तीतुस 1:2 - काँगड़ी

² तिसा सदा दी ज़िन्दगिया दिया आसा पर जिसदा वादा परमात्मैं जेह्ड़ा झूठ नीं ग्लाई सकदा, बड़ी पैहल्ले ते कित्या ऐ।

तीतुस 1:2 Iomraidhean Croise

मत्ती 25:34

ताह़लू मैं जेह्ड़ा राजा ऐ, अपणे सज्जे पास्से आल़ेआं नैं ग्लांगा, ‘हे मेरे पिता दे धन लोको, ओआ, तिस राज्जे दे अधिकारी होई जा, जेह्ड़ा संसारे दे सुरू ते लेई नैं तुहां तांई त्यार कित्या ऐ।

मत्ती 25:46

सैह़ जेह्ड़े खब्बे पास्से हन, सदा दी सज़ा झेलगे, अपर धर्मी लोक सदा दी ज़िन्दगिया च प्रवेश करगे।”

मरकुस 10:17

जाह़लू यीशु भिरी अपणे चेलेयां सौगी रस्ते च जा दा था, तां इक्क माणु तिस अल्ल दौड़ी नैं आया, कने तिसदे गांह गोड्डे टिकाई नैं तिसते पुछया, “हे भले गुरू, सदा दी ज़िन्दगिया दा हक्कदार होणे तांई मैं क्या करैं?”

मरकुस 10:30

तिसियो इसा ज़िन्दगिया च सौ गुणा इनाम मिलगा। जेह्ड़ा माणु घराबारां कने भाऊआं-बैहणा कने माँ कने बाल-बच्चेयां कने जमीना जो मुसीबतां सौगी पांगा, तिस माणुये जो परलोक च सदा दी ज़िन्दगी जरूर मिलणी ऐ।

यूहन्ना 10:28

कने मैं तिन्हां जो सदा दी ज़िन्दगी दिंदा ऐ। कने भेड्डां दा कदी नास नीं हुंगा, कने कोई तिन्हां जो मेरे हत्थे ते खोई नीं सकदा।

यूहन्ना 17:2

क्जोकि तैं तिसियो सारे लोकां पर हक्क दित्या, कि जिन्हां जो तैं तिसियो दित्या ऐ तिन्हां सारेयां जो सैह़ सदा दी ज़िन्दगी दैं।

यूहन्ना 17:24

हे पिता, मैं चांह़दा कि जिन्हां जो तैं मिन्जो दित्या ऐ, जित्थु मैं ऐ तित्थु सैह़ भी मिन्जो सौगी होन, कि सैह़ मेरी तिसा महिमा जो दिक्खन जेह्ड़ी तैं मिन्जो दित्ती ऐ, क्जोकि तैं संसारे दी सृष्टिया ते पैहल्ले मिन्जो नैं प्यार रखेया।

यूहन्ना 5:39

तुहां पवित्रशास्त्रे च तोपदे हन, कने समझदे हन कि तिस च सदा दी ज़िन्दगी ऐ, कने एह़ पवित्रशास्त्र ई जेह्ड़ा मेरे बारे च गवाही दिंदा ऐ।

यूहन्ना 6:54

जेह्ड़ा मेरा सरीर खांदा कने मेरा खून पींदा ऐ, सदा दी ज़िन्दगी तिसदी ऐ; कने मैं तिसियो आखरी दिने च भिरी जिन्दा करगा।

यूहन्ना 6:68

शमौन पतरसैं तिस जो जवाब दित्ता, “हे प्रभु अहां कुस अल्ल जान? तेरियां गल्लां तां सदा दी ज़िन्दगी दिंदियां हन।

प्रेरितां दे कम्म 15:18

एह़ सैई प्रभु ग्लांदा ऐ जेह्ड़ा संसारे दी सृष्टिया ते इन्हां गल्लां दा समाचार दिंदा आया ऐ।’

रोमियो 1:2

जिस सुसमाचारे तांई तिन्हीं पैहल्ले ते ई अपणे भविष्यवक्तां दे जरिये पवित्रशास्त्रे च,

