, कने अपणिया जीभा पर लगाम ना दैं, अपर अपणे मने जो धोखा दैं, तां तिसदी भक्ति बेकार ऐ।

1 पतरस 1:14

जिंआं बच्चे अपणे बुढ़े दियां गल्लां मनदे हन, तिंआं ई तुहां भी परमात्मे दे हुक्मां जो मन्ना, क्जोकि तुहां भी तिसदे बच्चे हन, तिन्हां बुरे कम्मां जो मत करा, जिन्हां जो तुहां परमात्मे दिया सच्चाईया जो जाणने ते पैहल्ले करणे दी इच्छा रखदे थे।

प्रकाशितवाक्य 12:9

ताह़लू सैह़ बड्डा अजगर, कने सैई पराणा सर्प जेह्ड़ा इबलीस कने सैतान ऐ कने सारे संसारे जो भरमाणे आल़ा ऐ, धरतिया पर सट्टी दित्ता, कने तिसदे दूत तिस सौगी सट्टी दित्ते,

प्रकाशितवाक्य 13:14

तिन्हां अनोखे कम्मां दिया बज़ाह ते, जिन्हां जो तिस पैहल्ले जंगली जानवरे सामणै दस्सणे दा हक्क तिसियो दित्या था, सैह़ संसारे दे लोकां जो इआं भरमांदा था कने तिन्हां जो ग्लांदा था कि जिस जंगली जानवरे पर तलवारा नैं हमला कित्या था, सैह़ जिन्दा होईया, तिसदी मूर्ति बणा।

प्रकाशितवाक्य 18:2

तिन्हीं जोरे नैं डड्डी करी ग्लाया, नास होई गेआ, बड्डा बेबीलोन सैहर नास होई गेआ सैह़ दुष्टआत्मां दा घर कने हर इक्क बुरिआ आत्मा दा अड्डा, कने हर इक्क बुरे कने घृणित पंछिये दा अड्डा बणी गेआ।