रोमियो 4:2 - काँगड़ी

² क्जोकि जे अब्राहम खरे कम्मां ते धर्मी गिणेयां जांदा, तां तिस अल्ल घमंड करणे दी बज़ाह हुंदी, अपर सैह़ परमात्मे सामणै अपणे खरे कम्मां दा घमंड नीं करी सकदा।

रोमियो 4:2 Iomraidhean Croise

1 कुरिन्थियों 1:31

तांजे जिंआं पवित्रशास्त्रे च लिख्या ऐ, तिंआं ई होयैं, “जेह्ड़ा घमंड करदा ऐ, सैह़ प्रभु च घमंड करैं।”

2 कुरिन्थियों 11:30

जे मिन्जो घमंड करणा ई ऐ, तां मैं अपणिया कमजोरियां दियां गल्लां पर घमंड करगा।

फिलिप्पियों 3:9

तांजे मैं तिस सौगी एकता च जी सकैं; ना कि अपणी तिसा धार्मिकता दे सौगी, जेह्ड़ी मूसा दिया व्यबस्था ते ऐ, अपर तिसा धार्मिकता दे सौगी जेह्ड़ा मसीह पर बसुआस करणे दिया बज़ाह ते ऐ, कने परमात्मे दे पास्से ते बसुआस करणे पर मिन्जो मिलदी ऐ,

इफिसियों 2:9

कने कुसी भी खरे कम्मे दिया बज़ाह ते नीं। इसतांई तुहां अल्ल घमंड करणे दी कोई भी बज़ाह नीं ऐ।

गलातियों 3:22

अपर पवित्रशास्त्र एह़ दस्सदा ऐ कि अहां सारे पापी हन, इसतांई जेह्ड़ा वादा परमात्मैं कित्या ऐ, सैह़ तिन्हां तांई सिर्फ यीशु मसीह पर बसुआस करणे दे जरिये पूरा हुंदा ऐ।

1 कुरिन्थियों 9:16

जे मैं सुसमाचार सणां, तां इस च मिन्जो तांई कोई घमंडे दी गल्ल नीं; क्जोकि एह़ तां मिन्जो तांई जरूरी ऐ। जे मैं सुसमाचार नीं सणां, तां मिन्जो तांई कितणा बुरा हुंगा।

1 कुरिन्थियों 1:29

परमात्मे एह़ तां कित्ता, कि कोई भी माणु तिसदे सामणै घमंड नीं करी सकैं।

2 कुरिन्थियों 5:12

अहां भिरी भी अपणी बड़ेयाई तुहां सामणै नीं करदे, अपर अहां अपणे बारे च तुहां जो घमंड करणे दा मौका दिंदे हन कि तुहां तिन्हां जो जवाब देई सकन, जेह्ड़े मने पर नीं, अपर बाहरे दियां दखावटी गल्लां पर घमंड करदे हन।

रोमियो 15:17

इसतांई मैं यीशु मसीह दिया बज़ाह ते परमात्मे दिया सेवा पर गरूर करी सकदा ऐ।

2 कुरिन्थियों 11:12

अपर जेह्ड़ा कुच्छ मैं करदा ऐ, सैई करदा रैंह्गा कि जेह्ड़े लोक मौका तोपदे हन, तिन्हां जो मैं मौका नीं दिंदा, तांजे सैह़ तिन्हां कम्मां च घमंड नीं करी पान, तिन्हां दे कम्म अहां ई साइआं हन।

1 कुरिन्थियों 4:7

कुण ग्लांदा ऐ कि तुहां दूयेयां ते म्हान हन, जेह्ड़ा कुच्छ भी तुहां अल्ल ऐ, सैह़ परमात्मैं दित्या ऐ, इसतांई जे सब कुच्छ जेह्ड़ा तुहां अल्ल ऐ परमात्मैं दित्या ऐ, तां तुहां दा तिस पर घमंड करणे दा कोई हक्क नीं बणदा।