रोमियो 2:3 - काँगड़ी

³ कने हे माणु, तू जेह्ड़ा बुरे कम्म करणे आल़ेआं पर दोस लगांदा ऐ, कने अप्पु सैई कम्म करदा ऐ। क्या एह़ समझदा ऐ कि तू परमात्मे दिया सज़ा ते बची जांगा?

रोमियो 2:3 Iomraidhean Croise

मत्ती 23:33

हे सर्पां साइआं जेहरिलै कने दगाबाज लोको तुहां नरके दिया सज़ा ते नठ्ठी करी बची नीं सकदे।

मत्ती 26:53

क्या तू नीं जाणदा कि मैं अपणे पिता नैं विणती करी सकदा, कने सैह़ सुअर्गदूतां दी बाराह पलटन ते भी जादा हुण मेरे सामणै पज्जाई सकदा ऐ?

लूका 12:14

यीशुयैं तिन्हां नैं ग्लाया, “हे माणु, कुणी मिन्जो तुहां दिया जायदाता दा बंडवारा करणे आल़ा बणाया ऐ?”

लूका 22:58

थोड़िया देरा बाद कुणकी होरनी भी तिसियो दिक्खी नैं ग्लाया, “तू भी तां तिन्हां च ऐ।” पतरसैं ग्लाया, “हे माणु, मैं नीं ऐ।”

लूका 22:60

पतरसैं ग्लाया, “हे माणु, मैं नीं जाणदा कि तू क्या ग्ला दा ऐ।” सैह़ ग्ला दा ई था कि तिस बग्त ई कुक्ड़ैं बांग दित्ती।

रोमियो 1:32

सैह़ तां परमात्मे दी एह़ विधि जाणदे हन कि देहय्-देहय् कम्म करणे आल़े मौत्ती दी सज़ा दे हक्कदार हन, तमी ना सिर्फ अप्पु ई देहय् कम्म करदे हन अपर करणे आल़ेआं ते खुस भी हुंदे हन।

रोमियो 2:1

इसतांई हे दोस लगाणे आल़े, तू सोचदा ऐ कि तू ऐदेय लोकां पर दोस लगाई सकदा ऐ, अपर इसा गल्ला च अपणे बचाब च तिज्जो अल्ल कोई भाना नीं ऐ। क्जोकि जिसा गल्ला च तू दूयेयां पर दोस लगांदा ऐ, तिसा गल्ला च अपणे आप्पे जो भी दोसी बणांदा ऐ, इसतांई कि तू जेह्ड़ा दोस लगांदा ऐ, अप्पु ई सैई कम्म करदा ऐ।

रोमियो 2:2

कने अहां जो एह़ पता ऐ, कि परमात्मा तिन्हां जो ठीक-ठीक सज़ा दिंगा, जेह्ड़े इन्हां बुरे कम्मां जो करदे हन।

रोमियो 9:20

हे साथी, तू कुण ऐ, जेह्ड़ा परमात्मे नैं बैंह्सबाजी करदा ऐ? क्या बणाईयो चीज्ज अपणे बणाणे आल़े नैं ग्लाई सकदी ऐ, कि “तैं मिन्जो ऐदेया क्जो बणाया ऐ?”

1 थिस्सलुनीकियों 5:3

जाह़लू लोक ग्लांगे, “कि सब कुच्छ ठीक ठाक ऐ, कने कुच्छ डर नीं,” तां तिन्हां पर चाणचक बड़ी मुसीबत आई पोंगी, जिंआं इक्क लैरथिया जणासा जो इक्क बच्चे जम्मणे दी पीड़ हुंदी; तिंआं ई सैह़ तिसा बड़िया मुसीबता ते कुसी भी तरीके नैं नीं बचगे।

इब्रानियों 12:25

चौकन्ने रेह्आ, कने परमात्मे दे हुक्म मन्ना, जेह्ड़ा तुहां जो ग्लांदा ऐ। इस्राएले दे लोक परमात्मे दिया सज़ा ते नीं बची सकगे, क्जोकि तिन्हां परमात्मे दा हुक्म नीं मन्नेया। जाह़लू मूसैं तिन्हां लोकां जो चतौणी दित्तियो थी, तां अहां भी सज़ा ते किंआं बची सकदे हन, जे अहां तिसदे हुक्म नीं मनन, जेह्ड़ा अहां जो सुअर्गे ते चतौणी दिंदा ऐ?

इब्रानियों 2:3

तां अहां लोक किंआं बची सकगे, जे अहां इस म्हान उद्धारे दी निंदा करगे? इस म्हान उद्धारे दे बारे च अहां प्रभु यीशु मसीह दे जरिये जाणी सके। कने चेले जिन्हां सबते पैहल्ले इसदे बारे च सुणेया, कने तिन्हां अहां पर प्रगट कित्ता कि एह़ सच्च ऐ।