तीतुस 1:4 - काँगड़ी

⁴ तीतुसे दे नां जेह्ड़ा बसुआसे च मेरा सच्चा पुत्तर ऐ; मैं प्रार्थना करदा ऐ, कि पिता परमात्मे कने अहां दे उद्धार करणे आल़े यीशु मसीह दे पास्से ते तिज्जो अनुग्रह कने सांति मिलदी रैंह्।

तीतुस 1:4 Iomraidhean Croise

लूका 2:11

कि अज्ज दाऊद राजे दे सैहर बैतलहमे च तुहां तांई इक्क उद्धार करणे आल़ा पैदा होएया ऐ, कने ऐई मसीह प्रभु ऐ।

यूहन्ना 4:42

कने तिसा जणासा नैं ग्लाया, “हुण अहां तेरे ग्लाणे पर ई बसुआस नीं करदे; क्जोकि अहां अप्पु ई सुणी लेआ, कने जाणदे हन कि ऐई सच्च बिच्च संसारे दा उद्धार करणे आल़ा ऐ।”

रोमियो 1:12

मेरा मतलब एह़ ऐ कि मैं तुहां बिच्च होई नैं तुहां सौगी तिस बसुआसे दे जरिये जेह्ड़ा मिन्जो च ऐ, कने तिस बसुआसे दे जरिये जेह्ड़ा तुहां च ऐ, इक्की दूये जो बसुआसे च मजबूत करदे रैह़न।

रोमियो 1:7

एह़ चिठ्ठी रोम सैहरे दे तिन्हां सारेयां दे नां पर ऐ, जेह्ड़े परमात्मे दे प्यारे हन, कने पवित्र लोक होणे तांई सद्देयो हन, मैं प्रार्थना करदा ऐ, कि अहां दे पिता परमात्मा कने प्रभु यीशु मसीह दे पास्से ते तुहां जो अनुग्रह कने सांति मिलदी रैंह्।

2 कुरिन्थियों 12:18

मैं तीतुसे जो समझाई नैं तिस सौगी तिस भाऊये जो घल्लेया, तां क्या तीतुसें धोखा करी नैं तुहां ते कुच्छ गलत फायदा लेआ? क्या अहां इक्की पवित्र आत्मा दे जरिये नीं चल्ले, क्या इक्क ई रस्ते पर नीं चल्ले?

2 कुरिन्थियों 2:13

मैं अपणे बसुआसी भाऊ तीतुसे जो तित्थु नीं दिख्या तां मेरे मने जो चैन नीं मिल्ला। इसतांई मैं त्रोआस सैहरे दे बसुआसियां ते विदा होई नैं मकिदुनिया प्रदेसे जो बापस आई गेआ।

2 कुरिन्थियों 4:13

पवित्रशास्त्रे च लिख्या ऐ, “मैं बसुआस कित्ता, इसतांई मैं ग्लाया।” अहां अल्ल सैई बसुआस ऐ, इसतांई ग्लांदे हन।

2 कुरिन्थियों 7:6

अपर परमात्मा जेह्ड़ा दुखियां जो हौंसला दिंदा ऐ, तीतुसे जो ऐत्थु घल्ली करी अहां जो हौंसला दित्ता।

2 कुरिन्थियों 8:16

मैं परमात्मे दा धन्यावाद करदा ऐ, जिन्हीं तुहां दे बारे च सैई फिकर तीतुसे दे मने च पाई जेह्ड़ी मिन्जो च थी।

2 कुरिन्थियों 8:23

जे कोई तीतुसे दे बारे च पुछैं, तां सैह़ मेरा साथी कने तुहां तांई कम्म करणे आल़ा ऐ। जे अहां दे बसुआसी भाऊआं दे बारे च पुछे, तां सैह़ कलीसियां दे घल्लेयो कने सैह़ मसीह दी महिमा करदे हन।

2 कुरिन्थियों 8:6

इसतांई अहां तीतुसे नैं विणती कित्ती, कि जिंआं तिन्हीं पैहल्ले सुरू कित्या था, तिंआं ई सैह़ तुहां गरीब बसुआसियां बिच्च इसा दान दैणे दिया सेवा जो पूरा भी करैं।

गलातियों 2:3

अपर मेरा साथी तीतुस जेह्ड़ा इक्क यूनानी ऐ कने जिसदा खतणा नीं होएया था। अपर यरूशलेम सैहरे दिया कलीसिया दे अगुआं तिसियो अपनाया। तिन्हां तिसियो खतणा करणे तांई मजबूर नीं कित्ता।

गलातियों 3:26

क्जोकि तुहां सारे तिस बसुआसे दिया बज़ाह ते जेह्ड़ा यीशु मसीह पर ऐ, परमात्मे दी औलाद हन।

गलातियों 3:28

मसीह च हुण यहूदी कने यूनानी लोकां च कोई फर्क नीं; कने ना कोई दास च ना कोई अजाद च; ना कोई मर्दे च ना कोई जणासा च, क्जोकि तुहां सारे यीशु मसीह च इक्क हन।

इफिसियों 1:2

मैं प्रार्थना करदा ऐ कि अहां दे पिता परमात्मे कने प्रभु यीशु मसीह दिया तरफा ते तुहां जो अनुग्रह कने सांति मिलदी रैंह्।