रोमियो 16:25

हुण तुहां जो मेरा सुसमाचार जेह्ड़ा यीशु मसीह दे बारे च ऐ, तुहां जो प्रचार करी नैं बसुआसे च मजबूत करी सकदा ऐ। क्जोकि एह़ सुसमाचार सदियां ते छुपाई करी रखेया था।

रोमियो 2:7

जेह्ड़े लोक खरे कम्मां च मजबूत रेई नैं महिमा, कने आदर, कने सदा दी ज़िन्दगिया दिया तोपा च हन, तिन्हां जो परमात्मा सदा दी ज़िन्दगी दिंगा;

रोमियो 5:2

क्जोकि अहां दे बसुआसे दिया बज़ाह ते तिस अनुग्रह तिकर जिस च अहां बणेयो हन, अहां दी पौंच भी होई ऐ, कने परमात्मे दी महिमा दिया आसा च खुसी मनाई ऐ।

रोमियो 5:21

कि जिंआं पापें मौत्ती जो फैलाई करी सारे लोकां पर राज्ज कित्ता, तिंआं ई अहां दे प्रभु यीशु मसीह दे जरिये परमात्मे दा अनुग्रह भी सदा दी ज़िन्दगिया तांई धर्मी बणाई करी राज्ज करदा ऐ।

रोमियो 5:4

कने सबरे ते खरा चाल-चलण कने खरे चाल-चलणे ते बसुआस पैदा हुंदा ऐ।

रोमियो 6:23

क्जोकि पापे दी मजदूरी तां बस मौत्त ई ऐ, अपर परमात्मे दा वरदान अहां दे प्रभु यीशु मसीह च सदा दी ज़िन्दगी ऐ।

कुलुस्सियों 1:27

परमात्मैं एह़ फैसला लेआ कि तिसदे लोक इस सानदार कने महिमा आल़े रहस्य जो जाणी सकन, जेह्ड़ा सारे लोकां तांई तिस अल्ल ऐ। एह़ रहस्य मसीह अप्पु ई ऐ जेह्ड़ा तुहां च रैंह्दा ऐ, सिर्फ सैई महिमा तांई अहां दी उम्मीद ऐ।

1 थिस्सलुनीकियों 2:15

कने इन्हां यहूदियां प्रभु यीशुये जो कने भविष्यवक्तां जो भी मारी दित्ता कने अहां जो सताया, कने परमात्मा तिन्हां ते खुस नीं; कने सैह़ सारे माणुआं दा बरोध करदे हन,

1 थिस्सलुनीकियों 5:8

अपर अहां जेह्ड़े दिन दे हन, बसुआसे कने प्यारे दा सुरक्षा कवच पैहनी नैं कने उद्धारे दी आसा दा टोप पैहनी करी चौकन्ने रेह्आ।

1 तीमुथियुस 6:12

जिंआं इक्क खरा सपाई लड़ाईया च लड़ाई करणा कदी नीं छड्डदा, तिंआं ई तिज्जो भी परमात्मे पर बसुआस करणा कने तिसदे पचांह़ चलणा कदी नीं छड्डणा चाइदा। तांजे तू अपणे इनामे दे रूपे च सदा दी ज़िन्दगिया जो पाई सकैं, जिस तांई तू सद्देया गेआ, जाह़लू तैं मते लोकां सामणै साफ-साफ ग्लाया था, कि तू मसीह पर बसुआस करदा ऐ।

1 तीमुथियुस 6:19

इस तरीके नैं सैह़ अपणे खरे कम्मां जो अप्पु तांई धन-दौलता साइआं किठ्ठा करगे जेह्ड़ी सुअर्गे च तिन्हां दे भविष्य तांई इक्क मजबूत नीआं साइआं हुंगी, तांजे सैह़ सच्ची ज़िन्दगी पाई सकन।

2 तीमुथियुस 1:1

मैं पौलुस जेह्ड़ा परमात्मे दी इच्छा ते यीशु मसीह दा प्रेरित ऐ; कने तिसा सदा दी ज़िन्दगिया दे वादे मताबक जेह्ड़ी यीशु मसीह पर बसुआस करणे दे जरिये मिलदी ऐ।

