तीतुस 2:3 - काँगड़ी

³ तिंआं ई स्याणियां जणासा जो भी जीणा चाइदा, जिसते परमात्मे जो इज्जत मिल्लैं। सैह़ दोस लगाणे आल़ी कने पियक्कड़ नीं होणी चाइदी, अपर खरियां गल्लां जो सखाणे आल़ी होणी चाइदी।

तीतुस 2:3 Iomraidhean Croise

रोमियो 1:29

इसतांई सैह़ हर किस्मां दे बुरे कम्म, दुष्टता, लालच, बैरभाव नैं भरोई गै; जल़स, हत्या, झगड़े, छल कपट, रिस करणा, कने चुगलखोर,

रोमियो 16:2

कने तुहां बसुआसी लोकां जो चाइदा, कि तिसादा प्रभु च सुआगत करा; कने जिसा कुसी गल्ला च तिसा जो तुहां ते जरूरत ऐ, तिसा दी मदत करा। क्जोकि तिन्नै मतेआं दी कने मेरी भी बड़ी मदत कित्तियो ऐ।

इफिसियों 5:3

तुहां परमात्मे दे लोक हन, इसतांई ऐत्थु तिकर कि तुहां बिच्च ब्यभिचार कने कुसी भी किस्मा दियां गंदियां चीज्जां या लालचे दी झलक भी नीं होणी चाइदी;

1 तीमुथियुस 3:11

इन्हीं साह्भें सेवकां दियां लाड़ियां जो भी इज्जतदार होणा चाइदा। दोस लगाणे आल़िआं ना होन, अपर हर हालता च अपणे आप्पे जो काबू करणे आल़िआं कने सारियां गल्लां च बसुआसे जोग्गियां होन।

1 तीमुथियुस 3:8

तिंआं ई कलीसिया दे सेवक भी इज्जतदार कने ईमानदार होणे चाइदे, कने सैह़ पियक्कड़ कने नीच कमाईया दे लालची ना होन।

1 तीमुथियुस 5:23

भविष्य च सिर्फ पाणी ई पीणे आल़ा ना रैह्, अपर अपणे पेटे दी खराबी कने बार-बार बमार होणे दिया बज़ाह ते थोड़ी-थोड़ी अंगूरी मदिरा भी इस्तेमाल कर।

तीतुस 1:7

क्जोकि अगुआ परमात्मे दा भण्डारी होणे दिया बज़ाह ते बेकसूर होणा चाइदा; ना जिद्द करणे आल़ा, ना गुस्सा करणे आल़ा, ना पियक्कड़, ना मारपीट करणे आल़ा, कने ना नीच कमाईया दा लालची होयैं,

तीतुस 2:4

तांजे सैह़ जुआन जणासां तांई उदारण बणी सकैं, कने एह़ भी सखाई सकैं कि तिन्हां जो अपणे लाड़ेयां कने बच्चेयां सौगी किंआं प्यार करणा चाइदा।

इब्रानियों 5:12

सच्ची तां एह़ ऐ कि इस बग्ते तिकर तां तुहां जो सिक्षा दैणे आल़ा बणी जाणा चाइदा था, अपर तुहां जो हुण भी कुसी ऐदेय माणुये दी जरूरत ऐ, जेह्ड़ा तुहां जो दुवारी परमात्मे दी सिक्षा दियां गल्लां सुरू ते सखां। तुहां तां ऐदेय बणी गै हन कि तुहां जो अनाजे दे बदले अह्ल्ली तिकर दुद ई चाइदा।

प्रकाशितवाक्य 2:20

अपर मेरी तिज्जो नैं एह़ शकायत ऐ: कि तू तिसा जणासा इजेबेले जो रैहणा दिंदा ऐ जेह्ड़ी अपणे आप्पे जो भविष्यवक्ता ग्लांदी ऐ, कने मेरे दासां जो ब्यभिचार करणा कने मूर्तियां सामणै चढ़ाईयां चीज्जां जो खाणा सखाई नैं भटकांदी ऐ।