कुलुस्सियों 1:2

मैं एह़ चिठ्ठी मसीह दे तिन्हां पवित्र कने सच्चे बसुआसी भाऊआं दे नांऐ पर लिखदा ऐ, जेह्ड़े कुलुस्से सैहरे च रैंह्दे हन। मैं प्रार्थना करदा ऐ, कि अहां दे पिता परमात्मे दिया तरफा ते तुहां जो अनुग्रह कने सांति मिलदी रैंह्।

1 तीमुथियुस 1:12

मैं अपणे प्रभु यीशु मसीह दा धन्यावाद करदा ऐ, कि तिन्हीं मिन्जो सामर्थ दित्ती, कने मिन्जो बसुआसे जोग्गा समझी नैं अपणिया सेवा तांई चुणेया।

2 तीमुथियुस 1:1

मैं पौलुस जेह्ड़ा परमात्मे दी इच्छा ते यीशु मसीह दा प्रेरित ऐ; कने तिसा सदा दी ज़िन्दगिया दे वादे मताबक जेह्ड़ी यीशु मसीह पर बसुआस करणे दे जरिये मिलदी ऐ।

2 तीमुथियुस 1:2

मैं तुहां जो एह़ चिठ्ठी तीमुथियुसे दे नांऐ पर लिखा दा ऐ, जेह्ड़ा मिन्जो तांई मेरे जागते साइआं ऐ। मैं प्रार्थना करदा ऐ, कि अहां दे पिता परमात्मे कने प्रभु यीशु मसीह दे पास्से ते तिज्जो अनुग्रह कने दया कने सांति मिलदी रैंह्।

2 तीमुथियुस 4:10

क्जोकि देमासें इस संसारे दियां चीज्जां जो प्यारा समझी करी मिन्जो छड्डी दित्ता ऐ, कने थिस्सलुनीक सैहरे जो चली गेआ। कने क्रेसकेंस गलातिया प्रदेसे जो कने तीतुस दलमतिया प्रदेसे जो चली गेआ ऐ।

तीतुस 1:3

कने हुण ठीक बग्ते पर परमात्मे अहां पर सुसमाचारे जो प्रगट कित्या ऐ। अहां दे उद्धार करणे आल़े परमात्मे मिन्जो एह़ जिम्मेवारी दित्तियो ऐ, कने इस कम्मे जो करणे तांई हुक्म दित्या ऐ।

तीतुस 2:13

कने तिसा खरिया आसा दा मतलब अपणे म्हान परमात्मे कने उद्धार करणे आल़े यीशु मसीह दी महिमा दे प्रगट होणे दा इन्तजार करदे रैह़न।

2 पतरस 1:1

मैं शमौन पतरस जेह्ड़ा यीशु मसीह दा दास कने प्रेरित ऐ। मैं एह़ चिठ्ठी तिन्हां लोकां दे नांऐ पर लिखा दा ऐ, जिन्हां अहां दे परमात्मे कने उद्धार करणे आल़े यीशु मसीह दी धार्मिकता दे जरिये अहां साइआं कीमती बसुआस हासल कित्या ऐ।

2 पतरस 1:11

कने इस तरीके नैं तुहां अहां दे प्रभु कने उद्धार करणे आल़े यीशु मसीह दे सदा दे राज्जे च बड़े आदरे सौगी दाखल हुंगे।

2 पतरस 2:20

जाह़लू लोक प्रभु यीशु मसीह जो अपणा प्रभु कने उद्धारकर्ता मन्नेया था, ताह़लू तिन्हीं तिन्हां जो इस संसारे दिया बुराईया ते बचाई लेआ था। अपर हुण भिरी दुवारी सैह़ तिन्हां बुरे कम्मां च फंसी गियो हन, जेह्ड़े तिन्हां जो अपणे बसे च रखदे हन, इसतांई हुण तिन्हां दी हालत पैहल्ले ते भी बड़ी बुरी होई गियो ऐ।

2 पतरस 3:18

अपर तुहां अहां दे प्रभु, कने उद्धार करणे आल़े यीशु मसीह दे अनुग्रह कने ज्ञाने च बधदे जा। तिसदी महिमा हुण भी होयैं, कने जुगा-जुग हुंदी रैंह्। आमीन।

2 पतरस 3:2

मैं एह़ तां करा दा ऐ, क्जोकि मैं चांह़दा ऐ कि तुहां परमात्मे दे भविष्यवक्तां दे बड़ी पैहल्ले दे ग्लायो वचनां जो, कने अहां दे उद्धारकर्ता प्रभु यीशु मसीह दी सिक्षा जो जेह्ड़ी प्रेरितां तुहां जो दित्तियो थी, तिन्हां जो याद रखन।

1 यूहन्ना 5:14

कने अहां जो परमात्मे सामणै जेह्ड़ी हिम्मत हुंदी ऐ, सैह़ एह़ ऐ; कि जे अहां तिसदिया इच्छा मताबक कुच्छ मंगदे हन, तां सैह़ अहां दी सुणदा ऐ।

यहूदा 1:3

हे मेरे प्यारे साथी बसुआसियो, हलांकि मैं परमात्मे दे उद्धारे दे बारे च बड़ी मेहनत करी नैं तुहां जो लिखा दा था, जिस च अहां सारे साझी हन, मैं तुहां जो एह़ लिखणे तांई मजबूर होएया, कि तुहां जो सच्चाईया दी लड़ाई लड़णे तांई हौंसला देई सकैं। परमात्मैं अपणे लोकां जो एह़ सच्चाई इक्क ई बरी देई दित्तियो, जेह्ड़ी कदी नीं बदलदी।