2 तीमुथियुस 1:9

जिन्हीं अहां दा उद्धार कित्ता कने पवित्र ज़िन्दगी जीणे तांई अहां जो सद्देया। अहां दे खरेया कम्मां दिया बज़ाह ते तिन्हीं अहां जो नीं सद्देया, अपर अपणे मकसदे कने तिस अनुग्रह मताबक सद्देया ऐ, जिसदी योजना परमात्मे पैहल्ले ते ई यीशु मसीह जो इस संसारे च घल्लणे दे जरिये बणाईयो थी,

2 तीमुथियुस 2:10

ऐई बज़ाह ऐ, कि मैं तिन्हां लोकां दे फायदे तांई दुख झेला दा ऐ जिन्हां जो परमात्मे चुणेया ऐ, तांजे सैह़ भी प्रभु यीशु मसीह पर बसुआस करन, कने उद्धार कने तिसा महिमा जो हासल करन जेह्ड़ी सदा तांई ऐ।

2 तीमुथियुस 2:13

ऐत्थु तिकर कि जे अहां मसीह तांई बसुआसे जोग्गे नीं भी होन, तमी सैह़ अहां तांई बसुआसे जोग्गा बणी रैंह्दा ऐ, क्जोकि सैह़ हमेसा अपणे सभावे मताबक ई कम्म करदा ऐ।

2 तीमुथियुस 2:15

सच्चाईया दे वचने जो ठीक ढंगे नैं इस्तेमाल करदे होये परमात्मे दे ग्रहण करणे जोग्गे सेवक बणने दी पूरी कोसस करा, जिसियो सर्मिंदा ना होणा पोयैं।

तीतुस 2:13

कने तिसा खरिया आसा दा मतलब अपणे म्हान परमात्मे कने उद्धार करणे आल़े यीशु मसीह दी महिमा दे प्रगट होणे दा इन्तजार करदे रैह़न।

तीतुस 2:7

तुहां जो हमेसा खरे कम्म करणा चाइदा, तांजे तुहां दूयेयां लोकां तांई उदारण बणन। जाह़लू तुहां बसुआसियां जो सखांदे हन, तां तुहां जो खरे इरादे सौगी सखाणा चाइदा, जिसते लोक तुहां दी इज्जत करन।

तीतुस 3:7

जिसते अहां तिसदे अनुग्रह दे जरिये धर्मी बणी करी सदा दी ज़िन्दगिया दी आसा दे मताबक हक्कदार बणन।

1 यूहन्ना 2:25

कने जिसदा परमात्मैं अहां नैं वादा कित्या सैई सदा दी ज़िन्दगी ऐ।

1 यूहन्ना 5:20

अहां एह़ भी जाणदे हन, कि परमात्मे दा पुत्तर यीशु मसीह इस संसारे च आई गेआ ऐ कने तिन्हीं अहां जो समझ दित्तियो ऐ, कि अहां तिस सच्चे परमात्मे जो पणछैणन; कने अहां तिस च जेह्ड़ा सच्च ऐ, मतलब तिसदे पुत्तर यीशु मसीह च रैंह्दे हन। सच्चा परमात्मा कने सदा दी ज़िन्दगी ऐई ऐ।

यहूदा 1:21

कने अपणे आप्पे जो परमात्मे दे प्यारे च बणाई रखा; कने सदा दी ज़िन्दगिया तांई अहां दे प्रभु यीशु मसीह दी दया दी आसा करदे रेह्आ।

प्रकाशितवाक्य 13:8

संसारे दे लोक तिस जंगली जानवरे दी पूजा करगे। सैह़ सारे लोक जिन्हां दे नां सृष्टिया दे सुरू होणे ते ई तिस मेम्ने दिया ज़िन्दगिया दिया कताबा च लिखे नीं गै, जिसदा बलिदान कित्या था।

प्रकाशितवाक्य 17:8

जेह्ड़ा जंगली जानवर तैं दिख्या ऐ, सैह़ पैहल्लैं तां था पर हुण नीं ऐ, कने अथाह कुंडे ते निकल़ी करी विनाशे च पोंगा; कने संसारे दे लोक जिन्हां दे नां सृष्टिया दे सुरू होणे दे बग्ते ते तिसा ज़िन्दगिया दिया कताबा च लिखे नीं गै, इस जंगली जानवरे दी एह़ हालत दिक्खी करी कि पैहल्ले था कने हुण नीं ऐ कने भिरी आई जांगा, हरान हुंगे।